(+994) 050 678 37 80
(+994) 070 534 65 52

qaynar xətt

Tahir Süleymanov
Hələ belə olmamışdı: Foqts – 160, Prosineçki - 106, Qurbanov – 308

Hələ belə olmamışdı: Foqts – 160, Prosineçki - 106, Qurbanov – 308

42 gündən sonra Avro-2020-nin seçmə mərhələsi start götürəcək.
Həmin yarışa qatılacaq milli komandamız 61 gündü baş məşqçisizdi.
 
Çox çətin vəziyyətdi. AFFA milli komandaya məşqçi seçimində xeyli yubanıb. Yığma komandanın gələcək fiaskosuna səbəb olacaq bu ləngiməyə görə mütləq cavab verilməlidi.
 
AFFA tez-tez mətbuata hansısa məşqçilərlə danışıq aparmaları barədə məlumat sızdırır. Bununla guya işləmələri, axtarışda olmaları barədə görüntü yaradırlar. Bəlkə də elədi, lakin fakt odur ki, heç kimlə anlaşmaq olmur. Təkcə bu fakt düşünməyə əsas verir. Deməli, artıq heç kim Azərbaycan millisində işləməyin marağında deyil, AFFA-nın tələblərini ciddiyə almır. Hətta vəd edilən milyonların da qarşısında kimsə nüfuzuna xələl gəlməsində maraqlı deyil.
 
İş o səviyyəyə çatıb ki, millimiz Antonio Kontenin, Slaven Biliçin köməkçilərinə layiq bilinir. Özləri işsiz olan bu mütəxəssislərlə yox, onların ciddi məşqçilik təcrübəsi olmayan köməkçiləri ilə təmasa keçilir, danışıq aparılır.
 
Burada əsas günah katibliyindi. Elxan Məmmədovun rəhbərlik etdiyi qurum Qurban Qurbanovun istefaya göndərilməsindən dərhal sonra ehtiyat variantını ortaya qoymalı idi. Onun qovulmasını hazırlayanların namizədləri də olmalıydı. Hətta baş katib istefa iclasından sonra, dekabr bitənə kimi namizədlərin müəyyənləşə biləcəyini, təyinatın olacağını vəd etmişdi. İl dəyişdi, yanvar bitdi, fevral yarılanır, yeni tsikl yaxınlaşır, yeni baş məşqçi isə yoxdu. Hətta bu məsələnin marta kimi uzanması ehtimalı da var.
 
Avro-2020-nin seçmə mərhələsinin startına isə bir aydan azca çox vaxt qalıb. Yeni məşqçi komandayla tanış olmalı, çempionat oyunlarına baxıb futbolçuları seçməli, təlim-məşq toplanışı keçməli, yığmanı yoxlama oyunlarına çıxarmalıdı. Amma…
 
Vəziyyətin kritik olduğunu izah etmək üçün söz yığınına ehtiyac yoxdu. Millimizin indiki AFFA rəhbərliyinin vaxtındakı məşqçilərinin statistikasına nəzər salmaq kifayətdi.
 
Berti Foqts
2008-ci il, martın 30-da təyin olunub, növbəti seçmə mərhələyə qədər 160 gün vaxtı olub. Millimiz Kardifdə Uelslə sentyabrın 6-dakı seçmə oyuna kimi dəfələrlə toplanışa yığılıb, 4 sınaq matçı keçirib.
1 iyun 2008. Zenitsa. Bosniya və Herseqovina – Azərbaycan 1:0
4 iyun 2008. Andorra-la-Vella. Andorra – Azərbaycan 1:2
20 avqust 2008. Reykyavik. İslandiya – Azərbaycan 1:1
27 avqust 2008. Tehran. İran – Azərbaycan 1:0
 
Robert Prosineçki
2014-cü il, dekabrın 12-də təyin olunub, növbəti seçmə mərhələyə qədər 106 gün vaxtı olub. Millimiz martın 28-də Bakıda ilk seçmə oyuna çıxana kimi nir neçə dəfə toplanışa yığışıb. Onlardan biri Antalyada reallaşıb və yoxlama matçı ilə bitib. Fevralın 24-də Kosovo ilə görüş məlum səbəblərdən ləğv edilib, əvəzində Ukrayna “Şaxtyor”u ilə (1:2) sınaq reallaşıb.
 
