(+994) 050 678 37 80
(+994) 070 534 65 52

qaynar xətt

Tahir Süleymanov
“Təmizləmə”nin əks-sədası

“Təmizləmə”nin əks-sədası

“Neftçi” heyətdə təmizləmə işlərinə start verib. Rəşad Eyyubovu yola salan bakılılar, indi də Kvame Karikari və Slavko Braliç kimi faydasız əcnəbiləri göndərməyi düşünür.
 
Əslində, bu oyunçuların gedişi gözlənilən idi. Çünki hətta onlar transfer olunan zaman da faydasız olacaqları ilə bağlı ehtimallarımızı yazmışdıq. Və 6 ay sonra ehtimallarımız təsdiqini tapır.
 
Rəşad ümumiyyətlə, “Neftçi” formasının ağırlığını daşıyacaq səviyyədə biri deyildi. “Sumqayıt”da özünü qismən göstərməyi bacarsa da, bu, onun paytaxt klubuna transferinə şərait yaratmamalıydı. Bakılıların baş məşqçisi Roberto Bordin də ilk turlarda ona güvəndi, bacarığına bələd oldu və ehtiyatda oturtdu. Eyyubov ona verilən şansdan yararlana bilmədiyi üçün yalnız özünü qınamalıdı.
 
Amma ölkə kubokunun son matçında Rəşadın meydana buraxılması da doğru deyildi. Bordin siyahıdan sildiyi yarımmüdafiəçini “Sumqayıt”la həlledici matça buraxmaqla özünü ifşa etdi. Daim ehtiyatda qalan, səhəri gün gedəcəyini bildiyi üçün çoxdan özünə yeni klub tapmış birisinə xilaskar gözüylə baxmaq italiyalının qeyri-səmimiliyindən xəbər verir.
 
Eyyubov artıq “Sabah”la anlaşmaq üzrədi. Xeyirli olsun. Lakin sabahın komandasını quran bir komanda üçün bu transfer yanlış addımdı. Düzdü, yerli oyunçu bazarında qıtlıq var, bu səbəbdən Rəşadın transferini hardasa anlayışla qarşılamaq olar. Bununla belə, son oyunlarda Elşad Əhmədovun şans verdiyi gənclərin inkişafına şərait yaradılması daha vacibdi. Rəşad o uşaqların heç birindən daha yaxşı seçim deyil – zaman göstərəcək.
 
Qayıdaq “Neftçi”yə. Karikari də özünə klub tapmalıdı. Uğursuz transfer olacağı dosyesinə baxanda bəlli olan bu forvard heç yerdə bir ildən artıq qalmayıb. İndiyədək 15 klub görməsi onun səviyyəsini aydınladan faktdı. “Neftçi” də müvəqqəti dayanacaqlardan biri oldu və Kvame qarşılıqlı razılığa gəlib, iş yerini dəyişməlidi.
 
Braliçin transferi də yaxşı perspektiv vəd etmirdi. Bir neçə klubumuza təklif edilən, amma bəyənilməyən müdafiəçinin bakılıların düşərgəsində peyda olması özü sürpriz idi. Yalnız oyunçu çatışmayanda heyətə düşən Slavko rəqabətə tab gətirmədi.
 
“Neftçi” adı çəkilən 3 oyunçudan başqa Qoran Paratski ilə də vidalaşa bilər. Amma Bordinin tam razı qalmadığı bu oyunçu da göndərilsə, ortaya ciddi suallar çıxacaq. Xorvat da yola salınsa, bu, yayda alınan 4 futbolçunun 6 aydan sonra qovulması demək olacaq. Bu isə transfer siyasətinin uğursuzluğu barədə söz-söhbətə səbəb olacaq. Yayda bu oyunçular alınarkən klub menecerləri, baş məşqçi nə düşünürmüş görəsən?
 
Ziyanın yarısından qayıtmaq da xeyirdi. Bu futbolçular həqiqətən “Neftçi”yə layiq deyil. Amma qışda diqqətli olmaq, yeni komandanın özəyi olacaq futbolçular gətirilməlidi. Yoxsa zirvədə olan “Neftçi”nin çempionluq arzuları, kubok ümidləri kimi puç ola bilər.
 
FƏRİD

 
tarix: 21-12-2018 14:37


 
Xəbər lenti
25.04.2019

09:47   Quluzadənin komandası 4 qola üzüldü

09:21   Paşayev oynadı, komandası qalib gəldi

09:00   “Bakı” ölkədən, FIFA futboldan qovdu – danışılmış oyunlara görə

01:25   “Atletiko” “Barselona”nın çempionluğunu ertələdi

01:02   İtaliya kubokunda ilk finalçı müəyyənləşdi

00:56   “Arsenal” yenə uduzdu, derbidə MS qalib gəldi

00:41   “Bavariya” finalda

24.04.2019

22:54  Türkiyə Kubokunda ilk finalçı bəlli oldu

22:41  U-14 Liqasından Premyer Liqa klublarına “göz dağı”

19:04  Yarımfinalın cavab oyunlarının vaxtı açıqlandı

18:34  “Qəbələ”yə 2 qol vursam da, bu, artıq tarixdi”

17:53  “Səbail”in Essyeni sıradan çıxdı

17:28  “Ayaks”dan rekord göstərici

16:50  “Neftçi” “Sumqayıt” üçün hazırlaşır

16:24  Yurçeviçin qızları Bakıya və Qəbələyə heyran olublar - FOTOLAR

16:15  “Qarabağ” 6 aydan sonra...

16:02  90 dəqiqədə bir dəfə də kobudluğa yol vermədilər!

15:40  Millimizin futbolçusu üçün yeni baş məşqçi

15:16  Messi 100-ə çatdı

14:47  Millimizin üzvləri mədəni tədbirlərdə iştirak edəcək

14:22  Müşahidə Şurası “Sabah”ın çıxışına qiymət verdi

14:09  “Qızıl buts”: Messi Mbappeyə qarşı

13:45  Premyer Liqada 26-cı turu 8 futbolçu buraxacaq

13:02  İtaliya klubu baş məşqçisini qovdu

12:37  “Beşiktaş”ın futbolçusu üçün mövsüm bitdi

12:05  Panenka penaltisini boşa verən futbolçu qovuldu - VİDEO

11:29  “Barselona” oynamadan çempion ola bilər

11:06  Tiqrucanın final arzusu: “Qarabağ" və ya "Qəbələ" ilə oynamağın fərqi yoxdu”

10:40  “Mançester Siti”də ciddi itki: 2-3 həftə olmayacaq

10:11  Mühafizəçilərə görə - “Sumqayıt” cəzalanacaqmı?

09:51  Premyer Liqanın tarixinə keçən qol

09:30  Əsgərovdan Latviyada daha bir dubl və bombardirlik

09:00  Yurçeviç üçün həm ziyarət, həm “ticarət”

01:21  “Barselona”dan inamlı qələbə

00:53  “Tottenhem”ə 1 qol bəs etdi

00:38  Almaniya Kubokunda ilk finalçı bəlli oldu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az