(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Fritz Stuxlik: “Bizə kəmiyyət yox, keyfiyyət lazımdır”

Fritz Stuxlik: “Bizə kəmiyyət yox, keyfiyyət lazımdır”

AFFA-nın Hakimlər Komitəsinin sədri Fritz Stuxlik federasiyanın saytına müsahibə verib.

Futbolinfo.az həmin müsahibəni təqdim edir: 

- Təyinatınızdan sonra görüşlən işlərlə bağlı nə deyə bilərsiz?
- Əvvəlcə müəyyən araşdırmalar aparmalı, daha sonra müəyyən dəyişikliklər etməli idim. Artıq təyinatları hakimlərə, hakim-inspektorlara və AFFA nümayəndələrinə elektron poçt vasitəsilə göndəririk. Hakim və hakim-inspektorların tədrisi üçün yerli çempionat oyunlarından hazırlanmış videomateriallardan istifadə etməklə həftəlik dərslər təşkil edirik. Həmçinin, özünüqiymətləndirmə üçün biz videotest hazırladıq və hər oyundan sonra həmin epizodları Premyer Liqa hakimlərinə və FİFA köməkçi-hakimlərə, beynəlxalq oyunlardan hazırlanmış videomaterialları isə düzgün qərar təsvirləri ilə birlikdə referilərə göndəririk. Hakim-inspektorlar raportlarını oyundan sonra bütün hakimlərə göndərirlər. Hakim və onun komandası ilə oyunu təhlil etmək üçün təkbətək fərdi görüşlər keçirdim. Hakim-inspektorlarla düzgün qiymətləndirmə də daxil olmaqla UEFA-nın müşahidə sistemini tətbiq etməklə işləyirik. Bakı Olimpiya Stadionunda hakimlərdən 3 dəfə test götürdük. Bunun davamı olaraq onlar həftədə 3 dəfə fiziki hazırlıq məşqçisinin rəhbərliyi altında məşqlər keçirlər. İşə başladığım müddətdə Premyer Liqa klublarının rəhbərləri və baş məşqçiləri ilə də görüşmək imkanım olub.

- Qış fasiləsinədək müşahidə etdiyiniz səhvlər əsasən nədən qaynaqlanır?
- Oyun qaydalarının düzgün tətbiqi ilə bağlı müəyyən axsamalarımız var. Adı oyunun protokolunda olmayan futbolçunun meydana çıxmasına da imkan verilməməlidir. Əlbəttə, “əsas səhvlər” qırmızı vərəqə və ya penalti kimi oyunun nəticəsinə təsir edəcək yanlış qərarlardır ki, burada da insan faktorunu unutmaq olmaz. Bu cür səhvlərlə hətta Avropanın ən yüksək yarışlarında da qarşılaşırıq. Sadəcə, ilk gündən bildirmişəm ki, hakimin qərarları hər zaman eyni olmalıdır. Yəni nə baş verirsə, ona hər zaman eyni reaksiyanı göstərmək lazımdır. Hər kəs bilsə ki, hakimin fitindən sonra topa zərbə endirən, oyunun bərpasını ləngidən futbolçuya sarı, hətta ikinci sarı - qırmızı vərəqə göstəriləcək, buna heç kim təəccüblənməz. 

- Ümumiyyətlə, azərbaycanlı hakimlərin əsas çatışmazlığı nələrdir?
- İlk növbədə hər kəs - komandalar, azarkeşlər və iş başında olan digər rəsmilər üçün stadionda yaxşı atmosferin yaradılması vacibdir. Əlbəttə, yerli və beynəlxalq qarşılaşmalardakı azarkeş sayını müqayisə etsək, hakimlərimizin birdən-birə 40 min azarkeş qarşısına çıxıb oyun idarə etməsi çətin olur.

