(+994) 050 678 37 80
(+994) 070 534 65 52

qaynar xətt

Tahir Süleymanov
“Keşlə” üçün “malalama kampaniyası”

“Keşlə” üçün “malalama kampaniyası”

“Keşlə”nin bəyanatını oxuyub, gülürəm. Dünən aslan kimi görünənlər niyə bu vəziyyətə düşdü? Axı, “Qarabağ”la matçdan sonra hakimlər otağını axtarır, ədalət təmsilçilərindən hesabat istəyirdilər.
 
Klubun yaydığı açıqlamada yazılıb: “16.12.2018-ci il tarixdə futbol üzrə Azərbaycan kubokunun 1/4 final mərhələsi çərçivəsində keçirilən “Qarabağ” - “Keşlə” matçından sonra “Keşlə”nin futbolçusu Kamran Ağayevin hakimlər otağına daxil olaraq müəyyən hərəkətlərə yol verməsi barədə bəzi elektron kütləvi informasiya vasitələrində həqiqətə uyğun olmayan məlumat yayılmışdır. Bildirmək istəyirik ki, Kamran Ağayev hakimlərə qarşı hər hansı bir qeyri-adekvat hərəkətə yol verməmişdir, o, oyun zamanı sarı vərəqə ilə cəzalandırılmış komanda yoldaşı haqqında doğru qərar qəbul etməsini hakimlər heyətindən xahiş etməyə çalışmışdır. Bu hadisə “Keşlə” FK-nın müşahidə şurasının sədri və AFFA İcraiyyə Komitəsinin üzvü Zaur Axundovun diqqətindən yayınmamış və o, Kamran Ağayevdən hakimlər otağını dərhal tərk etməsini tələb etmişdir. Klub rəhbərliyi belə davranışı heç bir halda məqbul saymır”.
 
Əvvəla, Ağayevi otaqdan çıxarmaq yox, ora buraxmamaq lazım idi. Buna Axundovun imkanı da var idi – hər şey gözümüzün önündə olub. Lakin bunu etmədi.
 
Təbii ki, hadisələrin böyüməsində yaydığımız videonun da rolu oldu. Hakimlərin otağına kütləvi hücumu izləyən AFFA rəsmiləri buna görə cəza verilməli olduğunu bilir. Bu səbəbdən “malalama kampaniyası” başlayıb. Bəyanatdakı son sətirlərə diqqət edin: “Nəzərinizə çatdırmaq istəyirik ki, klub rəhbərliyi xırda nöqsanlar istisna olmaqla, “Qarabağ” - “Keşlə” matçının hakimlər heyətinin idarəçiliyi ilə bağlı ciddi narazılığı yoxdur və istənilən etirazın əsasnamə qaydalarına uyğun ifadə edilməsinin tərəfdarıdır”.
 
Bu, dərisi çıxarılmış canavardan nümunə götürmək deməkdi. “Neftçi”nin “Sabah”la oyundakı hakim səhvlərinə etirazına görə hansı təzyiqlərə məruz qaldığı uzaq keçmişin nümunəsi deyil. Hakimlərdən danışanların, onlara etiraz edənlərin cəzası ağır olur.
 
Əslində, heç bir halda kiminsə hakimlər otağına daxil olmağa icazəsi yoxdu. Yalnız AFFA nümayəndəsinin dəvəti və icazəsi ilə klub nümayəndələri bura gələ və iradlarını protokola qeyd edə bilər. Lakin belə olmadı. Oyunun AFFA nümayəndəsi, Peşəkar Futbol Liqasının prezidenti Ramin Musayevin qohumu Eldəniz Musayev nəinki kimsəni dəvət etmədi, hətta Ağayevə mane olmağa çalışdı, o isə otağa daxil oldu. Bu, cəza üçün əsas verir.
 
Axundov da dəvət edilməmişdi, amma hakimlər otağına qədəm qoydu və onlar protokola heç nə qeyd etmədilər, sadəcə, hakimlərə sözlü təzyiq edərək çıxdılar. Protokolda qeyd yoxdusa, Eldəniz Musayev də cavab verməlidi. Ümumiyyətlə, onun raportunda nələri qeyd etdiyi maraqlıdı. Gizlətməyə çalışsa, özü üçün yaxşı olmayacaq, çünki ortada video var və bu material İntizam Komitəsinin işinə yaramalıdı.
 
Əldə etdiyimiz məlumata görə, oyunun baş hakimi Vüqar Həsənli də protokolda hər hansı qeyd etməyib. Yəqin Hakimlər və Hakim-İnspektorlar Komitəsinin sədri Frits Stuxlik videoyla rəsmi protokolu üz-üzə qoyub, onun haqqında müəyyən ölçü götürəcək.
 
İstənilən halda, sabah saat 14.00-da başlayacaq İntizam Komitəsinin növbəti iclasından ədalətli qərar gözləyirik. İzləyirik...
 
FƏRİD

 
tarix: 17-12-2018 13:11


 
Xəbər lenti
17.02.2019

01:41   “Barselona” və “Atletiko”ya 1 qol bəs etdi

01:30   “Milan” “Atalanta”ya səfərdə qalib gəldi

01:14   Meydan sahibləri üçün növbəti uğurlu gün

00:55   “Mançester Siti” darmadağınla 1/4 finalda

16.02.2019

23:53  “Leyptsiq”dən səfərdə inamlı qələbə

23:45  “Fənərbaxça” evdə xal itirdi

21:23  “Neftçi”nin futbolçusu “Qəbələ”yə azarkeşlik edəcək

21:22  “Neftçi”də ciddi itki

20:57  Stuxlikin uduzdurduğu “Sumqayıt”

20:48  “Neftçi” belə xal itirdi - VİDEO

20:24  Abbasovun istefa qərarı son anda dəyişdi

20:14  “Onu özüm gətirmişəm, zəif olduğun deyə bilmərəm”

20:02  Roberto Bordin: “2 xal itirdik”

19:48  “Qarabağ”dan yeni endirim

19:23  “Neftçi” Zirədə büdrədi

18:43  “Sumqayıt”dan daha bir transfer - RƏSMİ

18:25  “Keşlə”nin “Sumqayıt” üzərində qələbəsi - VİDEO

17:30  Ayxan Abbasov: “Azarkeşlərə cavab vermək çətindi”

17:18  “Kiminsə bədbəxtliyi üzərində xoşbəxtlik qurmaq olmaz”

16:47  “Sumqayıt” “Keşlə”yə məğlub oldu

16:07  “Keşlə” - “Sumqayıt” matçının baş hakimi fasilədə əvəzləndi

15:01  Naninin yeni klubu məlum oldu

13:20  “Səbail”də nigeriyalı forvard - RƏSMİ

13:03  “Neftçi” yeni transferini sifariş etdi

12:42  Premyer Liqa klubunda iki yeni müqavilə

11:07  Kamran Quliyev – “like”?

11:00  “Qarabağ” yenə Miçelsiz hazırlaşır

10:32  Əliyev İspaniya klubu ilə heç-heçəni kənardan izlədi

10:00  Dəniz Yılmaz oynadı, komandası qalib gəldi

09:32  “Traktorsazi”yə 1 qol bəs etdi

09:17  Ziya Əzizovsuz məhsuldar heç-heçə

09:00  Limitlə uyğun gəlməyən legioner bolluğu

02:23  İlk 1/4 finalçı bəlli oldu

02:04  Meydan sahiblərinin günü

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az