(+994) 050 678 37 80
(+994) 070 534 65 52

qaynar xətt

Tahir Süleymanov
Dələduzluqdan diliuzunluğa

Dələduzluqdan diliuzunluğa

Gəncə münaqişəsi yenə böyüyür. Futbolumuzda “muxtar respublika” olan bu şəhərdə yenə şəxsi maraqlar ön plana çıxıb. Və işğala can atanları da, “guya” müdafiə olunanları da futbol yox, şəxsi maraqlar düşündürür.
 
“Kəpəz”ə yeni rəhbərliyin təyinatı göstərdi ki, AFFA yalnız etibar etdiyi adamlarla yola çıxır. İslam Abbasov və Vaqif Sadıqovun imici, indiyəqədərki karyerası hər nə qədər söz-söhbətli olsa da, məhz onlar seçilib. Bu şəxslər layiqdimi? Qətiyyən yox, əksinə, sağlam qüvvə axtarmaq lazımdı ki, Mikayıl Nərimanoğlunun vaxtındakı olaylar təkrarlanmasın. Belələri də olmamış deyil, futbolinfo.az əvvəlki yazılarda təkliflərini verib, başqalarını axtarmaq da AFFA-nın borcudu.
 
Çünki bu məsələdə özünü ortaya atan digər şəxslərə də etibar yoxdu. Xüsusilə Maşallah Əhmədovun hansı üzlə baş katib Elxan Məmmədovun qəbuluna gedib, özünü namizəd göstərməsi şəxsən mənə maraqlıdı. Dələduzluqda ittiham edilən və həbs olunan birinin indi Gəncə klubunu idarə etmək üçün ortaya atılması yalnız abırdan uzaqlığın nişanəsidi. Gəncədə yaşayan, hazırda da futbol üçün çalışan, son illər xidməti olmuş veteranlar başadüşüləndi, onlar iş istəyir və iddialarına haqq vermək olar. Bəs, Əhmədov? O, indiyədək hansı daşın altına əl qoyub, futbolun inkişafı naminə nə xidmət göstərib ki, birbaşa vəzifə həvəsindədi?
 
Yenə məşqçi işiylə maraqlansa, hansısa formada “Kəpəz”ə yardım etmək istəsəydi, bunu başa düşmək olardı, amma birdən-birə külli-ixtiyar sahibi olmaq, AFFA-dan ayrılan maliyyəyə nəzarət etmək istəyirsə, burada məqsəd başqadı. Pulunu ona etibar edənlərin hansı vəziyyətə düşdüyünü bütün ölkə də bilir, Əhmədovun məhbus yoldaşları da.
 
Maşallah bəy əla futbolçu, SSRİ-də sayılanlardan olub. Lakin buna görə layiq olduğundan artıq mükafatlanıb, hətta böyük unvermaq sahibi olub, özəlləşdirmə, satış-filan. Yəni kifayət qədər qayğı görüb və 10-12 il oynamaqla həyatını təmin edib. Lakin bu o demək deyil ki, “Neftçi”də oynadığı üçün bu gün hər istədiyinə nail olmalıdı. Bəzi işlərin üsulu, qaydaları var. Xüsusilə dələduzluğu sübut edilən birinin indi özünü xilaskar kimi təqdim etməsi artıqdı. Necə deyərlər, səni aləm tanıyır...
 
Gəncəni, illərdi futbolsuz qalan bu bölgəni bir dəfə yada salmayan, azarkeşləri düşünərək səsini çıxarmayan Maşallah bəyin indi ortaya atılması da canıyananlıqdan deyil. Səbəb şəxsi maraqlardı. Kluba müəyyən büdcə ayrılır və onu “yerbəyer” etmək lazımdı. Əhmədov da dostu Mehman Allahverdiyevlə birgə bu maraqdadı. Görəsən, təmənnasız işləmək lazım olsa, Maşallah bəy bu missiyanı üzərinə götürərmi, ümumiyyətlə, son 20 ildə bununla bağlı hansısa addımını xatırlayırıqmı?
 
