(+994) 050 678 37 80
(+994) 070 534 65 52

qaynar xətt

Tahir Süleymanov
Kamranın şousu və sayılmayan Axundov

Kamranın şousu və sayılmayan Axundov

Kamran Ağayev hakimlər otağına yox, Zaur Axundovun xarizmasına hücum etdi. Bu hərəkəti ilə həm “Keşlə”nin Müşahidə Şurasının sədrini saya salmadı, həm də özü üçün bəraət qazanmağa cəhd etdi.
 
***
 
Ölkə kubokunun ¼ final mərhələsinin ilk oyunları çərçivəsindəki son matç çox sakit keçdi. “Qarabağ” “Keşlə”dən aşkar üstün idi və bunu yalnız bir qolla ifadə edə bildi. Bir neçə gün öncə çempionat matçında 5 qol buraxan qonaqlar indi canını minimal hesablı məğlubiyyətlə qurtardı.
 
***
 
Bəli, oyunda hakim səhvləri var idi. Vüqar Həsənli heç kimə kömək etmədən, sadəcə, öz təcrübəsizliyi üzündən bəzi yanlışlıqlara yol verdi. Niyyətdə qərəz yox idi, görə bildiyinə fit çalırdı. Onun son dəqiqələrdə, oyunu uyğun olmayan məqamda bitirməsi də öz ziyanına idi. 90 dəqiqə rəqib qapısına yaxınlaşa bilməyən “Keşlə”nin bu alaçiy hücumu da nəticəsiz qurtaracaqdı. Sadəcə, Həsənli bir qədər tələsdi, özünü hədəfə gətirdi.
 
Emosiyaları coşduran bu epizoda görə bakılıların müdafiəçiləri Tərlan Quliyevlə Sərtan Taşkın sarı vərəqə aldı. Onlar iradlarını əsəbi şəkildə çatdırdı və bu aqibətə layiq idi. Hakimlər hətta haqsız da olsa, kimsənin onların üzərinə getməyə ixtiyarı yoxdu.
 
“Keşlə”ni narazı salan digər epizod qolun vurulduğu künc zərbəsinə görə idi. Çünki həmin vaxt oyundankənar vəziyyət qeydə alınmalıydı. Lakin hətta bu səhvi də nəticəyə təsir edən kimi qəbul etməməliyik. Daha ciddi səhv “Keşlə”nin qapısına penaltinin təyin edilməməsi idi. Abdullah Zubirin kobudluqla dayandırıldığı epizodda ağ nöqtə göstərilməliydi və göstərilmədiyinə görə “Qarabağ”narazı qalmalıdı.
 
***
 
Meydanı tərk edən “Keşlə”  futbolçuları həşir qoparmışdı. Tərlan Quliyevin hakimlərin ünvanına səsləndirdiyi nalayiq ifadələr bir yana, Kamran Ağayevin qoçu kimi koridorda cövlan etməsi diqqət çəkirdi. Bakılıların kapitanı hakimlər otağını axtarır, ədalət təmsilçilərinə sözünü çatdırmaq istəyirdi. Tapdı və otağa daxil oldu.
 
***
 
Bunun hansı cəzayla nəticələnəcəyini AFFA İntizam Komitəsinin üzvləri müəyyənləşdirməlidi. Amma hakimlərin mühafizəsini təşkil etməli olan polislərin olayların qarşısını almaması, hadisələrə seyrçi qalması da maraqlı idi. Kamran hakimlərə xəsarət yetirsəydi, bunun cavabını kim verəcəkdi?
 
İnsafən Zaur Axundov Ağayevi sakitləşdirməyə çalışdı, ona hakimlər otağına girməməyi məsləhət bildi. Lakin onu dayandırmaq üçün başqa heç nə etmədi, əksinə, özü də arxasınca yollandı. Axundov həqiqətən nüfuz sahibi olsaydı, Kamran ona qulaq asar, saymamazlıq göstərməzdi. Lakin Zaur bəyin klubunda 90-cı illərin qoluzorluluq metodları hökm sürür, bizə qəribə gəlməməlidi.
 
***
 
Mən və daha bir həmkarım olanları lentə alarkən Axundov bunu gördü. Gücü özünə yaraşan qeyri-etik ifadəyə çatdı. Peşə borcunu yerinə yetirən jurnalistin üstünə isə klub mühafizəçisini göndərdi. Onun “nəyi çəkirsiz və niyə çəkirsiz” sualına aldığı cavab isə gəldiyi kimi də geri qayıtması üçün yetərli oldu.
 
***
 
İndi İntizam Komitəsinin qərarlarını intizarla gözləyəcəyik. Hakimlərin protokolda nə qeyd etdiyini bilmirik, amma ən azı bizim çəkdiyimiz video həm Ağayevin, həm də Axundovun cəzalanması üçün kifayət etməlidi. AFFA rəhbərliyinin hansı cəsarətə sahib olduğunu həftə içində biləcəyik. Hətta Zaur bəyin İcraiyyə Komitəsinin üzvü olması da ikili standartlara, ona güzəşt edilməsinə əsas verməməlidi. Ona qalsa, İK üzvü özünə bu hərəkəti rəva bilməməliydi.
 
