(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
Tərlan Əhmədovun seçimləri

Tərlan Əhmədovun seçimləri

“Keşlə” bu gün divizion təmsilçisi “Qaradağ Lökbatan”la sınaq matçı keçirdi. Mövsümün ikinci yarısına hazırlığın Bakı mərhələsinin sonunda bu oyun vacib idi. Zəif rəqiblə matç həm də oyunçuların durumuna baxmaq səbəbindən əhəmiyyətliydi. Nikola Mitroviç penaltidən, Seymur Əsədov cərimə zərbəsindən, Vüsal İsgəndərli gözəl kombinasiyadan sonra qol vurdu. Fasilədən sonra da Andre Klennon hava mübarizəsində qapıçının səhvini bağışlamadı.
Tərlan Əhmədovun seçimi doğru idi: Antalyaya səfər ərəfəsində həm zədədən qaçmaq, həm də əhval-ruhiyyəni qaldırmaq üçün məhz belə oyun keçirilməliydi.
 
“Keşlə”nin oyun sxemində dəyişiklik var idi. Əhmədov 4 müdafiəçili sistemin tətbiqinə çalışır. Son illər komanda bir qayda olaraq 5 müdafiəçi ilə çıxış edib və Tərlan bəy məhz qış fasiləsini dəyişiklik üçün fürsət bilib.
Tərlan Əhmədovun seçimi düzgün ola bilər: Daha hücumameylli oynamaq üçün müdafiəçi sayını azaltmaq, orta sahədə sıxlıq yaratmaq vacibdi. Əldə yaxşı cinah oyunçuları varkən, bunu etmək daha asan olacaq.
 
Birigün səfərə çıxacaq “Keşlə” 4:0 hesablı qələbəni meydanda gəzə-gəzə qazandı. Bu oyun Premyer Liqa ilə divizion arasındakı səviyyə fərqinin də sübutudu. Bakılılar faktiki əlahiddə heç nə etmədən qolları sıraladılar. “Neftçi”nin təlim-məşq bazasının 3-cü stadionundakı oyunda qollardan birini yeni transfer vurdu.
Tərlan Əhmədovun seçimi pis deyil: Vüsal İsgəndərli ilə Samir Məsimov cinahlarda çox fəal idi, onlar faydalı olacaq. “Zirə”dən gələn Vüsalın heyətə belə tez uyğunlaşması da məşqçini sevindirməlidi. Hücumçuların susqun qalıb, yarımmüdafiəçilərin qol vurduğu ilk hissədə İsgəndərli cinahını dəyişdiyi anda fərqləndi.
 
Komandanın yeni oyunçularına qiymət vermək üçün “Qaradağ Lökbatan”la oyunu əsas götürmək olmur. Emin Mehtiyev inamlı oynadı, lakin o, ən yaxşı halda layiqli əvəzedici olacaq, Slavik Alxasov normal rəqabətdə ona şans verməz. Yalnız Vüsalı komandanın güclənməsi baxımından faydalı saymalıyıq.
Tərlan Əhmədovun seçimi bərbaddı: Qazaxıstandan gələn Con Kamara Ebrima Sohnaya rəhmət oxutduracaq. “Kaysar”dan gələn bu futbolçunun sarı və qırmızı vərəqə rekordçusu olacağını indidən deyə bilərik. Ağır, astagəl, əvəzində kobud oynayan bu legionerin birbaşa müqaviləyə çağırılması da səhv addımdı. Dayaq yarımmüdafiəçisi kimi bütün keyfiyyətlərə malik deyil, yalnız topu ən yaxınındakı oyunçuya ötürməklə məşğul olan bu futbolçu “Keşlə”nin xilaskarı olmayacaq.
 
“Keşlə” qış transferlərini daha bir legioner alışı ilə yekunlaşdıracaq. Pleymeyker həqiqətən lazımdı, komandada belə birisi yoxdu. Tərlan bəyin oyun düşüncəsində isə bu mövqedə səviyyəli oyunçu olmalıdı.
Tərlan Əhmədovun seçimi məcburidi: Yəqin ki, klubun maddi imkanı olsaydı, o, səviyyəli hücumçudan da imtina etməzdi. Bəlkə də Andre Klennonu razı salıb göndərmək, onu daha yaxşısıyla əvəz etmək komandanın autsayderlər qrupundan çıxmasına kömək edərdi.
 
Bugünkü matçda akademiyanın xeyli gənci də sınandı. Onların içində yaxşıları da var idi. Lakin əsas heyətə düşmək bu cavanlar üçün tezdi. Buna baxmayaraq, bəzi seçilənləri Antalyaya aparmağa, komandaya uyğunlaşdırmağa dəyər.
Tərlan Əhmədovun seçimi müəmmalıdı: Bəlkə də o, Türkiyəyə bu gəncləri deyil, “Neftçi”də işlədiyi dövrdə olduğu kimi, “başqa biri”ni aparacaq. Lakin “Keşlə”nin sabahı üçün məhz bu gənclərin toplanışda olması daha məntiqli olardı.
 
CAVAD

 
tarix: 09-01-2019 17:28


 
Xəbər lenti
26.06.2019

00:27   Mirabdulla icarə müqaviləsi imzaladı

25.06.2019

23:00  Qurbanov daha yaxşı olacaqlarını vəd etdi

21:51  "Qarabağ": yenə qolsuz, yenə qələbəsiz - YENİLƏNİB

21:00  "Səbail"i darmadağın etdilər - YENİLƏNİB

19:46  “Keşlə”dən Latviya klubuna

19:23  “Neftçi” ilə oyundan sonra sevinməyimiz Qurban Qurbanovun xoşuna gəlmirdi”

17:43  “Sevilya”nın futbolçusu qəza törətdi, 2 nəfər öldü - FOTO

17:21  “Sumqayıt”da istirahət başa çatdı

17:00  “Çelsi” Lempardla danışıqlara başladı - RƏSMİ

16:44  Lion “Olimpik”ində yeni futbolçu

16:23  “Borussiya”dan Premyer Liqa klubuna

16:02  Şeydayev yeni mövsümü bu klubda keçirəcək

15:46  Milli komandada ciddi itki

15:25  “Qarabağ”ın legioneri oynamadı, komandası qalib gəldi

15:01  Super Liqa təmsilçisindən Liqa 1 klubuna

14:42  “Səbail”in yoxlama oyununun vaxtı dəyişdirildi

14:24  UEFA “Qarabağ”ın albanlarla ilk oyununun saatını açıqladı

14:00  “Neftçi”nin cavab matçının da vaxtı bilindi

13:43  “Azərbaycanın futbol ənənəsi olan bütün bölgələrinə səfər edəcəyik”

13:22  “Neftçi”nin yeni transferi: “Hədəfim bacardığım qədər çoxlu qol vurmaqdı”

13:00  Amerika kubokunda 1/4 finalın cütlükləri

12:41  Millimizin futbolçusu ən yaxşılar arasında

12:20  Tunis xal itkisi ilə başladı

12:00  Emil Balayev Qazaxıstanda hamını qabaqladı

11:46  Uruqvay qrup lideri, Çili ikinci oldu

11:30  Yeni transferi “Qarabağ”la məşqlərə başladı

11:00  Azərbaycanlı referi final oyununa təyinat aldı

10:30  Dəniz Yılmazın klubundan yeni transfer

10:00  Super Liqa klubundan 2 transfer

09:30  “Sevilya”dan “Ayaks”a 15,7 milyonluq transfer

09:00  “Neftçi”nin Türkiyədə 10-cu günü - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az