(+994) 050 678 37 80
(+994) 070 534 65 52

qaynar xətt

Tahir Süleymanov
Yurçeviçdən yığmamızla bağlı açıqlama: “Ciddi danışığımız olub”

Yurçeviçdən yığmamızla bağlı açıqlama: “Ciddi danışığımız olub”

Xorvatiyalı mütəxəssis Nikola Yurçeviç Azərbaycan millisinin baş məşqçisi olmağa namizədlərdən biri olduğunu təsdiqləyib.

Futbolinfo.az xəbər verir ki, “Dinamo” (Zaqreb) klubunun sabiq çalışdırıcısı bu barədə “index.hr” saytına açıqlamasında deyib:

“Azərbaycan millisinə namizədlərdən biriyəm, AFFA ilə ciddi danışığımız olub. Söhbət zamanı hiss etdim ki, millinin qarşısına böyük hədəflər qoyulub. Onlar daha da irəli getmək istəyirlər. Hər şey yaxın günlərdə məlum olacaq”.

Azərbaycan millisinin sabiq baş məşqçisi Robert Prosineçki də Yurçeviçin namizədliyinə münasibət bildirib. O, AFFA-nın Yurçeviçlə anlaşmalı olduğunu düşünür:

“Onu deyə bilərəm ki, AFFA Yurçeviçi baş məşqçi postuna gətirsə, səhvə yol vermiş olmayacaq. Hər şeyin yaxşı olmasını istəyirəm”.

Karyerası ərzində Zaqreb “Dinamo”su, Avstriyanın “Austriya” və Xorvatiyanın “Slaven Belupo” komandalarını çalışdıran Yurçeviçin son iş yeri Zaqreb “Dinamo”su olub. O, ötən mövsümün sonuna 2 tur qalmış istefaya göndərilib.


 
tarix: 06-02-2019 17:23


 
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az