(+994) 050 678 37 80
(+994) 070 534 65 52

qaynar xətt

Tahir Süleymanov
AFFA-da nə və necə dəyişəcək?

AFFA-da nə və necə dəyişəcək?

AFFA ciddi dəyişilkliklər ərəfəsindədi. Futbol qurumundakı susqunluq təkcə milli komandalara yeni baş məşqçi axtarışı ilə bağlı deyil. Tezliklə çox şey dəyişməlidi.
 
Planlar var. Hansının baş tutacağı həm də klanlararası döyüşlərin nəticəsindən, yuxarıları kimin daha yaxşı inandıracağından asılıdı. Hazırda bir neçə variant planlaşdırılır – biri alınmadısa, digərinə əl atılacaq.
 
İlk plan martda baş tutacaq Növbəti Hesabat Konfransını önə çəkmək və Hesabat-Seçki Konfransına çevirməkdi. FIFA və UEFA-dan icazə gözlənilir ki, İcraiyyə Komitəsinin tezliklə baş tutacaq iclasında bu barədə qərar verilsin. Baş katib Elxan Məmmədov “saray çevrilişi” üçün lazımi göstərişləri öz himayədarından alıb və səbəbkar da inandırılaraq razı salınıb. Avro-2020-nin final mərhələsində təmsil olunacağımızla bağlı vədin yerinə yetirilməməsi üzündən bu addım atılır və bir növ günahların etirafıdı.
 
İş ondadı ki, Məmmədov ağıllı tərpənib və özü sudan quru çıxmaq üçün manevr edib. O, yalnız AFFA prezidentinin dəyişdirilməsi planı üzərində işləyir. Ya başqa bir məmurun gəlişinə imkan yaratmaqla postunu qoruyacaq, ya da SOCAR-ın sponsor kimi qalmasına nail olaraq özü daha yüksək posta keçəcək.
 
12 ildi baş katib vəzifəsində çalışan və bu müddətdə heç bir layihəsi uğurlu olmayan Məmmədov futbola qazandıra bilmədiklərini gizlətməyi bacarır. O, bu dövrdə çəkişmələrdən, qrupların davasından öz xeyrinə yararlanmaq təcrübəsi qazanıb və indi də bundan faydalanır.
 
Bir müddət öncə Məmmədovun aylıq qazancının 2 dəfə artırılması da yəqin ki, elə onun özünün prezident postuna iddiasına görədi – buna layiq olduğunu düşünürlər. AFFA-da yüksək maaş vermək mümkün olmadığından məmurlar “paket” sistemindən faydalanır. Assosiasiyadan maliyyələşən klubların rəhbərləri də məhz bu şəkildə dolanır. Məsələn, “Sumqayıt”ın prezidenti Riad Rəfiyev aylıq 10, “Keşlə”nin Müşahidə Şurasının sədri Zaur Axundov 20 min manat “paket” alır. AFFA-da departament rəisləri 5-7 min manat arası məvacibə sahib çıxır.
 
Bunu sübut etmək çətindi, bu pullar rəsmi şəkildə verilmir. Amma bu barədə söz-söhbət var, rəsmi təsdiq/təkzibi də işıqlandırmağa hazırıq.
 
Elxan bəydə bu rəqəm - əlavə qazanclar nəzərə alınmamaqla - bir neçə ay öncəyə kimi 50 min manat təşkil edirdi. Deyilənlərə inansaq, indi o, bunun iki qatına sahib çıxır – bu isə artıq ona etimadın artmasına işarədi və vəzifəsinin böyüdülməsinə hesablanıb. Və planlar da bir-bir həyata keçirilir. Milli komandalarda məşqçilər heyəti dəyişdirildi, bu sektora nəzarət yenidən tam olaraq baş katibə keçdi. İndi isə de-fakto AFFA rəhbəri olan Məmmədov vəzifənin de-yure sahibi olacaq.
 
