Hakimləri döyüb söyən məşqçiyə 12 aylıq cəza

Bu gün AFFA İntizam Komitəsinin növbəti iclası keçirilib.

Futbolinfo.az xəbər verir ki, aparılan müzakirələrdən sonra AFFA-nın bayrağı altında keçirilən müxtəlif ölkə birincilikləri ilə bağlı aşağıdakı qərarlar çıxarılıb:

Region Liqasında “Araz” (Saatlı) – “Füzuli” matçının 90-cı dəqiqəsində “Araz”ın futbolçusu Elgün Miriyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb. Oyunun fasiləsi zamanı “Füzuli”nin inzibatçısı Ramil Məmmədov hakimi təhqir etdiyinə görə 5 oyun cəzalanıb.

Region Liqasında “Kürmük” (Qax) – “Göyəzən” (Qazax) matçının 90+4-cü dəqiqəsində “Kürmük”ün futbolçusu Elməddin Musazadə ikinci sarı vərəqə alaraq meydandan kənarlaşdırıldığı üçün 1 oyun cəzalanıb.

Region Liqasında “Ərkivan” (Masallı) – “Astara” matçının 59-cu dəqiqəsində “Ərkivan”ın futbolçusu Allahverdi İbayev ikinci sarı vərəqə alaraq meydandan kənarlaşdırıldığı üçün 1 oyun cəzalanıb.

Gənclər Liqasında “Qəbələ” – “Sabah” matçının 45+1-ci dəqiqəsində “Sabah”ın futbolçusu Xəyyam Hüseynov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.

U-16 Liqasında “Neftçi” – “Qarabağ” matçının 50-ci dəqiqəsində “Qarabağ”ın futbolçusu Fidayə Əzizov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.

U-16 Liqasında “Neftçi” İK İB – “Sabah” matçının 80+1-ci dəqiqəsində “Sabah”ın futbolçusu Şahmar Aşurov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.

U-15 Liqasında “Xilə” – “Keşlə” matçı başa çatdıqdan sonra “Xilə”nin məşqçisi Əsəd Kərimov hakimlər briqadasının otağına daxil olaraq hakimlər briqadasını təhqir edib, fiziki təzyiq göstərdiyinə görə 12 ay müddətinə cəzalanıb.

U-14 Liqasında “Səbail” – “Keşlə” matçının 22-ci dəqiqəsində “Keşlə”nin futbolçusu Ağamusa Seyidov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb.

U-14 Liqasında “Şüvəlan” – “İsgəndər Cavadov” BFA matçının 30-cu dəqiqəsində “İsgəndər Cavadov”un futbolçusu Elmin Qaçaylı sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb.

U-13 Liqasında “Kürdəmir Gİİ” – UGİM (Göyçay) matçının 34-cü dəqiqəsində UGİM-in futbolçusu Ramin Həmidov aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb. Oyunun 38-ci dəqiqəsində “Kürdəmir Gİİ” klubunun futbolçusu Əli Hüseynovun sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb.

U-16 Qızlar Liqasında “Aran” FK – “Xırdalan” matçının 24-cü dəqiqəsində “Aran”ın baş məşqçisi Mahir Bağırlı texniki zona qaydalarını pozduğuna görə texniki zonadan kənarlaşdırıldığı üçün 1 oyun cəzalanıb.

Yüksək Qızlar Liqasında “Keşlə” – “Veqa” matçında “Veqa” komandası iştirak etmədiyinə görə, kluba 0:3 hesablı texniki məğlubiyyət verilib.

U-16 Qızlar Liqasının, “Aran” – 8 №-li İOEUGİM matçında “Aran” FK komandası iştirak etmədiyinə görə, kluba 0:3 hesablı texniki məğlubiyyət verilib.

Futzal üzrə Azərbaycan çempionatının Yüksək Liqasının EKOL – “Yasamal” MFK matçında “Yasamal” MFK komandası iştirak etmədiyinə görə, kluba 0:5 hesablı texniki məğlubiyyət verilib.

Futzal üzrə Azərbaycan birinciliyinin İkinci Liqasının “Obolon” – “Təbriz” matçının 27-ci dəqiqəsində “Obolon”un futzalçısı Şirin Ağayev sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb.

Futzal üzrə Azərbaycan birinciliyinin İkinci Liqasının “Star Karqo” – “Xəzər Astara” matçının 30-cu dəqiqəsində “Xəzər Astara”nın futzalçısı Əfsər Hümbətov öz komanda yoldaşını təhqir etdiyinə görə meydandan kənarlaşdırıldığı üçün 3 oyun cəzalanıb.

Futzal üzrə Azərbaycan birinciliyinin Birinci Liqasının ADBTİA – AZMİU matçının 22-ci dəqiqəsində ADBTİA-nın futbolçusu Taleh Muradov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.

6 günlük səfər başa çatdı

Riçard Almeyda “Astana” ilə müqaviləni pozdu

“Sevilya”lılar paltardəyişmə otağında şou göstərdilər - VİDEO