(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Samir Əliyev: "AFFA-nın təklifi gözlənilməz oldu"

Samir Əliyev: "AFFA-nın təklifi gözlənilməz oldu"

Azərbaycanın U-19 milli komandasının baş məşqçisi Samir Əliyev sportal.az saytına müsahibə verib. 39 yaşlı mütəxəssis ilk toplanışdan və yığmadakı planları barədə danışıb.
 
- U-19 millisini çalışdırmaqla bağlı AFFA-dan təklif aldıqda təəccüblənmədiniz?
- Sözün düzü, bir az gözlənilməz oldu. Görüşdük, federasiya rəsmiləri ilə söhbət etdik, bir az zaman istədim. Bundan sonra bir neçə nəfərlər məsləhətləşdim və qərar verdim ki, bu yükün altına girim. Məşqçilik karyeramda yeni bir səhifə və çağırış oldu.
 
- İlk toplanışdan razı qaldınız?
-  Seleksiya və tanışlıq məqsədli toplanış oldu. Araz Qulamovla Emin İmaməliyev köməkçi məşqçilər olacaq. Mən 2001-2002-ci il doğumlu futbolçuları o qədər də yaxşı tanımıram. Ancaq İmaməliyev “Qəbələ”nin U-19 komandasında çalışıb. O, həm “Qəbələ”də, həm də digər klublarda olan gənc oyunçular tanıyır. Toplanışdan öncə biz məşqçilər divizion və U-19 liqasında çıxış edən klubların çalışdırıcıları ilə danışdıq. Onların rəyinə əsasən, bu futbolçular toplanışa dəvət aldılar. Divizion klublarının məşqçiləri ilə milliyə layiq olan futbolçular barədə söhbət etdik. Onların təklif etdiyi və özümüzün tanıdığı futbolçulardan ibarət 23 nəfərlik heyət topladıq. Planlaşdırdıq ki, üç oyun keçirək. Ancaq təəssüf ki, hava şəraitinə görə bunlardan biri təxirə salındı. Bir həftəlik toplanışla qəti nəsə qərar vermək olmur. Ancaq bizdə müəyyən fikir formalaşdı.
 
- Avropa çempionatının ilkin seçmə mərhələsinin qrupunda şansları necə dəyərləndirirsiniz?
- U-19 elə yaş qrupudur ki, futbolçular peşəkar karyeralarında ilk addımlarını atırlar. Bu yaşda bizim Avropa ölkələri ilə ayaqlaşmağımız çətindi. Çexiya San Marino və Norveçlə eyni qrupda qərarlaşmışıq. Çexiya və Norveçin  U-19 milliləri ötən və ondan əvvəlki illər elit-raund mərhələlərində ştirak ediblər. U-17 və U-19 Avropa çempionatlarında çıxış etmiş komandalardır. Vaxtımız var, hazırlaşacağıq. İstəyirik ki, layiqli çıxış edək və qarşımıza qoyulan elit-raund hədəfini reallaşdıraq. Bunun üçün əlimizdən gələni edəcəyik.
 
- Rəqiblərimizin oyununu izləmisiniz?
- Sözün düzü, hələ öz millimizi formalaşdırmaq istəyirik. Fikrimizi buna cəmləmişik. Proqramımızı AFFA-ya təqdim etmişik. Demək olar, 99 faiz təsdiq olunub. Oktyabr ayına kimi yoldaşlıq oyunları keçirməyi planlaşdırırıq. Bununla paralel olaraq, rəqiblərimizin yoxlama görüşlərini mən, ya da köməçilərimin canlı izləməsini də istəyirik. Rəqiblərlə tanış olacağıq və təhlillər aparacağıq.
 
