(+994) 050 678 37 80
(+994) 070 534 65 52

qaynar xətt

Cavad
Natiq Muxtarlı
Tahir Süleymanov
“Qələbəni bizə hədiyyə etmədilər, özümüz qazandıq”

“Qələbəni bizə hədiyyə etmədilər, özümüz qazandıq”

“Səbail”in baş məşqçisi Aftandil Hacıyev qol.az-a müsahibə verib. 

Futbolinfo.az xəbər verir ki, Premyer Liqanın son turunda "Keşlə"yə 3:0 hesabı ilə qalib gəldikləri səfər oyunundan danışan gənc mütəxəssis transfer məsələsinə də toxunub:

- Fasilədən sonra ölkə çempionatında keçirdiyiniz ilk oyunda səfərdə "Keşlə"ni 3:0 hesabı ilə məğlub etdiniz. Qarşılaşmadan əvvəl bu cür böyükhesablı qələbə qazanacağınızı gözləyirdiniz?
- Fasilədən sonra ilk oyunlar hər zaman çətin keçir. Bilirdik ki, "Keşlə" ilə matç da belə olacaq. Bu baxımdan oyuna ciddi hazırlaşmışdıq. Açığı, bu cür böyük hesabla qalib gələcəyimizi gözləmirdim. Ancaq futbolçularımız meydanda rəqibdən daha istəkli idilər. Bu amil həlledici oldu.

- Vurulan qollarda "Keşlə"nin müdafiəçiləri kobud səhvlərə yol verdilər. Bu mənada düşünmək olarmı ki, hardasa bəxtiniz də gətirdi?
- Futbolda səhvlər hər zaman olur. İki komandadan biri səhvə yol verir, digəri isə bundan yararlanır. Bizdə də belə oldu. Ancaq düşünürəm ki, "Keşlə"ni buna biz məcbur etdik. Yəni, qələbəni onlar hədiyyə etmədilər. Futbolçularımız meydanda daim hərəkətli idilər. Bunun nəticəsi olaraq da 3:0 hesablı qalibiyyət əldə etdik. Yenə deyirəm, bu qələbə bizə hədiyyə olunmadı, özümüz qazandıq.

- Yeni qapıçınız Aleksandr Rıbka debüt oyununda çərçivəni toxunulmaz saxlaya bildi. Ukraynalının çıxışı xoşunuza gəldimi?
- Hələ ilk oyunu idi. Özünü pis tərəfdən göstərmədi. Rıbka təcrübəli qapıçıdır. Onun haqda əlavə söz deməyə ehtiyac yoxdur. Karyerasına baxanda, kifayət qədər yaxşı klublarda oynadığını görürük. Onun komandamıza nə dərəcədə faydalı olacağını qarşıdakı oyunlar göstərəcək. Bu mövsümün ilk hissəsini Türkiyənin birinci liqa klubunda keçirib. Hətta "Karabükspor"la Superliqada da oynayıb.

- Premyer Liqada növbəti oyununuz "Zirə"ya qarşı olacaq. Samir Abasovun komandası mövsümün ikinci hissəsinə yaxşı başlamadı. 15-ci turda doğma meydanda "Sabah"a 0:2 hesabı ilə uduzduqlarını nəzərə alsaq, sizinlə matça aqressiv çıxacaqlarını düşünmək olar. Qarşıdakı görüşdən siz nə gözləyirsiniz?
- Əlbəttə, "Zirə" ilə oyunumuz asan keçməyəcək. Ötən turdakı məğlubiyyətə baxmayaraq, yaxşı komandadır. Qış fasiləsində heyəti yeni transferlərlə gücləndirdilər. Bu mövsüm hər iki oyunda onlara uduzmuşuq. Çalışacağıq ki, bu dəfə sindromu qıraq.

- "Səbail" qış fasiləsində cəmi 2 transfer edib. Hələlik yalnız Elvin Yunuszadə və Oleksandr Rıbkanı heyətə qata bilmisiniz. Yeni oyunçuların gəlişi niyə ləngiyir?
- Bizdə müəyyən qaydalar var ki, ondan kənara çıxa bilmirik. Transferləri də buna uyğun edirik. Hazırda danışıq apardığımız bir neçə futbolçu var. Bu həftə ən azı onlardan birinin keçidini həll edəcəyik. Danışıqlar davam edir.

- Konkret olaraq, bundan sonra neçə oyunçu alacaqsınız?
- İki futbolçu transfer etmək istəyirik. Hər ikisi hücum xəttində çıxış edən oyunçulardır.

- Yəqin ki, onlardan biri vaxtı ilə "Rəvan"da oynamış hücumçu Oke Akpovetadır...
- Bəli, bayaq elə onu nəzərdə tuturdum. Artıq transfer yekunlaşmaq üzrədir. Sabah Bakıya gəlməlidir, gözləyirik.


 
tarix: 05-02-2019 14:40


 
Xəbər lenti
19.04.2019

00:58   Avroliqada yarımfinalçılar bəlli oldu

18.04.2019

23:55  “Keşlə”nin gənc qapıçısı xəstəxanalıq oldu - FOTO

21:51  “Qarabağ”dan “Keşlə”yə 3 cavabsız qol - VİDEO

21:28  Qurban Qurbanov: “Hər qərara etiraz edə bilmərik”

21:17  Tərlan Əhmədov: “Uşaq səhvləri məni çox yorur”

21:00  “Qəbələ” yeni prezidentini açıqladı - RƏSMİ

20:56  “Qarabağ”dan darmadağın

20:00  “Sumqayıt” “Səbail”ə də uduzdu - VİDEO

19:42  Tərlan Əhmədov qovuldu

19:31  Aftandil Hacıyev: “Maariflənmə getməli, yeni qaydalardan xəbərimiz olmalıdı”

19:19  Ayxan Abbasov: “Məğlubiyyətə layiq deyildik”

19:01  “Sabah” Təmkin Xəlilzadəni qovdu

18:55  “Neftçi” “Sabah”la matça hazırlığı başa vurdu

18:35  “Səbail”dən Sumqayıtda əzmkar qələbə

18:06  Şevçenko “Neftçi”nin qonağı oldu

17:43  Avropa nəhənglərinin istədiyi futbolçunu 7 milyon avroya aldı

16:38  Millidə baş məşqçi istefası

16:10  Serbiya - Azərbaycan: 2 oyun, 15 qol - VİDEO

15:34  La Liqa klubunda yeni müqavilə

15:10  Ayaz Quliyev “Spartak”ın əsas heyətinə döndü

14:49  “Neftçi” ilə oyuna üç itki ilə

14:27  Dani Kintana Polşada ən yaxşılar arasında

14:00  ÇL-də yarımfinal matçlarının vaxtı açıqlandı

13:24  “Yuventus”un forvardı 2 həftəlik sıradan çıxdı

13:01  Ramiz Məmmədovdan Tərlan Əhmədova dəstək

12:45  Sabiq “Qalatasaray”lı Dortmund “Borussiya”sında

12:02  ÇL-də həftənin ən yaxşısı adına 4 namizəd

11:37  “Qəbələ” - “Zirə”: 18-ci duel

11:14  Elçin Məmmədova sərt ittihamlar: “Kişi olan şəxs heç vaxt zənən xeylağı ilə prinsip aparmaz”

10:46  Çempionlar Liqasında yeni rekord

10:20  Millidə yeni baş məşqçi, 7 aylıq müqavilə

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az