(+994) 050 678 37 80
(+994) 070 534 65 52

qaynar xətt

Tahir Süleymanov
Mütəxəssislərin aşkar favorit görmədiyi derbiyə 7 SAAT qalarkən

Mütəxəssislərin aşkar favorit görmədiyi derbiyə 7 SAAT qalarkən

Bu gün Azərbaycan Premyer Liqasında XV turun "Qarabağ" - "Neftçi" matçı keçiriləcək. Çempionluq mübarizəsi aparan iki komandanın qarşılaşması ilə bağlı "Report" mütəxəssislər arasında sorğu aparıb.
 
AFFA Məşqçilər Komitəsinin üzvü Şahin Diniyev matçı derbi adlandırıb: "Hər iki komanda turnir cədvəlində qonşu pillələrdə qərarlaşıb və qarşılarına çempionluq məqsədi qoyublar. Ona görə də, birmənalı olaraq, gərgin oyunun şahidi olacağıq. Çempionatın ikinci hissəsi başlayır və komandaların hazırlıqlarını yaxşı izləyə bilməmişik. Həm də heyətlərdə bəzi dəyişikliklər var. Yeni oyunçular cəlb olunub".
 
Təcrübəli mütəxəssis bu qarşılaşmada kimin qalib gələcəyini deməyin çətin olduğunu vurğulayıb: "Bu görüşdə taktiki cəhətdən ağıllı oynayan komanda qələbə qazanacaq. Şablon da olsa, demək istəyirəm ki, müdafiədə daha az səhv edən kollektiv oyunun qalibi olacaq. Şansları bərabər qiymətləndirirəm. Hansınınsa şansının daha böyük olduğunu demək olmaz. Matç "Neftçi" üçün bir az psixoloji cəhətdən asan olan bilər. Çünki rəqibi ilə arasındakı üç xallıq fərqi də qorumaq istəyə bilər".
 
Diniyev əvvəlki illərdəki kimi qarşılaşmaya azarkeş marağının çox olacağını gözlədiyini söyləyib: "Medianın burada böyük rolu var. Qarşılaşmanın önəmini qaldırmaqda mətbuat ilk pillərdən birini tutur. Oyunlarda ajiotajın olması sizlərdən çox asılıdır. İnanıram ki, azarkeşlər, mütəxəssislər və futbolçular üçün bu oyun derbi kimi qəbul olunacaq və maraqlı qarşılaşma baş tutacaq".
 
Futbolçu olduğu müddətdə "Neftçi" və "Qarabağ" klublarının formasını geyinmiş, baş məşqçi kimi isə flaqmanı çempion etmiş Arif Əsədov komandaların durumundan asılı olmayaraq, aralarındakı oyunların intiriqalı və gərgin keçdiyini söyləyib: "Qarabağ" və "Neftçi" yeganə komandalardır ki, müstəqillik dövründən sonra bütün çempionatlarda iştirak ediblər. Hər ikisinin şərəfini qorumuşam. Baş məşqçi kimi "Neftçi"də işləmişəm. Hər zaman da gərginliyi hiss etmişəm. Hazırda "Neftçi" liderdir, amma "Qarabağ" rəqibindən üç xal arxadadı. Bu görüşü 6 xallıq oyun kimi qiymətləndirmək olar. Amma uğursuzluq o demək deyil ki, hansısa komanda çempionluqdan geri qalacaq. Sadəcə, qalib gələn kollektiv növbəti oyunlar üçün üstünlüyə malik ola bilər".
 
49 yaşlı mütəxəssis qarşılaşma ilə bağlı proqnozunu da açıqlayıb: "Düşünürəm ki, bu qarşılaşma heç-heçə başa çatacaq. Belə oyunlar media tərəfindən yaxşı işıqlandırılmalıdır. Əvvəllər oyunların ajiotajlı keçməsində medianın da təsiri olub. İndi isə bir az passivlik hiss olunur. Amma bugünkü durumda deyə bilmərik ki, azarkeşlər həmin oyunda tribunaları dolduracaq. Hər iki komandanın fan-klubları var. Onların canfəşanlıqlarını hiss edə bilərik. Qarşılaşmaya on minlərlə azarkeşin gələcəyini düşünmürəm".
 
Əsədov hər iki klubun onun üçün əziz olduğunu deyib: "Hardasa bir az "Neftçi"yə simpatiyam var. Hər ikisi ölkəmizin komandalarıdır. "Neftçi" flaqmandır, "Qarabağ" isə son vaxtlar öz stabilliyini qoruyub. Hansı komanda güclüdürsə, o da qələbə qazansın".
 
