(+994) 050 678 37 80
(+994) 070 534 65 52

qaynar xətt

Natiq Muxtarlı
Tahir Süleymanov
Etibar Cəbrayıloğlu
Zəlzələnin ilk təkanı

Zəlzələnin ilk təkanı

SOCAR-da nələrsə baş verir. Ciddi kadr dəyişiklikləri, kurasiya bölüşmələri və s.

Ola bilsin ki, mətbuatda adı çəkilənlər önə verilənlərdi, daha böyük dəyişikliklər irəlidədi. Və indi gündəm olanlar başqalarını hədəfdən yayındırmaq üçündü. Tezliklə əsl planlar üzə çıxacaq, kimlərin hansı aqibətlə üzləşəcəyi dəqiqləşəcək.

Məsələlərin siyasi tərəfləri ilə işimiz yoxdu. Yoxlamalar, üzə çıxarılan faktlar və s. – bütün bunlar hansısa formada yoluna qoyulacaq. Bizə maraqlı olan bu hadisələrin futbola təsiridi. Çünki SOCAR  AFFA-nın ana sponsoru, əsas dayağıdı və orada başverənlər top oyununa da toxunur. Elə adı çəkilən şəxslərin də futbol təsərrüfatına birbaşa aidiyyatı var.

Futbol belə irimiqyaslı şirkətlər üçün ən önəmli məsələ deyil. Lakin həqiqətən hansısa yeyinti faktı varsa, futbol kənarda qalmayacaq. Çünki çox ciddi şaiyələr, söz-söhbətlər var. Əcnəbi məşqçilərin gətirilməsi, milliləşdirilən futbolçular, xaricdə təlm-məşq toplanışları, müxtəlif tədbirlərin, yarışların təşkili kimlər üçünsə “manevr” imkanlarını artırıb, indi isə hesabat vermək zamanıdı.

Elə idman mətbuatında bir sıra xəbərlər olub ki, bu hadisələrdə araşdırma mövzusu ola bilər. Eddi İsrafilov, Ramil Şeydayev, Emin Mahmudov, Renat Dadaşov və başqaları üçün SOCAR büdcəsindən çıxan pulla oyunçulara çatan vəsait arasında ciddi fərqlər olduğu deyilir. Berti Foqts, Robert Prosineçki, Bernard Lippert və başqalarının bu məsələlərdə “vasitə” olduğu deyilir.

2009-cu il, iyunun 9-da keçirilən Azərbaycan – İspaniya matçı ilə bağlı da hər dəfə bir xəbər çıxır. Bu milli komandanın Bakıya gətirilməsi üçün AFFA-nın milyonlar xərclədiyi deyilirdi. Düzdü, xəbər – gözlənildiyi kimi - rəsmi təsdiqini tapmadı, lakin indiki araşdırmalar zamanı o rəqəmi üzə çıxarmaq olar.

Halbuki məhz maliyyə fırıldaqlarına görə vəzifəsini itirən İspaniya Futbol Federasiyasının sabiq prezidenti Anhel Mariya Vilyarın işi araşdırılarkən bu ölkənin mətbuatı maraqlı rəqəmlər yazmışdı. Guya ki, dünya çempionlarının Bakıya gəlməsi üçün AFFA 700 min avro ödəyib, İspaniya Futbol Federasiyasının hesabına isə cəmi 200 min köçürülüb. Mənimsənən yarım milyonun kimlərin arasında bölüşdürüldüyü müəmma olaraq qaldı. Ümumiyyətlə, hətta kiçik ödəmələrini də təkzib edən bizimkilərin bu məbləğlə kifayətləndiyi, yoxsa büdcədən daha çox pul çıxardığı indiyədək bilinmir.

Faktı Vilyarın oğlu Qorka Vilyar da təsdiqləmiş, bir neçə dəfə bu cür əməllərə əl atdıqlarını etiraf etmişdi. Bu haqda İspaniya mətbuatı tez-tez yazırdı.

Kəsəsi, SOCAR-da başverənlər güman ki, futbol təsərrüfatına da təsir edəcək. Zəlzələnin kimləri tərpədəcəyini zaman göstərəcək. Bu, hələ ilk təkandı...

FƏRİD


 
tarix: 10-01-2019 16:00


 
Xəbər lenti
24.03.2019

09:00   Xorvatiya Macarıstana, Almaniya Hollandiyaya qarşı - YENİLƏNİR

01:41   İspaniyadan çətin, İtaliyadan inamlı qələbə

00:06   Rusiya və Rumıniya da Azərbaycanın aqibətini yaşadı

23.03.2019

22:34  “Qəbələ” Bakıda hazırlıq keçir

20:55  “Keşlə”: 3 legioner və kapitansız

20:19  Lionel Messi zədələndi

19:18  İngiltərə millisində daha bir itki

18:45  Panuççi qovuldu

17:41  Yığmamızdan Essyenli “Səbail”lə heç-heçə

17:22  “Şansımızı itirdiyimizə görə çox məyusuq”

17:00  Messili Argentina Venesuela ilə bacarmadı - VİDEO

16:55  “Keşlə”dən divizion klubuna 3 qol

16:30  İngiltərə klubunun 9 xalı silindi

15:29  Portuqaliya - Ukrayna matçında heç-heçə - VİDEO

14:53  Millimiz İrlandiyaya məğlub oldu

14:39  Litva yığması Bakı səfəri öncəsi belə məğlub oldu - VİDEO

14:20  Azərbaycan yığmasını UEFA sanksiyası gözləyir

14:00  Könül Mehtiyeva AÇ-nin oyununa təyinat aldı

13:32  İngiltərə yığmasından 5 cavabsız qol - VİDEO

13:00  Argentina Venesuelaya, Çili Meksikaya uduzdu

12:28  Türkiyə inamlı qələbə ilə başladı - VİDEO

11:21  “Səbail”in futbolçusu Fransaya qarşı 45 dəqiqə oynadı - VİDEO

10:25  “Qarabağ”ın futbolçusu üçün 21 dəqiqə və 1 xal - VİDEO

09:24  Halldorsson Andorraya qarşı 90 dəqiqə oynadı - VİDEO

09:00  Məğlubiyyət psixologiyası təbliğ edilməz

01:50  Fransa və İngiltərədən darmadağın, Türkiyədən inamlı qələbə

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az