Azərbaycanlı məşqçi “Altınordu”nun düşərgəsində - FOTO

Azərbaycan Birinci Divizionunda fasilə yarandıqdan dərhal sonra “Şüvəlan”ın baş məşqçisi Aqil Nəbiyevlə icraçı direktor Seyidağa Babayev ölkəni tərk edib.

Futbolinfo.az xəbər verir ki, adıçəkilən şəxslər Türkiyənin “Altınordu” klubunun düşərgəsinə yollanıb. 

Aqil Nəbiyev Türkiyədə olduğu müddətdə klubun akademiyası ilə tanış olub, iş prinsipi ilə maraqlanacaq. Təcrübə müddəti A kateqoriyalı məşqçi lisenziyasının tələbidi və 1 həftə müddəti əhatə edir. 

Aqil Nəbiyev səfərlə bağlı fikirlərini bölüşüb: "Dünən "Altınordu" akademiyasının rəhbəri Savaş Sərdarla görüşümüz baş tutdu. Savaş 18 il "Qalatasaray"da, 2 il Hollandiya təmsilçisi "Utrext"də və 5 il öncə "Altınordu"ya gəlib və bu səviyyəyə qalxmasında əməyi böyükdü. Hollandiyada Yohan Kroyff universitetini bitirib. "Altınordu"da U-11-dən başlayaraq, U-21-ə kimi bütün komandalar var. Bu gün əsas komanda ilə görüşümüz baş tutacaq. Onlar da Super Liqaya namizəddirlər. Bizdə - "Şüvəlan"da U-11 və U-14 komandaları var. Yavaş-yavaş akademiya qurmaq istəyirik. Düzgün iş görmək və doğru istiqamət götürmək istəyirik. Bu barədə təcrübə toplamalıyıq. Çempionatımızda qoyulan limitə görə, məcburuq ki, gənc oyunçularla çıxış edən. Bu baxımdan "Altınordu"da limit məsələsiylə bağlı bilgilər alacağıq".

“Qəbələ” yeni prezidentini açıqladı - RƏSMİ

Tərlan Əhmədov qovuldu

Aftandil Hacıyev: “Maariflənmə getməli, yeni qaydalardan xəbərimiz olmalıdı”