(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
GİZLİ SKANDAL: Elxan Məmmədov bu şirkətin əliylə SOCAR-ın "cibini soyub"

GİZLİ SKANDAL: Elxan Məmmədov bu şirkətin əliylə SOCAR-ın "cibini soyub"

Cari futbol mövsümünün yarılanmasına bir şey qalmayıb.

Premyer Liqa 14 turdan sonra yeni il fasiləsinə yollanıbsa, 8 klubun ölkə kubokunun yarımfinal mərhələsinə çıxmaq uğrunda mübarizəsinə dekabrın 19-20-si aralağında aydınlıq gələcək.

Qış qapıdan içəri daxil olub. Elxan Məmmədov və əlaltıları üçün fəslin isti-soyuqluğu əhəmiyyət daşımır. Təki pul gəlsin, qazansınlar. Yol-irz ikinci, üçüncü dərəcəlidi.

Onları futbolçular, məşqçilər maraqlandırmır. «KitPro» üzərindən həyata keçirilən maxinasiyalardan bəlli oldu bütün bunlar.

Baş katibin təsiri keçən klublar hələ də qış geyimlərini gözləyə-gözləyə qalıb. Halbuki sifariş olunan mallara görə ödəmələr bəribaşdan edilib və xaricə çıxan məbləğ heç də az deyil.

Adətən, bu cür anlaşmaların ortalama 150-300 min manata başa gəlməsini düşünsək, «KitPro»nun müştərilərinə vurduğu ziyanın  miqyasını təxmin etmək çətinlik törətməz.

Biz sözügedən şirkətin fəaliyyətinin qaranlıq yönləri ilə bağlı araşdırmalarımızın son hissəsində qeyd etmişdik ki, «KitPro» AFFA-nın çətiri altında qurulub və şəbəkəsini genişləndirib.

Federasiyanın bu şirkətin yaranmasında və gəlirlə çalışmasında birbaşa marağı var. Keçən dəfə bir dəlil qoymuşduq masanın üzərinə – «KitPro»nunAFFA-ya aidiyyatı olmasaydı, Dövlət Gömrük Komitəsinə göndərilən siyahıda bu şirkətin məhsulları qeyd edilməzdi.

Bu, artıq federasiya ilə «KitPro» arasında bağlılıq, əlaqə deməkdi. Futbol təsərrüfatına yaxın gəlmək istəyən, belə deyək, bu camiəyə üzv olub, qazanacağını bilən «x» bir kənar iş adamı/firma AFFA-ya müraciət etsə, Elxan Məmmədov həmin şəxsin, şirkətin məhsulların adını Gömrük Komitəsinə göndərərmi?

Dünyasında eləməz!

Çünki AFFA-nın xətti ilə ölkəyə gətirilən bütün növ inventarlardan (texniki təhcizat da bura daxildi) gömrükdə rüsum tutulmur.

Baş katib xarici səfərlər zamanı jurnalistləri restoranda görüb, onlara jest etməyən, quruca salamlaşıb keçən, yəni, yeməyin pulunu verməyən adamdı, razılaşarmı ki, «x» iş adamı AFFA-nın hesabına pul qazansın?

Bir halda mümkündü – şərik gedirlərsə.

«KitPro»nun təpəsindəki zat - Murad Nağıyev Elxan Məmmədovun çoxdankı tanışıdı. İkisinin də atası rəssamdı.

Ailə həyatı qurandan sonra - 2007-ci ildə Bakını Londona dəyişən, bu iki ölkə paytaxtı ilə yanaşı, «İST Holdinq»in rəhbərliyində yer alan yaxın qohumları vasitəsilə Rusiyada da özünə biznes quran Nağıyev Məmmədovun nəfsinə bələd olmasaydı, heç şübhəsiz, «KitPro»nu ərsəyə gətirmək ideyasının arxasınca düşməzdi.

Adam uzaqgörən, «fərasətliymiş»…

Klublardan istədiyi qədər pul qəbul edən kimi aradan çıxıb. Usta və incə tərpənib. Var da gedib, dövlət də!

Amma sifariş olunan məhsullardan yenə xəbər yoxdu. AFFA indi bir yol fikirləşir ki, necə eləsin, klubların texniki təhcizat poblemi həllini tapsın.

Alternativ geyim brendlərinə üz tutmaq - hələlik bunun üzərində dayanıblar. Hansı ki, ucuz mal satan şirkətləri Çində də, Türkiyədə də, Pakistanda da tapmaq mümkündü.

Məsələni müşkül edən klubların özünü razı salmaq deyil. Narazıların əsas maliyyə mənbəyi SOCAR-dı və Elxan Məmmədov bilir ki, neft şirkətində vəzifə sahibi olanların heç də hamısı onu sevmir.