Ən maraqlısı odur ki, Ağayev bu hərəkəti ilə özünə bəraət qazanmağa çalışdı. Axundov soyuq başla düşünsə, özü də Kamranı cəzalandırmalıdı. Kapitanın çıxışdakı ciddi səhvindən sonra oyundakı yeganə qol vuruldu. Qapıçı bu səhvini unutdurmaq üçün şou yaratdı, şura sədri də bu oyuna uydu. Halbuki həmin səhv olmasaydı, “Keşlə”nin yarımfinal ümidləri daha çox olardı. Axundov kapitanın şousunu izləyə-izləyə bunu da düşünməli, hətta hakimlər otağına gedən qapıçıya “sən öz səhvinin hesabatını verərsən” deyə qulaqburması verməliydi.
 
***
 
Oyunda hakim səhvləri varsa da, bunu daha sivil yolla araşdırmaq lazımdı, kiməsə təzyiq etməklə, əzələ nümayiş etdirməklə yox. Axundov dostu, AFFA-nın baş katibi Elxan Məmmədovu qoltuğuna vurub təyinatına səs verdiyi Hakimlər və Hakim-İnspektorlar Komitəsinin sədri Frits Stuxlikin üstünə getməli, ondan izahat istəməlidi.
 
***
 
“Keşlə” AFFA-dan maliyyələşən klublar içində ən yaxşı bəslənənidi. Autsayder komandanın əsas ümidi ölkə kubokunadı. Amma ilk oyundakı nəticədən sonra bu ümidlər xeyli azalıb. Axundov isə qalmaqal yaradıb, bəhanə tapmaqda maraqlıdı.
 
CAVAD

 
tarix: 17-12-2018 09:00


 
Xəbər lenti
20.04.2019

14:34   Azər Əliyev “Arsenal”a qarşı 26 dəqiqə oynadı

13:24   Əzizovun komandasından daha bir qələbə

12:57   AFFA-nın araşdırması: “Füzuli” oyunçularının qəsdən uduzduğunu düşünür

12:34   Bezotosnının durumuna sabah aydınlıq gələcək

12:29   Vüqar Əsgərovun dublu “Dauqavpils”ə qələbə qazandırdı

12:14   Son oyunda turun rekordu

12:07   Bordinsiz qələbə

11:59   “Real” onu itirdi

11:32   Bəhlul Mustafazadə “Seltik”in hədəfində

11:07   Dadaşov oynadı, “Eştoril” qalib gəldi

10:15   İsrafilovsuz “Alkorkon” 4 qola üzüldü

09:11   “Traktorsazi”dən ardıcıl 2-ci məğlubiyyət

01:00   Dörd qolluq heç-heçə

00:41   Meydan sahiblərindən çətin qələbə

00:25   “Bursaspor” yenə qələbəyə həsrət qaldı

00:01   Avroliqada həftənin ən yaxşı futbolçusu bəlli oldu

19.04.2019

23:09  Ələsgərov: “Hədəfimiz qarşıdakı bütün oyunlarda qalib gəlməkdi”

21:24  “Neftçi”ni Ələsgərov sevindirdi - VİDEO

21:15  Elşad Əhmədov: “Həmin epizoda baxmaq lazımdı”

20:56  Bordin: “Qalib gəlsək də, üzüldüyüm məqamlar da var”

20:22  “Neftçi”dən inamlı qələbə

19:55  Samir Abasov: “Bu oyun bütün suallara aydınlıq gətirdi”

19:38  Bakı finalına doğru: Aleksanr Səmədov səfir seçildi

19:02  “Futbolçuya meydanda ehtiyatlı olmağı tapşıra bilmərik”

18:54  “Qəbələ” - “Zirə” matçında 3 qol - VİDEO

18:37  “Neftçi” Petrovu itirdi: 2-ci dəqiqədə

17:53  “Qəbələ” “Zirə”ni məğlub yola saldı

17:44  Mahirdən xəstəxanalıq etdiyi futbolçuya ziyarət – FOTO

17:35  Kapitanın 150-ci oyunu

17:14  “Qəbələ”də Bezotosnı şoku

17:03  ÇL-də həftənin ən yaxşı futbolçusu açıqlandı

16:41  Mədətovla Medvedevdən yubiley

16:22  “Qarabağ”dan mövsümün rekordu

16:04  Maksim Medvedev: “Bu sürprizi çox bəyəndim”

15:42  “Qarabağ”ın təxirə salınan matçının vaxtı bilindi

15:25  Premyer Liqada 26-cı turun oyun cədvəli

14:54  Birinci Divizion: Növbəti turun oyun cədvəli açıqlandı

14:26  Maksim Medvedevin 400-ü - FOTOLAR

13:55  “Valensiya”lı mövsümü erkən başa vurdu

13:05  Paytaxt klubunda ciddi itki

12:46  “Çelsi”də yeni rekordçu

12:23  “FC Baku” oyun alveri edib? – AFFA-dan gözlənilməz qərar

12:00  Avroliqada həftənin ən yaxşısı adına 4 namizəd

11:42  Qaliblər mükafatlandırıldı

11:21  Region Liqası: Yarımfinal oyunlarının vaxtı bilindi

11:01  “Qəbələ”dəki yerdəyişmə

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az