(+994) 050 678 37 80
(+994) 070 534 65 52

qaynar xətt

Tahir Süleymanov
"Keşlə" "bazar"ı - Keşlə bazarı

"Keşlə" "bazar"ı - Keşlə bazarı

Zaur Axundovun "Keşlə”nin Müşahidə Şurasının sədri vəzifəsini tutacağını eşidəndə yəqin, çoxları yeni təyinatın vəziyyəti yaxşı doğru dəyişməyəcəyinə əmin idi.
 
Adamın sovetdənqalma psixologiyaya sadiq köhnə rəhbər olduğunu bilənlər futzaldan böyük futbola qədəm basan idarəçinin məharəti yox, şəxsi əlaqələri hesabına Bakı təmsilçisinə nəzarəti ələ keçirdiyini dərhal anlamışdı.

Axundovun Yuri Maksimovun ardından Mladen Milinkoviçi Bakı təmsilçisinə gətirməsi, bu iki əcnəbi dönəmində yaranan klubdaxili çəkişmələr haqda yenidən ətraflı təhlillər yazmağa ehtiyac yoxdu. Ölkə kubokundakı məlum nailiyyətin ardından Avroliqanın ilkin təsnifat mərhələsində Malta "Baltsan”ından alınan rüsvayçı səfər yenilgisi (1:4) ölkə futbolunun tarixinə qara yumor kimi düşdü. Həmin vaxt yenilgini təsadüf sayanlar bir həftə sonra Bakıda məğlubiyyətə bərabər 2:1 hesablı qələbə ilə təskinlik tapmadı. Beynəlxalq Bankın sabiq başqanının - "İnter”də xalqdan oğurladığı çirkli pullarını yuyan Cahangir Hacıyevin devrilməsinin ardından onurğası sınan bakılıların "cırtdanlar”dan betər vəziyyətə düşdüyü rəsmən isbatlandı.

Şübhəsiz, Maksimov yerli "məşqçi sexi”nin sıravilərindən geri qalan çalışdırıcı deyildi. Əvvəl təkhakimiyyətlilik uğrunda mübarizədə AFFA-nın klubdakı "qulağını” - Rəmiş Malıyevi qismən zərərsizləşdirən, zamanla səlahiyyətlərini bir qədər də "rəndələyən” Axundov ona dırnağarası haqq yolunu göstərdi. Bir qədər güc toplayıb Yuri xocaya da kimin xacə, kimin xan olduğunu başa saldı. İstədiyi oyunçuları almadı, "ya mən seçdiklərimlə oyna, ya da şələ-şüləni götür, get” dedi. Başqa cür ola da bilməzdi. Ukrayna futbolunun "şinelindən çıxmış” mütəxəssis oyun içində oyun qaydalarına uyğun piyada deyildi.
Kolxoz sədrlərisayağı fırıldaqlara daha tez uyğunlaşan Milinkoviçin isə "yuxarılar”ın yanında başqanın dilini uzun edəcək nəticələr qazana bilməməsi arzuolunmaz sürprizlərə şərait yarada bilərdi. Sədr əlli tərpəndi, necə deyərlər, arifləri bir işarədən anlayan Tərlan Əhmədovaqucaq açdı.

"Neftçi”də baş məşqçilik etdiyi vaxtlarda adı danışılmış oyunlarla yanaşı hallanan, futbolçulardan faiz aldığı haqda söz-söhbətlər gəzən çalışdırıcı "Keşlə”yə "yerləşdirildi”, yaşıl meydanlarla ötən il vidalaşan Rəşad Sadiqov köməkçi-məşqçi qismində işə götürüldü, Hacı Tərlanın peşə sirlərini çoxdan mənimsəmiş bir neçə sadiq "mürid” də "ASK Arena”nın tribunalarında göründü... Məntiqlə, "arzuların komandası” quruldu.
Artıq 7-8 futbolçuya qapını göstərən hacının yaratdığı hərəkətliliyi ciddi uğurun müjdəçisi sayaqmı? Əsla! Özünün də söylədiyikimi, kimin mömin, kimin kafir olduğunu müəyyənləşdirmək Allaha məxsusdu. Biz də imanımızı yandırıb, peşəkarlığımızı yazının oxunma sayına qurban verib məbləğləri, tutulan "otkat” siyahısını aşkarlamağa can atmayacağıq.

Amma bulaq kimi qaynayan informasiyalara dəyər verməmək, vəziyyətin nə yerdə olduğunu anlamamaq da özünə və bilgisayarının klaviaturasına hörmət edən media mənsublarına yaraşmaz. Əhmədovun vaxtında "Neftçi”yə keçən, qısa zaman kəsiyində rəhmətlik Böyükağa Hacıyevin təbirincə "papaq” adını haqq etdiyi aşkarlanan legionerlər hanı? Onlar yaxşı futbolçuydularsa, sadəcə, "Neftçi”də özlərini göstərmək imkanı qazanmamışdılarsa, niyə Tərlan bəy həmin legionerləri "Keşlə”yə səsləmir? Səbəb sadədi: bulaşıq qaşıqla yemək olmaz! İndi yeni səhifədi, yeni abzasdı, yeni gəlhagəldi, yeni bazardı. Dəyişən adlardı, dəyişməyən köhnə nırxdı. "Şah”a - Axundova da sərfəlidi, Əhmədov - "sərkərdə”yə də.