Əhmədovun indi ortaya düşməsinin başqa səbəbləri var. İşindəki məsuliyyətsizliyə və səhlənkarlığa görə onu AFFA nümayəndələri siyahısından çıxarıblar, daha oyunlara təyinat, deməli, qonorar olmayacaq. Bu səbəbdən sabiq “10 nömrə” əzələ nümayiş etdirir. Onun dərdi Gəncə futbolu deyil, əziyyət çəkmədən rahat pul qazanması üşün yer lazımdı. İllərdi belə şantajlarla dövran sürüblər, belə də davam etmək istəyirlər.
 
Bu məsələdə AFFA-nın dilini qısa edən köhnə səhvlərdi. Mikayıl Nərimanoğlunun çıxardığı hoqqalardan, pul mənimsəmələri faktlarının ifşa edilməsindən sonra Əhmədov və dostları piroq iyinə yığışıb. “Bakıdan göndərilən biri bunu edirsə, niyə maliyyəni özümüz dağıtmayaq?” düşüncəsi ilə. Və biləndə ki, bu işi elə Mikayıl bəy xislətində olanlara tapşırıblar, Gəncə veteranlarının adından istifadə edən bəzi şəxslər fəallaşıb.
 
Hələ “Kəpəz” divizionda oynayır, 200-300 min manat büdcəsi var. Komanda Premyer Liqaya yüksələndən sonra davaların miqyası bir az da böyüyəcək. AFFA indidən seçimlərinə diqqət etməli, qızıl ortanı tapmalıdı. Nə dələduzlara etibar etmək, nə də yalnız diqtəylə işləmək olar. Uyğun kadrlar tapmaq, bölgə futbolunun həqiqətən inkişafı üçün çalışmaq lazımdı.
 
AĞA

 
tarix: 30-01-2019 12:15


 
Xəbər lenti
19.06.2019

00:43   “Qarabağ” Avstriyaya çatdı

00:29   “Səbail” onunla rəsmən vidalaşdı, Avstriya klubuna keçdi - FOTO

00:15   Premyer Liqada yay bazarlığı - YENİLƏNİR

18.06.2019

23:55  “Milan” Avroliqadan imtina edir

23:44  “Səbail” Bolqarıstanda ilk məşqə çıxdı

23:39  “Neftçi”nin şansı bizdən çox deyil”

23:20  UEFA “Neftçi”nin ilk oyununun yerini dəyişdi

22:37  Dəniz Yılmaz üçün yeni baş məşqçi

19:04  Emin Mahmudov: “Qalib gəlib, mərhələni keçməyə çalışacağıq”

18:45  Bordin: “Rəqibin fiziki hazırlığı bizimkindən daha yaxşıdı”

18:28  Avroliqada 1-ci təsnifat mərhələsinin bütün cütləri

18:06  Rəşad Sadıqov: “ÇL-də hər bir rəqib təhlükəlidi”

17:51  “Neftçi” və “Səbail”in Avroliqadakı rəqibləri bəlli oldu

17:45  “Sənan Qurbanov komandanı ən çətin vaxtda qəbul etdi”

17:30  Qurban Qurbanov: “Bizi çətin qarşılaşmalar gözləyir”

17:15  13 ildi avrokubokda qələbəyə həsrət Albaniya çempionu

17:00  Çempionlar Liqasında 1-ci təsnifat mərhələsinin cütləri

16:42  “Qarabağ”ın ÇL-də rəqibi məlum oldu

16:24  “Borussiya”dan baş məşqçi ilə yeni müqavilə

16:00  UEFA Super Kubok matçına bilet satışına start verdi

15:31  PSJ-nin prezidentindən Mbappe açıqlaması

15:08  “Barselona”nın sabiq futbolçusu Hollandiya klubunda

14:43  “Neftçi”nin futbolçusu rəsmən “Sabah”da

14:26  “Qarabağ” Avstriyaya yola düşdü

14:04  Platini həbs olundu

13:47  Messi Fransa klubunda

13:29  Milli komandada ciddi itki

13:08  Nesta İtaliya klubunda

12:42  Nazim Süleymanov bu dəfə Buzovnada

12:29  “Qarabağ”ın oyununda 6 qol

12:08  Uelbeklə danışıqlar dayandırıldı

11:57  Çili millisi darmadağına sevindi

11:42  Poqbaya yeni təklif

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az