"Neftçi" və "Qarabağ"ın sabiq baş məşqçisi Elxan Abdullayev bu matç barədə proqnoz verməyin çətin olduğunu söyləyib: "Qış fasiləsindən sonra gözlənilməz nəticələr də ola bilər. Qarşılaşmadan yaxşı mübarizə gözləyirəm. Şansları bərabər hesab edirəm. Hər biri qələbə qazana, bu oyunda hər şey ola bilər. "Qarabağ" son çempiondur, amma hazırkı lider "Neftçi"dir. "Neftçi" birinci pillədədirsə və üç xal öndədirsə, "Qarabağ" bu oyunu mütləq udmalıdır. Çünki məğlub olsa, xal fərqi 6-ya çatacaq. Bu isə Ağdam təmsilçisinə sərf eləmir. "Qarabağ"a üç xalı qazanmaq çox lazımdır. "Neftçi" uduzsa, irəlidə yenə şansı ola bilər. Amma "Neftçi" ilə matçdakı məğlubiyyət "Qarabağ" üçün böyük itki olacaq.
 
Abdullayev bu dueldə üstün olan tərəfi və azarkeşlik edəcəyi komandanın da adını açıqlayıb: "Heç kim inciməsin, bu matçda üstünlüyü "Qarabağ"a verərdim, ancaq "Neftçi"yə azarkeşlik edəcəyəm. Açığı, görüşdə çoxlu azarkeş olacağını gözləmirəm. Bu mövsüm Azərbaycan çempionatında bol fanatlı oyun görməmişəm. Son olaraq, Premyer Liqada ən çox fanatı "Kəpəz"in oyunlarında görmək olardı. O ki qaldı Bakıya, min azarkeş gəlsə, böyük bir şeydir".
 
AFFA Məşqçilər Komitəsinin üzvü Ağasəlim Mircavadov komandaların qış hazırlıqlarını izləyə bilmədiyini söyləyib. O, "Qarabağ" və "Neftçi" arasındakı oyunların hər zaman həddindən artıq gərgin keçdiyini deyib: "Hazırlığı daha yaxşı keçən komandada oyun üstünlüyü də olacaq. Heyətlərinə qatdıqları yeni oyunçulardan da çox şey asılıdır. Transferlərlə bağlı məlumatım yoxdur. Yalnız onu bilirəm ki, "Qarabağ"da Riçard Almeyda və Reynaldo geri qayıdıb. Onların hazırkı durumları da bilinmir. "Neftçi"də də bəzi dəyişikliklər olub. Əsas odur ki, bu komandaların toplanışdakı oyunları necə keçib və öz oyunlarını tuta biliblərmi? Həmişəki gərginlik bu oyunda da olacaq. "Qarabağ" xal itirsə, "Neftçi"dən uzaqlaşacaq. Ağdam klubuna qələbə lazımdır ki, rəqibinə yaxınlaşsın. Flaqman da qələbə qazanaraq mövqeyini daha da yaxşılaşdırmaq istəyəcək. Hər iki komandanın bir məqsədi var".
 
Təcrübəli mütəxəssis bu qarşılaşmada baş məşqçi amilinin də böyük rol oynayacağını vurğulayıb: "Belə oyunlarda baş məşqçinin rolu böyükdür. Həmçinin bütün çempionat oyunlarında da. Baş məşqçilərin oyuna hansı heyətlə başlayacağı və oyun ərzindəki edəcəyi dəyişikliklər də vacibdir. Düşünürəm ki, "Qarabağ" bu matçda öz ənənəvi oyununu sərgiləyəcək. "Neftçi" isə əks hücumlarda rəqibini yaxalamağa çalışacaq. Kim həm müdafiədə, həm də hücumda az səhv etsə, onun üstünlüyü daha böyük olacaq. Hər iki baş məşqçinin oyun ərzində taktiki gedişləri də çox önəmlidir".

 
tarix: 03-02-2019 11:30


 
Xəbər lenti
23.04.2019

21:25   “Sumqayıt”la “Zirə”dən heç-heçə - VİDEO

20:55   “İnanıram və bilirəm ki, əzmkarlıq bizi finala çıxaracaq”

20:50   “Əvvəl də belə oynasaydıq, indi kuboku düşünmürdük”

20:22   “Zirə” ilə “Sumqayıt”dan ilk oyunda heç-heçə

19:50   Moskva “Lokomotiv”indən Azərbaycan millisinə

19:03   Qurban Qurbanov: “Qələbə qazanmağı çox istəsək də, alınmadı”

