(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
BFL-də heç-heçəsiz tur

BFL-də heç-heçəsiz tur

Bakı Futbol Liqasında 2018/19-cu il mövsümünün XV turu arxada qalıb. Tur 20 yanvar tarixinə təsadüf edib və şəhidlərimiz BFL-də də unudulmayıb. Bütün qarşılaşmalar 1 dəqiqəlik sükutla başlanıb.
 
Bu turda Vəkillər Kollegiyasının "Advokat" komandası "Sintra AZE FC"ni qəbul edib. Autsayderlər qrupunda yer alan ev sahibi güclü rəqibi qarşısında olduqca baxımlı oyun nümayiş etdirib. Transfer pəncərəsində heyətini gücləndirən "vəkillər" bunun bəhrəsini ilk qələbəni qazanmaqla görüblər – 6:3.
 
"Uğur" FK "Seniors"la görüşdə də qələbə seriyasını 3 cavabsız qolla davam etdirib. Çempionluq uğrunda mübarizə aparan digər komanda - "Sirena Motors"un "Piramida" ilə görüşündə tamaşaçılar 17 qolun şahidi olub. Əfqan Talıbovun yetirmələri 14:3 hesabı ilə qalib gəlib.
 
"Astara" da "Mübariz" üzərində rahat qələbə qazanıb. Cənublular Cavid Mürsəlovun komandasının hesabı açmasından qəzəblənərək ardıcıl 11 qol vurub. “Muğanbank” isə “Kristal”a təslim olub – 0:3.
 
 
XVII turun oyunları həftənin bazaar günü baş tutacaq. Ölkənin 8x8 formatında ən maraqlı liqası bütün futbol ictimaiyyəti tərəfindən maraqla izlənilir. Böyük futbola daha çox oxşar tərəfləri ilə seçilən Bakı Futbol Liqası, oyunçular və tamaşaçılar tərəfindən həvəskar futbolun məbədi, əsl mübarizə meydanı kimi qiymətləndirilir.

 
tarix: 22-01-2019 09:11


 
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az