(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Futbolumuzun qara bəxti, qalmaz belə, qalmaz, AFFA

Futbolumuzun qara bəxti, qalmaz belə, qalmaz, AFFA

Televizorun üzü təzəcə işıqlanmışdı.
 
Kanalın siması sayılan aparıcı Tolikin xətti xalına, gül camalına tamaşa edirdim.
 
Yolüstü efirə dəyən gənc bir oğlanın səsi studiyanı bürümüşdü:
 
Madam, madam, madam,
Qaşı-gözü badam.
Hər səni görəndə
Dəli olur adam...
 
Telefonun səsi əyləncənin dadını çıxarmağa qoymadı. Zəng vuran AFFA-nın Hidrometeoroloji Öncəgörmələr və sintetik meydançalara konseptual sevgi Departamentində çalışan uzaq qohumum idi. Dedim yəqin yenə 33 dəqiqə dayanmadan danışacaq. Yaxşı ki, bu dəfə bizim türklər demiş, qısa kəsdi. Səsindən bəxtəvərlik yağırdı, dedi ki, qohum, muştuluğum səndə, bəs AFFA milliyə axtardığı baş məşqçini tapdı. Məşqçi nə məşqçi, lap şokalad kimi!

Sonra da astadan pıçıldadı: "Sən Ramil Diniyevin canı, heç kim bilməsin. AFFA əcnəbi mütəxəssislə bu dəqiqə razılığa gəlib, ilk dəfə sənə deyirəm. Məsələ o qədər məxfidir ki, heç AFFA-nın gecə gözətçisinin də bu işdən xəbəri yoxdur".

Tolikin qonağı mikrofonu əlindən yerə qoyub efirdən çəkilən kimi qohumum votsap nömrəmə təzə baş məşqçinin adını, tərcümeyi-halını və 6X9 ölçülü 2 foto-şəkilini də göndərdi. Amma yazdı ki, çalış şəkil Aqil Abbasın əlinə düşməsin, ömründə Azərbaycanı görməmiş yazıq əcnəbi ilə qəzetdə məzələnəcək...

Əsas odur ki, AFFA çoxdan axtarışına çıxdığı xarici mütəxəssisi tapdı, əsas futbol yığmamız başsız qalmadı.
 
Belə bir şad xəbəri milli komandamızdan yeni zəfərlər uman xalqımızdan gizlətməyə haqqım varmı? AFFA-da çalışan bəxtəvər uzaq qohumumun göndərdiyi məlumatı yaymaq qərarına gəldim. Elə siz də yeni baş məşqçi ilə lap yaxından tanış olun:

Bojan Bojanoviç- 62 yaşı var. İndi Monteneqronun ərazisində qalan Topija rayonunun Kosalar kəndinin Güllübulaq məhəlləsində doğulub. Rabitə və Aqrotexnika texnikumunun İkinci əldən satılan geyimlərin dizaynı və təmiri fakültəsini bitirib.
 
Əvvəlcə eşitmə əngəlli uşaqlar üçün internat məktəbində musiqi müəllim kimi çalışıb. Sonra özəl sektora keçərək Düz xətt üzrə hərəkət edən sürünənlərin yemlənməsi və təşviqi üzrə məsləhətçi şirkət açıb. Həmin şirkət Tanzaniya və Macarıstandakı özəl zooparklara məsləhətlər verir. Yeni baş məşqçimizin sürücülük üzrə D kateqoriyası var.

Millimizi çalışdıracaq Bojan müəllim futbola yad isim deyil. 12 il öncə ömründə ilk dəfə futbola canlı tamaşa etmək üçün yaşadığı Topija rayonundakı mərkəzi arenaya getmək istəyib. Həmin gün taksi sürücülərinin komandası ilə yol təmirçiləri yoxlama görüşü keçirirmişlər. Lakin Bojan müəllimin xalası oğlu qəfil qonaq gəldiyindən yığmamızın gələcək baş məşqçisinin stadiona getmək arzusu reallaşmayıb. Yeri gəlmişkən, həmin mərdimazar xalaoğlunun nəvəsi AFFA-nın Almaniyada açdığı məktəbdə futbolun sirlərinə yiyələnərək ofislərin birində şüşəsilən kimi çalışmağa başlayıb. Bojan Bojanoviç ailəlidir, 3 arvadı, 2 övladı var. Ortancıl qayınanası idmana bir köynək yaxındır, gənclik illərində ağırlıqqaldırma ilə məşğul olub, indi isə ölkəsində usta dönərçi kimi tanınır.