- Hazırda keçirilən təlim-məşq toplanışında əsas nələrə diqqət yetirilir?
- Hər gün fiziki hazırlıq üzrə iki məşq və bir o qədər də nəzəri məşğələ keçəcəyik. Bu bizə “Oyun qaydaları”nı düzgün şəkildə hakimlərə çatdırmağa imkan verəcək. Çox şadam ki, UEFA Hakimlər Komitəsinin üzvü Kiros Vassaras da bizim hazırlıq prosesində iştirak edir.

- Toplanışda hansısa yeniliklərin tətbiqi gözlənilirmi?
- Vassarasla birgə meydanda bəzi praktiki məşqlər təşkil edəcəyik. Həmin hazırlıq prosesində iştirak etmək üçün gənclərdən ibarət komanda dəvət olunacaq. Bu məşğələdən videoçəkiliş edib, sonra təhlil aparacağıq.

- Hakimlərin toplanış zamanı oyun idarə etməmələri oyun praktikasının azlığına səbəb olmayacaq?
- Əlbəttə, çox oyun idarə etdikcə püxtələşirsən. Lakin beyninizi “təmizləmək” üçün bəzən bir neçə həftə fasilə vermək lazım gəlir. Məsələn, Avstriyada da qış fasiləsi 10-11 həftə davam edir və həmin müddətdə sanki problemlərdən azad olursan, yeni güc toplayırsan və fəaliyyətə başlayırsan. Belə deyək də, velosiped sürməyi bacarırsınızsa, bunu 6 aylıq və ya daha çox fasilədən sonra yenə bacaracaqsan.

- Premyer Liqa oyunlarına yeni hakimlər cəlb olunacaqmı?
- Payızda Premyer Liqa oyunlarına 2 referi - Səbuhi Bayramov və Alik Yunusovu cəlb etmişik. Fasilədən sonra isə 5 referi köməkçisinə təyinat verəcəyik.

- Bölgələrdə hakimlərin sayının artırılması, gənclərin bu sahəyə cəlb edilməsi üçün nə kimi planlarınız var?
- Biz onlar üçün müvafiq təhsil almaq və məşq etmək üçün şərait yaratmalıyıq. Bununla bağlı müəyyən müzakirələr aparılır. Ancaq əmin olun ki, regionlarda yeni hakim nəslinin yetişdirilməsi üçün işlər görüləcək. Dekabrda biz Bakıda hakimliyə yeni başlayanlar üçün seminar təşkil etdik və şadam ki, 12 gənc referi sınaqlardan uğurla keçdi. 

- Yeni texnologiyanın imkanlarından yararlanaraq yaxın gələcəkdə VAR, “Qol layn” sisteminin tətbiqini həyata keçirmək barədə düşünürsüzmü?
- VAR gələcəyin sistemidir. Azərbaycanda bunu tətbiq etmək üçün maraqlı olan tərəf bu texnologiyanın vacibliyi və zərurəti ilə razılaşmalı, xərcləri üzərinə götürməlidir. Artıq bu məsələnin müzakirəsinə başlamışıq və yeni sistemi tətbiq edəcəyimiz vaxtı səbirsizliklə gözləyirik. 

- Hakim-inspektorların və AFFA nümayəndələrinin seçimində komitə tərəfindən irəli sürülmüş tələblərə cavab vermək vacibdir. Bu, kadr azlığı yaratmayacaq?
- Bizə kəmiyyət yox, keyfiyyət lazımdır. Yaxşı təhsilli kiçik qrupla işləməyə üstünlük vermişik. Ehtiyac yaranarsa, onların sayını artıracağıq.

- Hakim-inspektorlar üçün seminar təşkil olunacaqmı?
- Demək olar, seminarlara başlamışıq. İlk görüşümüz dekabrın ortalarında oldu. Hakimlərin toplanışından sonrakı həftədə onlarla yenidən görüşəcəyik. Əlbəttə, hakim-inspektorların hakimlər qədər məlumata sahib olmaları vacibdir. Onu da qeyd edim ki, hər həftə hakim-inspektorlar üçün dərslər keçirilir və orda müxtəlif mövsularda müzakirələr aparılır.