18:55   Sənan Qurbanov: “İkinci matçda daha yaxşı çıxış etməliyik”

18:42   Erkən finalın ilk pərdəsi: “Qarabağ” 2019-da ilk məğlubiyyətini aldı

18:38   “Qarabağ” “Qəbələ”yə belə uduzdu - VİDEO

18:26   “Neftçi”nin sabiq futbolçusu: “Mərhələni keçsəydik, 21 min dollar qazanacaqdıq”

18:19   Ramin Musayev möcüzə gözləyir

18:09   “Qarabağ” onu itirdi: Həm zədə, həm də cəza

17:53   “Qarabağ” “Qəbələ”dən məğlub qayıdır

16:54   Millidə seks qalmaqalı: Baş məşqçi qovuldu

16:18   Təxirə salınmış oyun üçün hakim təyinatları açıqlandı

15:59   “Kəpəz”in məşqçi və futbolçu heyətindən azarkeşlərlə görüş

15:34   Bundesliqa klubunda yeni baş məşqçi

15:00   “Bizi çempionluqdan cəmi 2 oyun ayırır”

14:26   Millimizin sabiq futbolçusu döyülməsindən danışdı

13:52   AFFA-dan “Keşlə”yə texniki məğlubiyyət

13:31   Bakı finalına doğru: Teleyayımla bağlı işgüzar səfər başlayıb

13:17   25-ci turun ən yaxşısı da “Qarabağ”lı oldu

13:08   “Qarabağ”ın 9 futbolçusu rəmzi komandada - FOTO

12:53   AFFA Divizion klublarını cəzalandırdı

12:37   Aftandil Hacıyevin əvəzinə rus məşqçi?

12:33   Tərlan Əhmədovun cəzası açıqlandı

12:27   Bakı finalına doğru: Kiber Çempionatın iştirakçıları bəlli oldu

12:16   Stuxlik “Neftçi” üzərində təcrübə aparır

11:58   “Çelsi”nin futbolçusu üçün mövsüm bitdi

11:24   Birinci Divizion: 24-cü turun bütün təyinatları

11:06   Premyer Liqada 26-cı turun hakim təyinatları

10:30   Vaqif Cavadovun sabiq klubu yenidən elitaya qayıtdı

09:41   “Zirə”nin ilk yarımfinalı

09:20   Əzizovun komandasından əzmkar qələbə

01:10   “Çelsi” doğma meydanda xal itirdi

00:25   Hərəyə 1 qol, 1 xal

22.04.2019

23:15  “Beşiktaş”dan çətin qələbə

22:56  “Napoli” doğma meydanda uduzdu

20:10  “Neftçi”də ciddi itki: mövsümü bitirdi

19:48  Premyer Liqada son 10 ilin ən yaxşı göstəricisi

18:00  Ayxan Abbasov: “Ayrılmaq istəyim nəticələrə görə deyildi”

17:25  Region Liqasında ilk finalçı bəlli oldu

16:51  Braziliyalı futbolçudan 39-cu çempionluq

16:14  Yarımfinalı buraxacaq 3 futbolçu

15:59  Nəbiyevdən Çexiyada dubl, “Slaviya”dan darmadağın

15:29  Rəşad Qasımov məhkəmədə ifadə verdi

14:43  “Sabah”ın ulduzları” Madridə gedir: ÇL-in finalı da onları gözləyir

14:17  Modriçdən “Real”da yubiley matçı

13:57  “Azərbaycan bir ölkə kimi hər zaman mənim bir hissəm, parçam olub”

13:15  Yarımfinal rəqəmlərin gözü ilə

13:00  Biabırçı statistika: AFFA-ya təklifimiz var

12:54  Braziliyada da çempion bəlli oldu

12:37  Millimiz Qazaxıstan və Belarusla qarşılaşacaq

12:10  İlk dubl və 10-cu qol

11:51  Mbappe ölkə tarixinə düşdü

11:32  Yunanıstanda çempion bəlli oldu

11:18  “Qəbələ” - “Qarabağ” matçının hakimləri açıqlandı

11:00  Biabırçı statistika: əcnəbilər üçün “qocalar evi”

10:44  Rizvanov üçün 34 dəqiqə və darmadağın

10:20  Eratın komandasından daha bir qələbə

10:00  Millimizin sabiq futbolçusu döyüldü

09:42  Ufuk Budak üçün 90 dəqiqə və 3 xal

09:21  Ayaz Quliyev qol vurdu, “Spartak”...

09:00  Biabırçı statistika: veteranlar Premyer Liqası

01:10  PSJ - çempion!

00:45  “Real”dan darmadağın

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az