(+994) 050 678 37 80
(+994) 070 534 65 52

qaynar xətt

Natiq Muxtarlı
Tahir Süleymanov
Etibar Cəbrayıloğlu
Ruslan Abışov: “Sonadək mübarizə aparacağıq”

Ruslan Abışov: “Sonadək mübarizə aparacağıq”

"Hazırlıqlara yeni başlamışıq. Hər şey qaydasındadır. Düzdü, istirahətdən yenicə qayıtdığımız üçün məşqlərimiz ağır keçir. Amma yəqin ki, bundan sonrakı məşqlərimiz daha rahat olacaq" - bunu "Neftçi"nin kapitanı Ruslan Abışov bu gün Türk Hava Yolları Futbol Mərkəzində keçirilmiş açıq məşq zamanı jurnalistlərə açıqlamasında deyib.
 
Hazırda zədəsini bərpa edən 32 yaşlı müdafiəçi hələ tam hazır olmadığını bildirib: "Yəqin ki, Antalya toplanışında tam gücümlə məşqlərdə iştirak edəcəyəm. Orada həkimlərlə və məşqçilər heyəti ilə oturub danışacaq, məsləhətləşəcəyik. Məsləhət olsa, yoxlama oyunlarının bəzilərində çıxış edə biləcəyəm. Amma yəqin ki, mövsümün ikinci yarısındakı rəsmi matçlarda meydana çıxmağım tam mümkün olacaq".
 
Abışov "Neftçi"nin qış fasiləsinədək Azərbaycan Premyer Liqasındakı çıxışından razılıq ifadə edib: "Hazırda komandamız birinci yerdə gedir, hər şey yaxşıdır. Amma oyunlarımızı kənardan izləmək çox çətin idi. Mən də bu komandanın üzvüyəm. Meydanda olmağı çox istəyirdim. Amma inanıram ki, formamı bərpa edərək, əsas heyətdə yer alacağam".
 
Təcrübəli oyunçu Azərbaycan kubokunun 1/4 finalında "Sumqayıt"a iki görüşün nəticəsində (0:2, 1:0) uduzaraq, mübarizəni dayandırmalarını sürpriz saymayıb: "Açığı, sürpriz olduğunu deməzdim. Çünki Ayxan Abbasovun gəlişindən sonra "Sumqayıt"da oyun baxımından çoxlu dəyişikliyin baş verdiyi görünürdü. Bu isə bizə çətinlik yaradırdı. Bunu oyun zamanı da görürdük. Doğrudan da "Sumqayıt" tam fərqli üslubda çıxış edirdi. Sonda da mərhələni onlar keçdilər. Amma çox istərdim ki, yarımfinala biz adlayaq".
 
Kapitan çempionluq üçün sonadək mübarizə aparacaqlarını diqqətə çatdırıb: "Artıq bütün fikrimiz Premyer Liqaya yönələcək. Çətin olacağını bilirik. Amma sonadək mübarizə aparacağıq ki, "Qarabağ" və digər klublarla rəqabətdə çempionluq əldə edək".
 
"Neftçi" Türkiyənin Antalya bölgəsinə təlim-məşq toplanışına yanvarın 13-də yola düşəcək. Yanvarın 27-dək Manavqat qəsəbəsindəki "The Sense De Luxe” otelində məskunlaşacaq komanda hazırlıq çərçivəsində 3 yoxlama oyunu keçirəcək. "Ağ-qaralar” yanvarın 18-də "Qaz Metan” (Rumıniya), yanvarın 23-də "Slovan” (Liberes, Çexiya), yanvarın 26-da isə "Beroe” (Bolqarıstan) ilə qarşılaşacaq.

 
tarix: 11-01-2019 16:26


 
Xəbər lenti
24.03.2019

09:30   Dadaşovsuz darmadağın

09:00   Xorvatiya Macarıstana, Almaniya Hollandiyaya qarşı - YENİLƏNİR

01:41   İspaniyadan çətin, İtaliyadan inamlı qələbə

00:06   Rusiya və Rumıniya da Azərbaycanın aqibətini yaşadı

23.03.2019

22:34  “Qəbələ” Bakıda hazırlıq keçir

20:55  “Keşlə”: 3 legioner və kapitansız

20:19  Lionel Messi zədələndi

19:18  İngiltərə millisində daha bir itki

18:45  Panuççi qovuldu

17:41  Yığmamızdan Essyenli “Səbail”lə heç-heçə

17:22  “Şansımızı itirdiyimizə görə çox məyusuq”

17:00  Messili Argentina Venesuela ilə bacarmadı - VİDEO

16:55  “Keşlə”dən divizion klubuna 3 qol

16:30  İngiltərə klubunun 9 xalı silindi

15:29  Portuqaliya - Ukrayna matçında heç-heçə - VİDEO

14:53  Millimiz İrlandiyaya məğlub oldu

14:39  Litva yığması Bakı səfəri öncəsi belə məğlub oldu - VİDEO

14:20  Azərbaycan yığmasını UEFA sanksiyası gözləyir

14:00  Könül Mehtiyeva AÇ-nin oyununa təyinat aldı

13:32  İngiltərə yığmasından 5 cavabsız qol - VİDEO

13:00  Argentina Venesuelaya, Çili Meksikaya uduzdu

12:28  Türkiyə inamlı qələbə ilə başladı - VİDEO

11:21  “Səbail”in futbolçusu Fransaya qarşı 45 dəqiqə oynadı - VİDEO

10:25  “Qarabağ”ın futbolçusu üçün 21 dəqiqə və 1 xal - VİDEO

09:24  Halldorsson Andorraya qarşı 90 dəqiqə oynadı - VİDEO

09:00  Məğlubiyyət psixologiyası təbliğ edilməz

01:50  Fransa və İngiltərədən darmadağın, Türkiyədən inamlı qələbə

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az