Qurban Qurbanov
2017-ci il, noyabrın 3-də təyin olunub, növbəti seşmə mərhələyə qədər 308 gün vaxtı olub. Sentyabrın 7-də Kosovo ilə Bakıdakı rəsmi sınağa qədər bir neçə toplanış, xarici səfər, 6 yoxlama matçı reallaşıb.
30 yanvar 2018. Antalya (Türkiyə). Azərbaycan – Moldova 0:0
23 mart 2018. Bakı. Azərbaycan – Belarus 0:1
27 nart 2018. Antalya (Türkiyə). Azərbaycan – Makedoniya 1:1
29 may 2018. Bakı. Azərbaycan – Qırğızıstan 3:0
5 iyun 2018. Astana. Qazaxıstan – Azərbaycan 3:0
9 iyun 2018. Riqa. Latviya – Azərbaycan 1:3
 
42 gündən sonra Avro-2020-nin seçmə mərhələsi start götürəcək. Halbuki Qurbanov istefaya göndəriləndə yeni məşqçi təyin olunsaydı, onun 103 gün vaxtı olardı və bu müddətdə çox şey edərdi. Sələflər daha uzun müddətdə nəyəsə nail ola, normal iş görə bilməyibsə, yeni gələnin bu qısa müddətdə komanda formalaşdıracağına inanmaq olmur. Həm də ölkədə futbolçu qıtlığının olduğu, milliyə layiqli namizədlərin tapılmadığı bir dövrdə…
 
İndi danışılacaq söz yoxdu, yeni gələn çoxlu, haqlı bəhanələrlə gələcək. Növbəti, daha pis fiaskolara hazır olun. Bu dəfə yanan təkcə baş məşqçi olmamalıdı…
 
CAVAD

 
tarix: 07-02-2019 11:17


 
Xəbər lenti
18.06.2019

11:21   "Səbail"dən Avstriya klubuna

11:11   Lemezis ölkəmizə gəlməməsinə sevinir

11:00   Emin Mahmudov: “Belə bir komandanın kapitanı olmaq çox xoşdu”

10:47   “Ayaks”dan “Bayer”ə 5 milyon avroluq transfer

10:21   “Arsenal”da yeni məşqçi

10:00   Super Liqa klubunda rumın müdafiəçi

09:40   “Qəbələ” də başladı

09:21   Biri tanış, biri qonşu, üçü yad

09:14   “Fənərbaxça”dan ayrıldı, Super Liqada qaldı

09:00   12 ilin güzgüsü: 1 həftədə 9 oyuna 1 qələbə

00:05   Premyer Liqada yay bazarlığı - YENİLƏNİR

17.06.2019

21:17  “Neftçi” üçün 5, “Səbail” üçün 6 potensial rəqib

20:34  “Səbail”in futbolçusu “Stemford Bric”də qələbəyə sevindi

19:55  “Neftçili Yay” futbol düşərgəsi start götürdü

19:05  “Qarabağ” üçün ÇL-də 5 potensial rəqib

18:33  “Roma”nın əfsanəsi klubdan getdi

17:16  “Real”da braziliyalı hücumçu - RƏSMİ

16:10  “Keşlə” Yovanoviçin yolunu gözləyir

15:35  İsayevə görə Rəfiyev danlandı

15:27  ATV İlkin Xəlilovla bağlı bəyanat yaydı

15:11  “Keşlə”də argentinalı futbolçu - RƏSMİ

14:15  Mustivarla Dabo “Neftçi”dən ayrıldı

13:42  Milli komandada ciddi itki

13:14  ATV prezidentindən İlkin Xəlilovla bağlı rəsmi açıqlama

12:45  Deməli, gücünüz İlkin Fikrətoğluna çatdı?!

12:17  Mahir “Qarabağ”dan gedir?

11:50  “Qarabağ”lı üçün 90 dəqiqə

11:25  Paraqvaydan heç-heçə, Uruqvaydan darmadağın

11:00  Seneqal yığması Nigeriya üzərində qələbəyə sevindi

10:32  Larsson yenidən baş məşqçi təyin olundu

10:00  Super Liqa klubunda baş məşqçi istefası

09:30  La Liqaya son vəsiqə üçün son 2 namizəd

09:00  Turalla Vüqar oynadı, “Dauqavpils”...

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az