(+994) 050 678 37 80
(+994) 070 534 65 52

qaynar xətt

Natiq Muxtarlı
Tahir Süleymanov
Etibar Cəbrayıloğlu
“Neftçi”yə yeni sponsor, Bordinə sürpriz

“Neftçi”yə yeni sponsor, Bordinə sürpriz

Bu gün "Neftçi" klubu ilə "Meqa Sığorta" şirkəti arasında əməkdaşlıq müqaviləsi imzalanıb.

Futbolinfo.az xəbər verir ki, "Bakcell Arena"da keçirilən tədbirdə "Neftçi"nin prezidenti Kamran Quliyev, vitse-prezident Elnur Eyvazov, "Meqa Sığorta“nın İdarə Heyətinin sədr müavini Uğur İbrahimli, Marketinq və PR idarəsinin müdiri Emil Quliyev, komandanın baş məşqçisi Roberto Bordin, kapitanı Ruslan Abışov, vitse-kapitanı Emin Mahmudov, və mətbuat nümayəndələri iştirak ediblər.

Quliyev bu tərəfdaşlığın hər tərəf üçün faydalı olacağını bildirib: "Bu gün futbol ölkəmizdə ən kütləvi və ən çox maraq göstərilən idman növüdür. Klub olaraq güclənməyimiz və inkişaf etməyimiz üçün bu gün bir çox nüfuzlu şirkətlərlə əməkdaşlıq edirik. İnanıram ki, bu cür dəstəkləyicilərimiz daha da artacaq. Bu istiqamətdə fəaliyyətimizi davam etdiririk. Sevindirici haldır ki, bu gündən "Meqa Sığorta" şirkəti ilə də belə bir əhəmiyyətli əməkdaşlığın başlanmasına nail olduq. Əminəm ki, bu gün imzalanan müqavilə hər iki tərəf üçün xeyirli olacaq və gələcəkdə də davam etdiriləcək".

Klub prezidenti müqavilənin maliyyə tərəfləri barədə məlumat verməsə də, illik hesabatı açıqlayan zaman sponsorlardan gəlirləri də göstərəcəklərini diqqətə çatdırıb.

İbrahimli isə bildirib ki, bu əməkdaşlıq təmsil etdiyi şirkət üçün çox qururvericidir: "Neftçi" Azərbaycan futbolunun tarixidir və bu tarixdə öz adını yazmağa davam edir. Biz fəxr edirik ki, bu tarixin yazılmasında bizim də payımız olacaq. Şirkətimizin sosial məsuliyyət layihələrində idmana dəstək hər zaman mühüm yer tutub və məhz "Neftçi" ilə əməkdaşlığın əsas məqsədlərindən biri cəmiyyətimizi sağlam həyata yönləndirmək və futbolun kütləviliyini artırmaqdan ibarətdir. İnanıram ki, bu əməkdaşlıq hələ uzun müddət davam edəcək".

Eyvazov "Neftçi"dən öncə "Meqa Sığorta"da çalışdığını deyib: "Sevindirici haldır ki, bu cür müqaviləyə imza atdıq. Bildiyiniz kimi, mən özüm də daha öncə "Meqa Sığorta"da çalışmışam. Hər iki tərəf mənim üçün doğmadır və bu əməkdaşlıqdan hər iki tərəfin faydalanmasını istərdim".

Tərəflər 1,5 illik müqaviləyə imza atıblar. Razılaşmaya əsasən "Neftçi"nin əsas və əvəzedici heyətinin oyun formasının arxa hissəsində "Meqa Sığorta"nın loqosu əksini tapacaq.

İbrahimli üzərində "Meqa Sığorta" loqosu olan ilk "Neftçi" formasını bu gün 54 yaşı tamam olan baş məşqçi Roberto Bordinə hədiyyə edib. Təbirin sonunda üzərində "Neftçi" və "Meqa Sığorta"nın loqolarının əksinin tapdığı tort kəsilib.

Qeyd edək ki, bu, "Neftçi"nin 4-cü sponsorluq müqaviləsidir. Daha əvvəl Türk Hava Yolları, "Nike" və "Vita1000" şirkətləri ilə müqavilə imzalanıb.


 
tarix: 10-01-2019 14:00


 
Xəbər lenti
24.03.2019

09:00   Xorvatiya Macarıstana, Almaniya Hollandiyaya qarşı - YENİLƏNİR

01:41   İspaniyadan çətin, İtaliyadan inamlı qələbə

00:06   Rusiya və Rumıniya da Azərbaycanın aqibətini yaşadı

23.03.2019

22:34  “Qəbələ” Bakıda hazırlıq keçir

20:55  “Keşlə”: 3 legioner və kapitansız

20:19  Lionel Messi zədələndi

19:18  İngiltərə millisində daha bir itki

18:45  Panuççi qovuldu

17:41  Yığmamızdan Essyenli “Səbail”lə heç-heçə

17:22  “Şansımızı itirdiyimizə görə çox məyusuq”

17:00  Messili Argentina Venesuela ilə bacarmadı - VİDEO

16:55  “Keşlə”dən divizion klubuna 3 qol

16:30  İngiltərə klubunun 9 xalı silindi

15:29  Portuqaliya - Ukrayna matçında heç-heçə - VİDEO

14:53  Millimiz İrlandiyaya məğlub oldu

14:39  Litva yığması Bakı səfəri öncəsi belə məğlub oldu - VİDEO

14:20  Azərbaycan yığmasını UEFA sanksiyası gözləyir

14:00  Könül Mehtiyeva AÇ-nin oyununa təyinat aldı

13:32  İngiltərə yığmasından 5 cavabsız qol - VİDEO

13:00  Argentina Venesuelaya, Çili Meksikaya uduzdu

12:28  Türkiyə inamlı qələbə ilə başladı - VİDEO

11:21  “Səbail”in futbolçusu Fransaya qarşı 45 dəqiqə oynadı - VİDEO

10:25  “Qarabağ”ın futbolçusu üçün 21 dəqiqə və 1 xal - VİDEO

09:24  Halldorsson Andorraya qarşı 90 dəqiqə oynadı - VİDEO

09:00  Məğlubiyyət psixologiyası təbliğ edilməz

01:50  Fransa və İngiltərədən darmadağın, Türkiyədən inamlı qələbə

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az