(+994) 050 678 37 80
(+994) 070 534 65 52

qaynar xətt

Cavad
Natiq Muxtarlı
Tahir Süleymanov
“Problem sırf baş məşqçidə və bəzi insanlardadı”

“Problem sırf baş məşqçidə və bəzi insanlardadı”

"Keşlə"nin yarımmüdafiəçisi Vaqif Cavadov matç.az saytına müsahibə verib.

Futbolinfo.az həmin müsahibəni təqdim edir:

- "Keşlə"dən hələ ayrılmamısınız?
- Xeyr. Hazırda "Keşlə"nin futbolçusuyam.

- Ancaq rəhbərlik sizi komandada görmək fikrində deyil. Bununla bağlı onlardan xəbərdalıq almısınızmı?
- Bəli, yeni klub tapmağım istənilib. Ancaq hələlik konkret bir şey yoxdu.

- Başqa təklif yoxdu?
- Mən hələ "Keşlə"dən cavab gözləyirəm. Həm maliyyə, həm də digər məsələlər var ki, onları həll etməliyəm. Yeni klubla bağlı problem yoxdu.

- Maliyyə deyəndə, yəqin ki, qalan 6 ayın təzminatını nəzərdə tutursunuz?
- Əlbəttə, bu, avtomatik olmalıdı. Ancaq əsas transfer vərəqəmi klubdan almaqdı.

- Dediniz ki, yeni klubla bağlı problem yoxdu. Özünüzə komanda tapmısınız?
- Əlbəttə. Hər bir futbolçu belə hallara hazır olmalıdı.

- Karyeranızı ölkə daxilində davam etdirəcəksiniz?
- Hazırda müqavilə ilə "Keşlə"yə məxsus olduğum üçün ad çəkə bilmərəm. Bəlkə elə "Keşlə"də qaldım. O ki qaldı sualınıza, bəli, ölkə daxili ola bilər.

- Ümumiyyətlə, "Keşlə"də oyununuzun alınmamasının səbəbini nədə görürsünüz?
- Yenə oyunum alınmayıb? Ölkə kubokunu qazananda, ondan əvvəlki matçlarda niyə belə suallar vermədiniz?

- Fakt odu ki, bu mövsüm nə Mladen Milinkoviç, nə də Tərlan Əhmədov sizə güvəndi...
- Mənim necə oynadığımın sübutu kubokun finalına qədər keçirilən oyunlar və finaldı. Problem sırf baş məşqçidə və bəzi insanlardadı. Amma onların adını çəkə bilmərəm. Təbii ki, əsas cavabdeh baş məşqçidi.

- Milinkoviç və Əhmədov sizə o qədər də şans vermədi. Onlarla bu barədə söhbətiniz olubmu?
- Maksimov mənə güvəndi, nəticəsini də gördük. Onun rəhbərliyi altında kuboku qazandıq. Həmin vaxta qədər də hamı bizdən danışırdı. Mənim baş məşqçi ilə nə söhbətim olmalıdı ki? İstəsələr, oynadarlar. Hər kəsin fərqli yanaşma tərzi var. Maksimov da yeni gələndə oynatmırdı. Ancaq ikinci dövrənin bütün matçlarında çıxış etdim və kifayət qədər də uğurlu alındı. Üstəlik, həmin görüşlərin heç birində məğlub olmadıq.

- Tərlan Əhmədov cəmi 2 aydı "Keşlə"yə rəhbərlik edir. Hansı durumda olduğunuzu görmək üçün elə çox vaxtı da olmayıb. Belə qısa müddətdə sizi niyə komandasında görmək istəmir?
- Bu sualı ona versəniz, daha yaxşı olar. Hansı durumda olduğumu necə bilmir? Məni tanımır ki? AZAL-a məni Tərlan müəllim dəvət etmişdi. Orda ona kömək etmişəm. İndi də kömək etməkdə bir problem yoxdu.

- Ancaq fakt sizi indi istəmir...
- Bu, onun fikridi. Mənə də çox maraqlıdı. Nə edə bilərəm? Həyat davam edir.

- Komandanızı dəyişsəniz, baş məşqçi ilə daha çox oynamaq barədə söhbətiniz olacaqmı?
- Xeyr, mən heç vaxt belə söhbət etməmişəm. Bu cür şərt qoyanlar ya qorxur, ya da nəsə güdürlər.

- Yəni özünüzə arxayınsınız və düşünürsünüz ki, yaxşı formadasınız?
- 3-4 ay futbol oynamadım, hamı mənim adımı çəkirdi. Vaqif gəldi, komandasına kömək elədi, kuboku qazandırdı. Qısa müddətdə vitse-kapitan oldum. Problem ondadı ki, son vaxtlar az oynayıram. Amma fiziki və ya başqa cəhətdən heç bir problem yoxdu. Bir neçə ay əvvəl komandama kuboku qazanmağa kömək etmişəm, "Neftçi"yə, "Qarabağ"a qarşı yaxşı oyunlar keçirmişəm. Qısa müddətdə fiziki və ya oyun praktikası baxımdan problem yarana bilməz axı.

- Belə çıxır ki, oynamamağınızda kənar təsirlər var?
- Bu, mənə də qaranlıq qalır. Açığı, mənə də belə gəlir. Düşünürəm, səbəbini axtarıram. Amma nəyisə sübut etmək çətindi.


 
tarix: 08-01-2019 11:12


 
Xəbər lenti
27.05.2019

00:41   A Seriyasında mövsümə yekun vuruldu

00:25   Premyer Liqada yay bazarlığı - YENİLƏNİR

26.05.2019

22:36  Super Liqada mövsümə yekun vuruldu

20:46  Azər Əliyev üçün son turda 32 dəqiqə

19:28  Səfirlik: “Mxitaryan 3 dəfə Azərbaycanın işğal olunmuş ərazilərinə səfər edib”

19:18  Ayaz Quliyevin komandası Avropa Liqasında

18:17  Ramil Şeydayev darmadağına üzüldü

17:17  Emil Balayev oynadı, “Tobol” qalib gəldi

16:12  İsrafilov üçün 45 dəqiqə və 1 xal

15:36  Balotelli Fransa klubundan ayrıldı

14:39  TFF prezidentliyinə 5 namizəd

14:06  “Qalatasaray”da ilk ayrılıq - RƏSMİ

13:33  “Barselona” finalda belə uduzdu - VİDEO

13:02  Bakı finalı: milyardların mübarizəsi

12:30  “Bavariya” darmadağınla kubok qazandı - VİDEO

11:31  “Qalatasaray”dan Fatih Terimlə yeni müqavilə - RƏSMİ

11:20  Şotlandiya kubokunda 39 qat qalib

11:00  “Qəbələ” heyəti gəncləşdirir: Volkovdan başqa hamı yola salınacaq

10:28  Portuqaliya kubokunun qalibi bəlli oldu

09:30  Amit Quluzadə mövsümün son matçında da oynamadı

01:05  “Napoli” mövsümü məğlubiyyətlə qapadı

00:58  İspaniya kubokunu “Valensiya” qazandı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az