- Hakimlərin qiymətləndirilməsi zamanı şişirtmələrə yol verilirdi. Bunun qarşısını necə alacaqsız?
- Premyer Liqa oyunlarını televiziya vasitəsilə izləyərək hakim-inspektorlara “nəzarət” etmək asandır. Bundan başqa, 1-ci divizionun oyunlarının bizə təqdim edilməsini PFL-lə razılaşdırmışıq. Müzakirə olunacaq və ya mübahisəli epizod aşkarlanarsa, biz onu yenidən izləməsi üçün hakim-inspektorlara göndərəcəyik. Bəzən əyləşdiyiniz tribunadan uzaq məsafədəki epizod haqda düzgün qərar çıxarmaq çətin olur. Bu proses də UEFA-da olduğu kimi tənzimlənəcək.

- Futbolçuların oyun qaydaları və dəyişikliklər barədə maariflənməsi baxımından klublarla əməkdaşlıq ediləcəkmi?
- Artıq bu cür əməkdaşlığa başlamışıq. 90 dəqiqəlik təqdimat hazırlamışıq və orada videoroliklərdən də istifadə edirik. Həmin görüntülər həm məşqçilərə, həm futbolçulara, həm oyun rəsmilərinə, həm də hakim-inspektorlara göstərilir. Oyun qaydalarındakı son dəyişikliklər barədə məlumat verilir, oyunçulara göstərilən 30-dan çox videorolikdə hakimlərlə onlar arasında yaranmış gərginlik, eləcə də onları gözləyən cəzalar diqqətlərinə çatdırılır. Artıq Premyer Liqanın 4 klubu ilə bu cür görüşlərimiz olub. Futbolçular anlayır ki, yalnız hakimlər səhv etmirlər, bəzən özləri oyun qaydalarını zəif bildiklərinə görə epizodu düzgün qiymətləndirmirlər. Yeri gəlmişkən, əvvəllər baş məşqçilər və futbolçular səhvləri ancaq hakimin idarəçiliyində axtarırdılar. Ancaq bu yanaşmanın dəyişdiyini müşahidə edirəm. Artıq özlərinin və futbolçuların səhvlərini də qeyd etməyə başlayıblar. Ümumiyyətlə, bu cür görüşləri tez-tez keçirməklə oyunçuların, məşqçilərin, rəsmilərin və hakim-inspektorların oyun qaydaları ilə bağlı biliyinin artmasına kömək edəcəyimizə ümid edirik. Onlar oyun qaydalarını nə qədər yaxşı bilsələr, hətta meydandan kənarda belə qayda pozuntusuna görə cəzalana biləcəklərinə təəccüblənməyəcəklər.


 
tarix: 15-01-2019 11:14


 
Xəbər lenti
20.06.2019

22:25   Namiq Ələsgərov: “Əsas odu Avroliqadakı ilk oyunumuzadək tam hazır olaq”

21:55   “Yoxlama oyunu olsa da, qalib gəldiyimizə görə sevinirəm"

19:47   “Neftçi”dən Rusiya klubu üzərində inamlı qələbə

19:30   Premyer Liqada yay bazarlığı - YENİLƏNİR

19:25   “Səbail” “Neftçi”nin daha bir futbolçu ilə müqavilə bağladı

18:27   Meksika klubundan millimizin üzvü üçün yarım milyonluq təklif

17:58   MS ukraynalı futbolçu ilə müqavilə imzaladı

17:24   “Ayaks” baş məşqçisi ilə bağlı qərar verdi - RƏSMİ

17:02   “Səbail”in ilk sınaq matçının başlama vaxtı bilindi

16:47   “Neftçi”nin futbolçusu rəsmən “Səbail”də

16:24   “Real”ın futbolçusu rəsmən “Atletiko”da

16:01   Milli komandada yeni baş məşqçi

15:42   “Qarabağ” Çempionlar Liqası üçün bu stadionu seçdi

15:23   Srna yenidən “Şaxtyor”da

15:08   İnsinye “Napoli”dən ayrıldı - RƏSMİ

14:30   Balayevli “Tobol”u finala buraxmadılar - VİDEO

14:08   Con Terri “Aston Villa”da qaldı

13:47   “Yuventus” futbolçusunu 15 milyon avroya satdı

13:03   “Neftçi” və “Speranta”nı məğlub edərək, yolumuza davam edəcəyimizi deyə bilərik”