«KitPro»ya ödənilən külli miqdarda vəsaitin müqabilində başqa şirkətlərin məhsulları ilə çatışmazlıqları ört-basdır eləməyin sonrası var axı.

Baş katib istəməz ki, ondan soruşulsun: dünya üzrə geyim istehsalı olan yüzlərlə şirkət var ikən, nə üçün pulların «KitPro»ya axmasına göz yummusan?

Adıçəkilən firma klublar qarşısında götürdüyü öhdəliklərin, heç olmasa, yarısını yerinə yetirsəydi, E.Məmmədov bu «əməliyyat»dakı marağını hansısa formada gizlədərdi.

Dostu ona elə atış gəlməyib ki, özünü kolun arxasına da verə bilsin. Sözün bütün mənalarında gecikib.

İnişil «Kəpəz»də üstü açılan maxinasiyalara görə başı pis ağrıyan E.Məmmədov indi ondan da ağır cəncəldədi.

O, həmin vaxt «gözəgörünməz qüvvə»nin sayəsində çulunu sudan quru çıxarmağa müvəffəq oldu. Hazırkı məqamda bunu etmək daha mürəkkəbdi. Bu səbəbdən ki, «KitPro»nun məhsullarının satışı zamanı gömrükdən rusum tutulmaması nəzərə alınmalıydı, «alınmayıb».

Rüsum tutulmayan malların maya dəyəri 30-36% aşağı düşməli olduğu halda, şirkət onları bazar qiymələrindən də yüksək rəqəmlərlə müştərilərinə sırıyıb.

Belədə təqribi hesabla aparmaq olar ki, E.Məmmədovu içinə alan «KitPro» klubların, dolayısı ilə neft şirkətinin büdcəsindən neçə yüzminlərlə artıq pul «sovurub».

Baş katibin barmağını qoyduğu hər işin üstü bəzək, altı təzəkdi. Biz hələ onun klubları zəlil edən «tender»lərinə toxunmamışıq. Bu barədə gələn dəfə yazacağıq. (Sportinfo.az)


 
tarix: 19-12-2018 11:54


 
Xəbər lenti
17.10.2019
16.10.2019

22:00  Klubu Kompaniyə görə cəzalandı

21:49  İspaniya yığmasından yeni rekord

20:00  “Region Liqası”nın püşkü atılacaq

19:42  “Qəbələ” - APOEL matçı ukraynalı hakimlərə tapşırıldı

19:23  Messi 6-cı "Qızıl buts"unu aldı

19:00  Millimizin dünya çempionatı üçün heyəti açıqlandı

18:41  Argentinalı futbolçu ilə yeni müqavilə

18:23  “El klasiko”nun yeri dəyişdirilə bilər

18:02  “Ayaks” ÇL oyununa qatarla gedəcək

17:40  Ronaldo Messini geridə qoydu

17:23  “Qarabağ” - APOEL matçının biletləri sabahdan etibarən satışda

17:11  Melnyakı dostu məlumatlandırıb: “Azərbaycan qol vurdu, hakim saymadı”

17:00  Almaniya klubundan qovulan futbolçu Türkiyəyə qayıtdı

16:53  Uçurumun dibində: veteranları məqsədli şəkildə üz-üzə qoyurlar

16:41  MY “Liverpul”la oyuna ciddi itki ilə çıxacaq

16:22  APOEL-in dərdi: “Qarabağ”la oyunlar pis vaxta düşür

16:00  İrqçiliyə görə 5 azarkeş saxlanıldı

15:43  “Beşiktaş”ın futbolçusu millimizə dəvət aldı

15:23  “Barselona”nın futbolçusu İspaniya millisində debüt etdi

15:15  AFFA-nın fotoqrafı baş rolda: səfirlik önündəki aksiyanı kim təşkil edib?

15:02  Fransa əsgər salamının qarşını almaq istəyib – Deşam isə...

14:45  “Mümkün xoşagəlməz olayların qarşısı alınacaq” - “Qarabağ” rəsmisi

14:27  “Əcnəbinin bir illik məvacibinə əyalətdə stadion tikmək olar”

14:19  “Qarabağ”ın 3 futbolçusu Avroliqanın ən yaxşıları sırasında

14:08  “Zirə”nin “Neftçi” ilə 18-ci dueli

13:18  “Liverpul”un futbolçusu “Ginnesin rekordlar kitabı”na düşdü

12:56  Modriç “El Klasiko”nu buraxa bilər

12:35  Elxan Məmmədov UEFA-nın baş katibi ilə görüşdü

12:17  “Qəbələ”nin legioneri: “Yeni baş məşqçinin sistemi daha yaxşı işləyir”

12:00  “Traktor”un üzvü futboldan uzaqlaşdırıldı - Türkiyəyə dəstəyə görə

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az