(+994) 050 678 37 80
(+994) 070 534 65 52

qaynar xətt

Tahir Süleymanov
“AFFA-nın bizi istefaya göndərəcəyini gözləmirdim”

“AFFA-nın bizi istefaya göndərəcəyini gözləmirdim”

Azərbaycan futbolunda uzun illərdi ki, yer alan xarici məşqçilər çox deyil. “Qarabağ”-2 komandasının baş məşqçisi Borçe Xristov məhz həmin insanlardandı. 

Futbolinfo.az xəbər verir ki, o, uzun illərdi Azərbaycan futbolundadı və futbolumuzdakı çatışmazlıqları bəlkə də yerli məşqçilərimiz qədər bilir. U-21 yığma komandasında Rəşad Sadıqova kömək edən makedoniyalı mütəxəssis, istefaya göndərildikdən sonra hazırda yalnız “Qarabağ”-2 komandasına başçılıq etməklə məşğuldu. Onun komandası 14 komanda arasında 20 xalla səkkizinci pillədə yer alıb.

Komanda.az saytına müsahibə verən Xristov, həm Ağdam klubundakı işlərindən danışdı, həm də U-21 yığmasından göndərilməsi barədə fikirlərini bildirib:

- “Qarabağ”-2 komandasında işlərinizi necə dəyərləndirərsiz? Komanda səkkizinci pillədədi, yəqin ki, bu sizi sevindirməz... 
- Bizim inkişaf edən komandamız var. Oyundan-oyuna daha yaxşı oynayır futbolçular. Üstəlik liqanın ən gənc komandası bizdədi. Komandadakı 8-9 futbolçu U-19 yığmasının şərəfini qoruyur. Onlar da elit-raunda hazırlaşırlar. Bununla yanaşı, 2-3 oyunçu da U-20 yığmasına dəvət edilir, U-18 yığmasında da oynayan uşaqlarımız var.

- Bəs nəyə görə komandanız hazırda səkkizinci pillədədi? 
- Nəyə görə səkkizinci pillədəyik? Çempionata yaxşı başlamışdıq, 4-5 oyun udduq. Sadəcə, sonradan eniş yaşandı. Həmin vaxtlarda U-19 yığmasının toplanışı, yoxlama oyunları başlamışdı. Komanda ilə birlikdə çox olmadıq. Oyunlarımızı təxirə sala bilərdik, ancaq mən bunu istəmədim. Çünki klubdakı digər oyunçular da oynamalıdı, onlar oynayırdı.

- Maraqlıdı ki, ilin son oyununda “Sabah”-2 ilə görüşdə, əsas komandadan altı oyunçunu dəvət etmişdiz. Hətta onlar arasında 36 yaşlı müdafiəçi Ansi Aqolli də var. Həmin oyunçular sizə bu qədərmi çox lazım idi? 
- Yalnız son oyunda belə oldu. Amma ondan əvvəlki oyunlarda ancaq gənclər oynayırdı. Heç bir oyunda 1998-ci il təvəllüddən aşağı olan oyunçu yoxdu. Həm də bilirsiz, bizim məşqçilər korpusumuz var. Qurban Qurbanov onların oyun praktikasının daha yaxşı olması üçün belə bir qərar verdi. “Neftçi”-2, “Keşlə”-2, “Sumqayıt”-2 komandaları yaşlı futbolçulardan istifadə ediblər. Ancaq biz heç vaxt istifadə etmirik. Ən cavan komanda bizdədi. Elə bir neçə oyunu da təcrübəli oyunçularımızın olmamasına görə uduzduq. MOİK-ə 1:3 uduzanda, təcrübəsizlikdən uduzduq. Mənim komandamda elə oyunçular var ki, ötən mövsüm U-17 liqasında oynayıb, indi isə birinci divizionda oynayır. Bu, elə-belə fərq deyil. Ancaq bizim üçün əsas olan futbolçularımızın inkişaf etməsidi.

- Birinci divizionda çempion olmaq sizin üçün nə dərəcədə önəmlidi? 
- Düzdü, istənilən halda nəticə vacibdi. Lakin əsas məqsəd birinci yer deyil, əsas məqsəd uşaqları inkişaf edirməkdi. Çempion olsaq da, biz Premyer Liqada oynaya bilmərik. Amma istənilən halda, bu, istəyimizə mane ola bilməz, biz yüksək yerlərdə olmaq istəyirik. Ümidvaram ki, hər şey yaxşı olacaq. Ancaq yenə təkrar edirəm ki, bizim üçün əsas olan uşaqların futbolçu kimi inkişaf etməsidi. Uşaqlarımız artırsalar, nəticələr öz-özünə gələcək. Üçüncü yerdəki komanda ilə aramızdakı xal fərqi cəmi üçdü.

