(+994) 050 678 37 80
(+994) 070 534 65 52

qaynar xətt

Tahir Süleymanov
“Neftçi”nin kötəklənməsi

“Neftçi”nin kötəklənməsi

“Neftçi” enişdədi. Roberto Bordinin monoton taktikasını hamı “oxuyub” və rəqiblər çempionatın liderini dayandırmağın yollarını tapıblar. İtaliyalı mütəxəssis isə fərqli heç nə edə bilmir, bakılılar relsdən çıxmış qatara çevrilib.

Ötən həftə “Sumqayıt” səfərdə, çempionat matçında “Neftçi”dən xal alanda (0:0) bunu təsadüf sayanlar da oldu. Amma dünən kubok matçında Ayxan Abbasov rəqib həmkarının daha güclü heyəti qarşısına fərqli taktika ilə çıxıb, ona dərs keçdi, hətta inamlı qələbəyə nail oldu. Heyət sıxıntısı olan, faktiki hücumçusuz oynayan “Sumqayıt” 2 qol vurdu, daha 3-4 real şansı qaçırdı.

Evdə 0:2 gesablı məğlubiyyət kubokda mübarizəni dayandırmaq deməkdi. Düzdü, qarşıda cavab oyunu var, lakin Bordin fərqli bir şey fikirləşməsə, bir cəbhədən çəkilməli olacaq. Komandada ruh düşkünlüyü var, məşqçi isə vəziyyəti düzəltməyi bacarmır. İndiyəqədərki bütün oyunlarında qol vurmağı bacarmış komanda 180 dəqiqədi sınıq-salxaq heyəti olan “Sumqayıt”ın torunu silkələyə bilmir.

Abbasova əhsən, rəqibə uyğun taktika seçmək baxımından ağıllı tərpənmişdi. “Neftçi”nin hücum potensialından qorunmaq üçn 4 (!) mərkəz müdafiəçisi ilə oynayan qonaqlar rəqibin təhlükəli cinah oyunçularını bağlamışdı. Dayaq bölgəsi də betonlanmışdı, lakin hətta bu vəziyyətdə də 2-3 hücum oyunçusu ilə “Neftçi” müdafiəsi tar-mar edilirdi. Aleksey İsayev təkbaşına bakılıların müdafiəsini dəfələrlə yardı, penalti qazandı. Müdafiədən hücuma sürətli keçidlər, zonaların vaxtında bağlanması “Sumqayıt”da məşqçi işinin göstəricisi idi.

“Sumqayıt” İsayevlə yanaşı, Əli Babyevi də Azərbaycan futboluna qazandırıb. Bu dayaq yarımmüdafiəçisi “Neftçi”nin hücumlarını vaxtında pozur, özü oyun qururdu. Onun zədələnməsindən sonra qonaqların müqaviməti zəiflədi, komanda bir qədər xaotik oynadı. “Neftçi”də zədəli Emin Mahmudovun yoxluğu da komandanın monoton oyununu şərtləndirirdi. Rəhman Hacıyev “öz oxu ətrafında” fırlanmaqla kifayətlənir, hücumları rəngarəng edə bilmirdi.

“Neftçi”nin müdafiəsinin ciddi güclənməyə ehtiyacı var. Kiril Petrov nəinki kapitan sarğısına, heç “Neftçi”yə layiq deyil. İlk qolda uşaq kimi aldadılan ukraynalı, standart vəziyyət zamanı da fərqlənən Şəhriyar Əliyevlə bacarmadı. İki fərdi səhv isə matçın nəticəsini müəyyənləşdirdi. “Sumyatıt”da Atilla Yıldırımın əvəzinə səviyyəli bir hücumçu olsaydı, oyun böyük hesabla da başa çatardı.

“Sumqayıt” məsələni bir hissəyə həll etdi. Fasilədən sonra Abbasov daha çox top buraxmamaq üçün yetirmələrini geri çəkdi. Bunda məcburi əvəzləmələr də rol oynadı. “Sumqayıt”ın oyununu gücləndirmək üçün ehtiyat qüvvəsi yox idi, əvəzləmədən oyuna qoşulanlar ümumi ansamblı pozurdu. Ayxan bəy azı 5 dəfə taktikanı dəyişdi, hər əvəzləmədə müəyyən oyunçuların mövqeyinə əl gəzdirdi. Babayev və Əliyev zədələnəndə hətta sistemi də dəyişdi. Əvəzində Bordin heç nə edə bilmədi və məğlubiyyətlə barışdı.

İtaliyalı məşqçi qış fasiləsində özünü də təkmilləşdirməlidi. O, artıq neçənci dəfədi komandanı vəziyyətdən çıxara bilmir. “Neftçi”də işlədiyi yarım il ərzində o heç vaxt hesabda geri düşdükləri oyunu çevirməyi bacarmayıb. Macarıstanda da belə olmuşdu, Qəbələdə də. İlk qolu buraxan “Neftçi”disə, məğlubiyyət qaçılmazdı. Bu fakt isə məşqçinin bacarığına dəlalət edən məsələdi.