- Qrupda favorit kimi hesab edirsiniz?
- Fikir bildirmək çətindir. Rəqiblərin oyununu izləməmişik. Qrupda Norveçlə Çexiya güclü rəqiblərdir. Çexiya evdə oynayacaq, bu da onlar üçün əlavə üstünlükdür. Norveçin U-19 yığması ötən il İngiltərə üzərində 3:0 hesabı ilə qalib gəlib. Elə bu oyunu demək kifayətdir. Fikrimcə, Çexiya və Norveç qrupda favoritdir. Ancaq vaxtımız var və hazırlaşacağıq.
 
- Neçə yoxlama oyunu nəzərdə tutulub və rəqibləri seçmisiniz?
- Planı tərtib edib federasiyaya təqdim etmişik. Artıq təsdiq edilib. Oyunların sayını bilmirəm. İstəyirik ki, oktyabr ayına qədər beynəlxalq yoldaşlıq oyunları keçirək, təcrübəmizi daha da artıraq. Futbolçuların oyun praktikaları daha da artıracaq. Federasiya ilə görüşmüşük və bununla bağlı axtarışlar, danışıqlar gedir. Bildiyiniz kimi, ötən il U-19 millimiz elit-raunda vəsiqə qazanıb. Antalyaya gəlmişəm və burada yığmada çıxış edə biləcək 12 nəfərə yaxın 2001-2002-ci il təvəllüdlü futbolçulara baxıram. Onlar bu il də U-19 yığmasında oynayacaqlar. Ayın 27-si və 30-u oyunlar var. Onların çıxışını izləyəcəm.

 
tarix: 26-01-2019 10:18


 
Xəbər lenti
19.09.2019

01:00   PSJ “Real”ı darmadağın etdi, MS və “Bavariya” qalib gəldi

18.09.2019

22:39  Hollandiya millisinin sabiq üzvü 43 yaşında vəfat etdi

21:01  “Sevilya” Bakıda son məşqə çıxdı - VİDEO

20:35  Lion “Olimpik”i ÇL-in tarixinə düşdü

19:04  Millimizin rəqibi beynəlxalq turnirdə iştirak edəcək

18:47  Lopeteqi: “Sabah ən yaxşı heyəti meydana buraxacağıq”

18:38  “Bakıda qələbə qazanacağımıza ümid edirik”

18:12  “Napoli” – “Liverpul” matçından əvvəl döyüldülər

17:58  “Onu “Neftçi”yə uduzanda qovmadılarsa...”

17:31  Suares üçün yubiley - 4 ildi qolu unudub

17:09  Manuel Noyer millidən gedir

16:33  Miçel: “Sevilya” ilə matç mənim üçün özəldi”

16:21  Qurban Qurbanov: “Yaxşı nəticə də əldə edə bilərik”

15:50  Millimizin İsveçrə ilə matçının vaxtı bilindi

15:32  “Qarabağ”ın debütantı turun ən yaxşısı oldu

15:16  Premyer Liqada 4-cü turun rəmzi komandası - FOTO

14:54  Premyer Liqanın 5-ci turu rəqəmlərin gözü ilə

14:34  “Sevilya”nın prezidenti: “Qarabağ”a dəyər verməliyik”

14:15  Millinin baş məşqçisi istefa verdi

14:00  Lempard tarixə düşdü

13:45  “Beqoviçin “Qarabağ”a keçməsi ən yaxşı həll yolu idi”

13:30  Çempionlar Liqasında yeni rekord

13:15  “Liverpul” 25 ildən sonra...

13:00  “Qarabağ” “Sevilya”ya qol vuracaq” - ispanların proqnozu

12:45  Birinci Divizionda da hakim təyinatları açıqlandı

12:30  “Zirə” – “Qarabağ” matçı Cabbarova tapşırıldı

12:15  Danışılmış oyunlarla bağlı seminar keçirildi

12:00  Məşhur İspaniya nəşri: “Ağdam Qafqazın Xirosimasıdı”

11:40  Millimizin üzvü üçün 14 dəqiqə və 1 xal

11:20  Mahir Emrelinin mənzilini qarət edən şəxslər saxlanıldı

11:00  “Çelsi” “Valensiya”ya evdə uduzdu - VİDEO

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az