12:46   İtaliya millisinin üzvü rəsmən “İnter”də

12:30   “Arsenal”ın futbolçusu püşkdən razıdı: “Bizim üçün böyük üstünlükdü”

12:15   “Qarabağ”dan ikitərəfli oyun

12:01   “Sabah”dan 2000 manatlıq müsabiqə!

11:44   “Neftçi”nin Türkiyədə 5-ci günü - VİDEO

11:23   Argentina millisi yenə xal itirdi

11:00   “Zirə”də yeni müqavilə

10:30   MY-nin əfsanəsi cəzalandı - Bukmeker kontorunda mərcə görə

10:00   Sabiq “Qalatasaray”lıdan dopinq etirafı

09:30   MY ispaniyalı futbolçusu ilə nikah təzələdi

09:15   “Mançester Siti”də yeni müqavilə

09:00   20 il öncə başlayan yol – II yazı

00:17   “Səbail” moldovalı futbolçu ilə müqavilə bağladı

19.06.2019

22:36  “Milan” yeni baş məşqçisini rəsmən açıqladı

20:16  “Keşlə” Samir Məsimovla vidalaşdı - RƏSMİ

20:05  “Bavariya”dan “Borussiya”ya 38 milyon avroluq transfer

19:39  “Real” yeni transferini təqdim etdi

18:36  Luis Enrike İspaniya millisindən getdi - RƏSMİ

18:00  Mirabdulla “Neftçi”ni məhkəməyə verir

17:35  “Qarabağ”da oynamağa razılıq verdi

16:57  Avroliqada 2-ci təsnifat mərhələsinin bütün cütləri

16:20  “Qəbələ”, “Neftçi” və “Səbail”in Avroliqadakı potensial rəqibləri bəlli oldu

15:46  “Keşlə” yeni transferini rəsmən açıqladı

15:39  Stuxlik: “UEFA-dan gələn bu siqnal bizim ağır işimizin mükafatıdır”

15:22  Azərbaycanlı hakimlər KONKAKAF turnirinə təyinat aldılar

15:17  “Keşlə” braziliyalı futbolçu transfer edir

15:05  “Qarabağ” “Partizani”yə uduzsa…

14:50  Çempionlar Liqasında 2-ci təsnifat mərhələsinin bütün cütləri

14:32  “Keşlə” sabahdan məşqlərə başlayır

14:12  “Qarabağ”ın potensial rəqibi də məlum oldu

14:08  “Sumqayıt”da yeni müqavilə

13:50  Hollandiya klubundan “Keşlə”yə: Bu gün müqavilə imzalanır

13:43  “Psixoloji olaraq turu keçəcəyimizə inanıram”

13:36  Xorvat futbolçu “Keşlə” ilə müqavilə bağlamağa gəlir

13:00  Braziliya Venesuela ilə bacarmadı

12:43  “Neftçi”nin rəqibini yaxından tanıyaq - VİDEO

12:34  “Sumqayıt”ın futbolçusu 27 yaşında karyerasını bitirdi

12:27  “Kəpəz” başsız qaldı

12:26  “Zirə”nin yay hazırlıq planı açıqlandı

12:12  Meza Kolli “Səbail”ə qarşı oynamayacaq

12:04  Koçuk qayıtdı

11:57  Lilay “Qarabağ”ı təriflədi

11:44  "Sperantsa" - "Neftçi" matçının stadionu da dəyişdi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az