“Neftçi” futbolçuları Bordindən yalnız cığallıq öyrənib. Oyunboyu hakimlərdən narazılıq edən oyunçular heç bir halda haqlı deyildi. 3 dəfə simulyasiya edib penalti qazanmağa çalışan bakılılar hakimi aldada bilmədilər, əvəzində aqressiyaya səbəb oldular, azarkeşləri ədalət təmsilçilərinə qarşı yönəltdilər, söyüşlərə səbəbkar oldular. Halbuki hakimlər bütün qərarlarında haqlı idi.

Anton Krivotsyukun hərəkəti isə ciddi ölçü götürmək üçün nümunədi. Südəmər ukraynalı hakimin təyin etdiyi cərimə zərbəsi zamanı canlı səddlə top arasındakı məsafənin uzaq olduğunu düşünüb, nümayişkaranə şəkildə özü addımladı, metrələdi, hakimi alçaldaraq haqsız çıxarmağa çalışdı. Əliyar Ağayev onun bu hərəkətini “sarı”ya layiq bildi, lakin klub da mütləq ona qulaqburması verməlidi. Başından böyük işlərə qarışan, təcrübəli oyunçuların yanında özünü “ağsaqqal” kimi aparan Antonun xilaskar olmaq cəhdi də uğursuz alındı. 1 dəqiqə sonra biabırçı simulyasiya edib, meydandan qovuldu, komandanın bütün ümidlərinin üstündən xətt çəkdi.

İndi “Neftçi” cavab matçında vəziyyəti düzəltməyə çalışmalıdı. Bacaracaqmı? Qo qarşıdakı həftədə bunu Bordin düşünsün.

FƏRİD


 
tarix: 16-12-2018 11:52


 
Xəbər lenti
17.06.2019

19:05   “Qarabağ” üçün ÇL-də 5 potensial rəqib

18:33   “Roma”nın əfsanəsi klubdan getdi

17:16   “Real”da braziliyalı hücumçu - RƏSMİ

16:10   “Keşlə” Yovanoviçin yolunu gözləyir

15:45   Premyer Liqada yay bazarlığı - YENİLƏNİR

15:35   İsayevə görə Rəfiyev danlandı

15:27   ATV İlkin Xəlilovla bağlı bəyanat yaydı

15:11   “Keşlə”də argentinalı futbolçu - RƏSMİ

14:15   Mustivarla Dabo “Neftçi”dən ayrıldı

13:42   Milli komandada ciddi itki

13:14   ATV prezidentindən İlkin Xəlilovla bağlı rəsmi açıqlama

12:45   Deməli, gücünüz İlkin Fikrətoğluna çatdı?!

12:17   Mahir “Qarabağ”dan gedir?

11:50   “Qarabağ”lı üçün 90 dəqiqə

11:25   Paraqvaydan heç-heçə, Uruqvaydan darmadağın

11:00   Seneqal yığması Nigeriya üzərində qələbəyə sevindi

10:32   Larsson yenidən baş məşqçi təyin olundu

10:00   Super Liqa klubunda baş məşqçi istefası

09:30   La Liqaya son vəsiqə üçün son 2 namizəd

09:00   Turalla Vüqar oynadı, “Dauqavpils”...

16.06.2019

23:18  “Neftçi”nin Türkiyədəki 2-ci günü - VİDEO

23:06  “Qəbələ” Polşada 9-cu oldu

22:49  “Səbail”in Bolqarıstandakı bütün rəqibləri məlum oldu

19:37  Premyer Liqada hamı bu topun arxasınca qaçacaq - FOTO

18:57  Argentina yığması 40 il idi bu aqibəti yaşamırdı

17:27  “Yuventus”un yeni baş məşqçisi rəsmən açıqlandı

16:07  “Neftçi”dən yeni transferi ilə 2 illik müqavilə

15:34  Monroz “Neftçi”də - VİDEO

15:16  Dünya çempionatının ən yaxşıları açıqlandı

13:39  “Neftçi”nin daha bir rəqibi müəyyənləşdi

12:24  Qurban Qurbanov: “Bizə son variant kimi baxırlar”

11:50  Argentina məğlubiyyətlə başladı

11:44  AFFA dövlətlə azarkeş (xalq) arasında uçurum yaradıb

11:01  “Zirə” Bolunu seçdi

10:45  Tovuz və Gəncə azarkeşləri də Elxan Məmmədovun yalanlarından bezib

10:30  Serb hücumçu Bundesliqa klubunda

09:31  Super Liqa klubunda bir transfer, iki ayrılıq

00:24  Emil Balayev oynadı, “Tobol” qalib gəldi - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az