- Ümumiyyətlə, birinci divizionun səviyyəsini necə dəyərləndirirsiz? Uzun illərdi birinci divizion haqda belə fikir yaranıb ki, “ora bataqlıqdı”. Üstəlik tez-tez danışılmış oyunlar haqda söz-söhbətlər gəzir... 
- Birinci divizion və Premyer Liqa arasındakı fərq yüksəkdi. Premyer Liqada səviyyə yüksəkdi. Ancaq unutmayaq ki, orda çıxış edən təcrübəli oyunçular da çoxdu. Belədə, normal olaraq səviyyə də yüksək olacaq. Ancaq gənc oyunçuları düşünərək, demək olar ki, birinci liqa əvəzedici yarışdan yaxşıdı. Çünki burda çempionata münasibət əvəzedici yarışdan fərqlidi. Əvəzedici yarışda gənclər oynayır, birinci divizionda isə yaşlı oyunçulara qarşı oynamaq mümkündü.

- Bəs yaxşı, “Qarabağ”ın əsas komandası üçün hazır futbolçunuz var? 
- Bizim komandada U-19 yığmasında oynayan uşaqlar var. Bu yığma da elit-raunda çıxdı. Potensiallı oyunçularımız çoxdu. Ancaq əsas komandadakı oyunçular kimi oynaya biləcəklər ya yox, bu haqda danışmaq tezdi. Sadəcə, potensialları var, işləmək lazımdı, onlar üçün yaxşı şərait yaradıb, onlarla düzgün işləyib, gözləmək lazımdı.

- “Qarabağ”-2 komandasında Qurban Qurbanovun oğlu Musa Qurbanlı oynayır. Hazırda ölkənin ən perspektivli futbolçularından hesab olunur. O, atasından da güclü futbolçu ola bilər? 
- Bəli, o, perspektivli və yaxşı futbolçudu. Musada futbolçu səviyyəsi var. Digər həmyaşıdları arasında seçilən futbolçudu. Futbolçuda istedad da lazımdı. Ancaq istedad oyunçu üçün 10 faizdi. Qalan 90 faiz isə işləməkdi. İşləsə, Musa çox yaxşı hücumçu olacaq. Musa atasından yaxşı olacaq, ya yox, bunu zaman göstərəcək (gülür).

- U-21 yığmamızın forvardı Rövlan Muradovun “Qarabağ”-2 komandasının məşqləri zamanı sizi təhqir etdiyinə görə komandadan qovulduğu bildirilirdi. Bu məsələ haqda nə deyəcəksiz? 
- Rövlan haqda bir söz deyə bilmərəm. Onunla müqavilə başa çatdı və geri qayıtdı. Ona görə də, onunla bağlı bir söz deyə bilməyəcəm.

- Rəşad Sadıqovla birlikdə U-21 yığmasında işlədiz. Amma AFFA Sadıqovu istefaya göndərdi. Necə düşünürsüz, qalsaydız, hər şey başqa cür olacaqdı? 
- Düzünü desəm, AFFA-nın bizi istefaya göndərəcəyini gözləmirdim. Ancaq futbol elədi ki, hər şeyə hər zaman hazır olmaq lazımdı. Yəqin ki, bizim göstərdiyimiz nəticələr yaxşı olmadı deyə, xoşlarına gəlmədi. Lakin istənilən halda, U-21 yığmasında potensial olduğunu düşünürəm. Orda futbolçular var ki, onlarla yaxşı nəticələr qazanmaq olar. Düzünü desəm, elə biz buna hazırlaşırdıq. Çünki bir yaş balaca uşaqlara şans verirdik ki, qarşıdakı tsikldə daha yaxşı olsunlar. Ancaq AFFA bu cür qərar aldı, heç nə demək olmaz.

- Yeri gəlmişkən, istefaya göndərilən tək U-21 yığmasının məşqçiləri olmadı. Qurban Qurbanovun milli komandadan gedişinə reaksiyanız necə oldu? 
- Bu haqda da bir söz deyə bilmərəm. Çünki orda olmamışam. Nə baş verdiyini deyə bilmərəm. Ona görə bir söz deyə bilmərəm.

- Uzun illərdi ki, Azərbaycanda işləyirsiz. Necə düşünürsüz, Azərbaycan futbolunun ən böyük problemi nədi? 
- Hər şeyi əvvəldən, bazadan başlamaq lazımdı. Bazada yaxşı işlər görməsən, nə gözləyəcəksən? Ona görə də, birinci bazaya fikir vermək lazımdı, daha sonra əsas komanda haqda düşünmək olar.