B variantı da var. Bu isə baş katibin postunda qalması şərtiylə ediləcək rəhbər dəyişikliyindən gedir. Daha öncəki AFFA prezidenti ilə də işləmiş Məmmədovun artıq belə bir təcrübəsi var. Rəsmən milyonçu olan Elxan bəyin indi əli daha da uzanıb, çox adama çatır, əlaqələri genişdi, daldalanmaq üçün hamiləri var və işlədiyi dövrdə onları unutmayıb, xidmətlərini dəyərləndirib.
 
Maraqlıdı ki, hamı futbol təsərrüfatının darmadağın olmasında Məmmədovun günahkar olduğunu bilir, görür. Sadəcə, görünür, bu sahənin inkişafı heç kimə maraqlı deyil, ona görə də köklü yox, kosmetik dəyişiklik edilir. Vəziyyətin bərbad olması kimlərəsə sərf edir – belədə problemi çözmək üçün daha çox ölan qurulur, daha çox vəsait ayrılır, dağıdılır. Və heç kimə futbolun inkişafı lazım deyil, bu idman növü cib doldurmaq üçün vasitəyə çevrilib.

 
tarix: 26-12-2018 11:46


 
Xəbər lenti
20.04.2019

09:11   “Traktorsazi”dən ardıcıl 2-ci məğlubiyyət

01:00   Dörd qolluq heç-heçə

00:41   Meydan sahiblərindən çətin qələbə

00:25   “Bursaspor” yenə qələbəyə həsrət qaldı

00:01   Avroliqada həftənin ən yaxşı futbolçusu bəlli oldu

19.04.2019

23:09  Ələsgərov: “Hədəfimiz qarşıdakı bütün oyunlarda qalib gəlməkdi”

21:24  “Neftçi”ni Ələsgərov sevindirdi - VİDEO

21:15  Elşad Əhmədov: “Həmin epizoda baxmaq lazımdı”

20:56  Bordin: “Qalib gəlsək də, üzüldüyüm məqamlar da var”

20:22  “Neftçi”dən inamlı qələbə

19:55  Samir Abasov: “Bu oyun bütün suallara aydınlıq gətirdi”

19:38  Bakı finalına doğru: Aleksanr Səmədov səfir seçildi

19:02  “Futbolçuya meydanda ehtiyatlı olmağı tapşıra bilmərik”

18:54  “Qəbələ” - “Zirə” matçında 3 qol - VİDEO

18:37  “Neftçi” Petrovu itirdi: 2-ci dəqiqədə

17:53  “Qəbələ” “Zirə”ni məğlub yola saldı

17:44  Mahirdən xəstəxanalıq etdiyi futbolçuya ziyarət – FOTO

17:35  Kapitanın 150-ci oyunu

17:14  “Qəbələ”də Bezotosnı şoku

17:03  ÇL-də həftənin ən yaxşı futbolçusu açıqlandı

16:41  Mədətovla Medvedevdən yubiley

16:22  “Qarabağ”dan mövsümün rekordu

16:04  Maksim Medvedev: “Bu sürprizi çox bəyəndim”

15:42  “Qarabağ”ın təxirə salınan matçının vaxtı bilindi

15:25  Premyer Liqada 26-cı turun oyun cədvəli

14:54  Birinci Divizion: Növbəti turun oyun cədvəli açıqlandı

14:26  Maksim Medvedevin 400-ü - FOTOLAR

13:55  “Valensiya”lı mövsümü erkən başa vurdu

13:05  Paytaxt klubunda ciddi itki

12:46  “Çelsi”də yeni rekordçu

12:23  “FC Baku” oyun alveri edib? – AFFA-dan gözlənilməz qərar

12:00  Avroliqada həftənin ən yaxşısı adına 4 namizəd

11:42  Qaliblər mükafatlandırıldı

11:21  Region Liqası: Yarımfinal oyunlarının vaxtı bilindi

11:01  “Qəbələ”dəki yerdəyişmə

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az