“Futbolçuların istəyi, tapşırıqları düzgün yerinə yetirmələri bizi qane etdi”

“Sumqayıt”ın baş məşqçisi Ayxan Abbasov Türkiyədəki təlim-məşq toplanışı çərçivəsində bu gün Makedoniyanın “Vardar” klubuna qarşı keçirdikləri yoxlama oyununu şərh edib.

Futbolinfo.az xəbər verir ki, o, komandasının 3:1 hesabıyla qalib gəldiyi görüşlə bağlı bunları söyləyib:

“Bilirsiniz ki, hazırlıqlar ağır, komanda isə yorğun olur. Bu oyunda futbolçularımızın istəyi, tapşırıqları düzgün yerinə yetirmələri bizi qane etdi. Qələbə qazandıq və komandamızın oyunundan razı qaldıq. Çalışırıq ki, yoxlama oyunlarında bütün oyunçularımıza şans verək. Çünki, toplanışdan sonra çempionata tam hazır şəkildə başlamalıyıq”.

“Neftçi” “Səbail”lə oyuna da Aqilsiz hazırlaşır

AFFA “Keşlə”yə texniki məğlubiyyət verdi

Rəfiyev şikayət etməyəcək: “Öz günahımızdan uduzduq”