- “Qarabağ”ın əsas komandası Premyer Liqada turnir cədvəlinin ikinci pillədəsindədi. Necə düşünürsüz, qışdan sonra “Qarabağ” “Neftçi”ni qabaqlayıb liderliyə yüksələ biləcək? 
- Hazırda “Qarabağ”ın “Neftçi” ilə arasındakı xal fərqi üçdü. Bu isə elə də böyük deyil. “Qarabağ”ın avrokuboklarda çətin oyunları oldu. Üstəlik bu komandanın əksər oyunçuları yığmada da oynadı. Yəni yükləmə çox idi. Üstəlik Londona uçursan, daha sonra Lissabona uçursan, üç gün sonra isə başqa oyuna çıxırsan. Bunlar hamısı çətindi. Düşünürəm ki, “Qarabağ” ikinci yarıda daha yaxşı durumda olacaq və çempionluğu əldə edəcək.


 
tarix: 20-12-2018 15:50


 
Xəbər lenti
21.02.2019

13:14   Birinci Divizion: 17-ci turun bütün oyunları eyni saatda

13:07   Premyer Liqada 19-cu turun oyun cədvəli

12:57   Milli komandada yeni baş məşqçi

12:31   “Atletiko” 13 oyundu evdə uduzmur - ÇL-də

12:00   17-ci turun ən yaxşısı “Keşlə”li oldu

11:48   Premyer Liqada 17-ci turun rəmzi komandası

11:30   ÇL-də həftənin ən yaxşısı adına 4 namizəd

11:15   Millimizin Türkiyə ilə 2-ci sınağı - YENİLƏNİR

10:58   “Fənərbaxça” “Zenit”ə, “Qalatasaray” “Benfika”ya qarşı - YENİLƏNİR

10:22   “Qəbələ”nin “Keşlə” ilə 48-ci dueli

10:00   “Mançester Siti”dən çətin qələbə - VİDEO

09:41   “Atletiko” “Yuventus”u belə məğlub etdi - VİDEO

09:20   “Sevilya” “Latsio”nu 1/8 finala buraxmadı - VİDEO

09:00   Klublar Komitəsinin sədri kim olsun?

02:12   PSJ 3 xalı 5 qolla qazandı

01:57   MS “Şalke”yə qalib gəldi, “Yuventus” “Atletiko”ya uduzdu

20.02.2019

23:03  Avroliqada ilk 1/8 finalçı bəlli oldu

19:56  “Qarabağ” “Sabah” üçün hazırlığa başladı

18:33  Emil Balayevdən inamlı oyun - VİDEO

18:16  “Yuventus”un futbolçusu ürəyindən əməliyyat olundu

18:08  Daliç Azərbaycanla oyun üçün heyəti müəyyənləşdirib

17:53  “Sumqayıt”ın üzrxahlığı

17:01  Klublar Komitəsinin iclasının vaxtı açıqlandı

16:41  “İkinci hissədə bir qədər arxayınlaşdıq”

16:11  “Kəpəz”ə gedən yol” təqdim olundu

15:55  Maluda rəsmən İsveçrə klubunda

15:16  Kumanın yeni iş yeri məlum oldu

14:48  “Yuventus”da ciddi itki

13:46  Messi İnyestaya çatdı

13:24  Lisenziyalaşdırma qrupu UEFA seminarında

13:09  Millimizin rəqibi üçün Trinidad Tobaqo

12:42  Təmkin Xəlilzadə ata oldu: “Artıq bir yox, iki sevgilim var”

12:21  Millimizin üzvü: “Fiziki baxımdan bir qədər axsayırıq”

12:01  “Hələ də şansımız qalır”

11:54  Kovaç heç-heçədən məmnundu

11:47  “Rubin” Balayevə qol vura bilmədi

11:37  Valverde azarkeşlərdən dəstək gözləyir

11:29  Klopp nəticədən razı deyil

11:15  “Səbail”ə gəlmədi, 1 aya 2 klub dəyişdi

11:00  Millimiz Avropa çempionatının sonuncu səbətində

10:48  Saşa Stamenkoviç: “Hər matç bizim üçün vacibdi”

10:43  Quliyev oynadı, “Spartak” heç-heçəyə razılaşdı

10:32  Riberi 100-ə çatdı

10:26  Suares sonuncu dəfə 2015-də qol vurub

10:17  “Yuventus” hücumçusunu satdı

10:03  Alman intizamı, yoxsa PFL Stuxlikin əli ilə “vurulur”?

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az