"Keşlə”dən göndərilənlərin yerinə onlardan bir baş üstün oyunçular təbii ki, gəlməyəcək. Yola salınan əcnəbilərdən səs çıxmayıbsa, deməli, könüllərini almadan yolları ayırmayıblar. Yerlilər isə susmur. Biri dostuna şikayətlənir, o biri mətbuatdakı tanışlarına gizli məlumatlar ötürür, bəziləri isə bazar ab-havasına biganə qalmadan sözünü açıq deyir.

Bu qış "torbası tikilən” qapıçının - Orxan Sadıqlının fikirlərinə diqqət yetirək: "Keşlə"də bəzi məşqçilər var, adlarını mömin qoyublar, ancaq futbolçunun puluna qarışırlar. "Keşlə" ilə müqaviləni xitam etməyə ona görə razılaşdım ki, məşqçi əgər məvacibimə qarışırsa, oynamaqdansa, elə futbolsuz qalsam, yaxşıdı".

Oyunçu da insandı, yalan danışa bilər. Ancaq bu boyda yalanı heç evli kişi saxladığı qadına da söyləməz. Sadıqlı gördüyünü, bildiyini, özünün və ya komanda yoldaşlarının hansınınsa başına gələni deyir.
 
Hər şeyi "malalayan”, səxavətli futbolçu kimi ad çıxaran Vaqif Cavadov da qeyri-peşəkar münasibətlərdən narazıdı. Haqqını tələb edib: "Klubdan mənə baş məşqçinin planlarına daxil olmadığımla bağlı məlumat verilib. Öz qərarlarıdı, hörmətlə yanaşıram. Onların mövqeyi və şərti olduğu kimi, mənim də haqlı olaraq öz şərtlərim var. Və həmin şərtləri diqqətə çatdırmışam. Lazım deyiləmsə, dediklərimə əməl etsinlər, ondan sonra sənədimi götürüb gedərəm. "Keşlə”dən cavab gözləyirəm”.
 
Fanat.Az

 
tarix: 13-01-2019 11:51


 
Xəbər lenti
23.02.2019

09:20   Ev sahibləri Bakıda bəlli olacaq

09:11   “Qəbələ” “Keşlə”yə qarşı - YENİLƏNİR

09:00   Axundovla məhv olan futzal: milliləşənlər getdi, real mənzərə üzə çıxdı

02:11   “Sent-Etyen” qalib gəldi, “Lill” xal itirdi

01:55   “Espanyol” autsayderlə “sülh bağladı”

01:46   “Uotford”dan səfərdə, “Vest Hem”dən evdə inamlı qələbə

01:31   Hərəyə 1 qol, 1 xal

01:22   “Milan”dan darmadağın

00:14   “Trabzonspor”la “Rizəspor” 3 xalı 3 qolla qazandı

22.02.2019

23:12  Azərbaycanlı futbolçu Bosniya və Herseqovina klubunda! - RƏSMİ

21:01  “Qəbələ”dən məktəblilərlə növbəti görüş

20:53  “Neftçi” “Səbail”lə matça hazırlığı davam etdirir

19:11  Avroliqada həftənin ən yaxşısı bəlli oldu

18:55  Gəncədə olay: futbolçu meydana girməmiş cəzalandı

17:58  Qurban Qurbanov onu da əvəzedici komandaya göndərdi

17:04  “Qarabağ” 3 xalı 3, “Neftçi” 5 qolla qazandı

16:18  Avroliqada 1/8 finalın püşkü atıldı

15:32  ÇL-də həftənin ən yaxşısı bəlli oldu

14:48  FİFA “Çelsi”yə transfer qadağası qoydu

14:25  Rusiya Futbol İttifaqının yeni prezidenti məlum oldu

14:09  “Fənərbaxça”ya qol vurdu, İranın tarixinə düşdü

13:44  Premyer Liqada 18-ci tur rəqəmlərin gözü ilə

13:05  “Qarabağ”ın təxirə salınmış oyununun vaxtı bilindi

12:53  Stuxlikin mühakiməsi: avstriyalı cərimələrdən xəbərsiz imiş

12:43  Avroliqada həftənin ən yaxşısı adına 4 namizəd

12:33  “Qarabağ”la “Qəbələ” sədrlikdən yenə imtina etdi

12:25  Aqolli: “Bu komandaya qayıtmaq üçün alışıb-yanmıram”

12:12  Riad Rəfiyev: "Öz səhvlərimizə görə uduzmuşuq"

11:55  Millimizin heyəti açıqlandı

11:42  Millimizin oyunlarının təqvimi açıqlandı

11:31  Klublar Komitəsində yeni sədr

11:23  Ceyms Adeniyi: “Qarabağ”a qol vurmaq şansım yox idi”

11:01  “İnter”dən 4 cavabsız qol - VİDEO

10:42  “Çelsi” də darmadağınla 1/8 finala yüksəldi - VİDEO

10:31  Fellaininin gedişində Mourinyonun rolu

10:17  “VAR-ın öhdəsindən gəldik”

10:00  “Napoli” inamlı qələbə ilə növbəti mərhələdə - VİDEO

09:51  Klublar Komitəsi sədr seçir

09:37  “Ayntraxt” “Şaxtyor”u 4 qolla keçdi - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az