Tərcümeyi-halından göründüyü kimi, AFFA axtardığını tapıb. Məncə ilin-günün bu vədəsində, "Sarı gödəkcəlilərin" Parisi zibilə saldığı bir zamanda milli komandamıza bundan yaxşı baş məşqçi gətirmək mümkün deyildi.
 
Futbol başbilənlərimiz həmişəki kimi doğru seçim ediblər. Göz dəyməsin. Bojan Bojanoviç kimi təcrübəli, illərini futbola həsr eləmiş bir mütəxəssislə fırtına qoparacağıq. Braziliya, Fransa, İspaniya, Xorvatiya yığmalarının qara günləri hələ bundan sonradır. Almaniya millisi də "kaput".

Dünyanın futbol xəritəsini dəyişəcəyik. Şair demişkən, futbolumuzun qara bəxti, qalmaz belə, qalmaz, AFFA!

 
tarix: 29-01-2019 15:39


 
Xəbər lenti
26.08.2019

00:05   “Qarabağ” - “Qəbələ” 3:0 - VİDEO

25.08.2019

23:51  Sənan Qurbanov: “Getmək mənim üçün problem deyil”

23:34  Qurban Qurbanov: “Yeni yarımmüdafiəçi axtarışındayıq”

23:10  “Volfsburq”dan darmadağın

22:53  “Qarabağ”dan darmadağın, “Keşlə”dən qələbə

22:29  “Mançester Siti” qalib gəldi, “Tottenhem” uduzdu

22:07  “Keşlə”yə 1 qol bəs etdi - VİDEO

21:59  Elşad Əhmədov: “Bu səhvləri təkrarlamamalıyıq”

21:57  Tərlan Əhmədov: “Onun bilərəkdən vərəqə aldığını düşünmürəm”

19:53  Turabov Super Liqada debüt etdi

19:19  “Volfsburq”un forvardı Super Liqa klubunda

18:35  Millimizin üzvü darmadağını kənardan izlədi

17:47  Premyer Liqada rekord təkrarlandı

17:37  Tanınmış futbolçu karyerasını başa vurdu

16:56  Argentinalı hücumçu Super Liqa klubunda

16:24  “Fənərbaxça” Reyeslə vidalaşdı, Ramini alır - RƏSMİ

15:38  Türkiyə millisinin üzvü ilə 5 illik müqavilə

14:31  İkardinin yeni forma nömrəsi bilindi

13:54  Qana millisinin üzvü Super Liqa klubunda

13:21  “Fənərbaxça” 6 mövsüm sonra

13:05  Dadaşov debüt etdi, yeni komandası ilk xalını qazandı

12:10  “Qarabağ”ın 200 minlik təklifini qəbul etmədilər

11:53  “Qarabağ” bizim qanımızı içmək istəyəcək”

11:30  Əsgərov ehtiyatda qaldı, “Liepaya” uduzdu

10:44  "Neftçi"nin məşqçisi təltif olundu

10:32  Mamadu Mbodj: “Yenilik olsa, biləcəksiz”

10:25  “Sabah”la “Keşlə”nin 5-ci dueli

10:08  “Qəbələ”nin “Qarabağ”la 54-cü qarşılaşması

09:43  Paşayev ehtiyatda qaldı, komandası darmadağına üzüldü

09:21  Əhmədov oyunu gözləyir: “Daha istəkli olmalıyıq”

09:12  “Beşiktaş” Kuaresmanı transferə çıxardı - RƏSMİ

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az