(+994) 050 678 37 80
(+994) 070 534 65 52

qaynar xətt

Tahir Süleymanov
Ozobiç Yurçeviçi yaxşı tanımır: “Neftçi” bizimlə oyuna uduzmamaq üçün çıxmışdı”

Ozobiç Yurçeviçi yaxşı tanımır: “Neftçi” bizimlə oyuna uduzmamaq üçün çıxmışdı”

“Qarabağ”ın ev oyununda “Neftçi”ni məğlub edə bilməməsi ağdamlıları tənqidlərlə üz-üzə qoydu. Zirvəyə qayıtmaq üçün bu matçda qələbə vacib olsa da, 1:1 hesablı heç-heçə çempionu yenə izləyici rolu ilə barışdırdı.
 
Bəs, oyunun ən yaxşılarından olan Filip Ozobiç bunu nə ilə əsaslandırır? Futbolinfo.az-a müsahibəsində “Qarabağ”ın xorvat yarımmüdafiəçisi başqa suallara da cavab verdi.
 
- “Neftçi” ilə heç-heçə sizin üçün yaxşı nəticə idi, yoxsa düşünürsən ki, qalib gəlməli idiniz?
- Əslində, “Neftçi” bizimlə oyuna uduzmamaq üçün çıxmışdı. Bunu görmək o qədər də çətin deyildi. Bu səbəbdən də qarşılaşma 1:1 hesabı ilə başa çatdı.
 
- Necə düşünürsən, Antalyadakı təlim-məşq toplanışından sonra ilk oyununuzu normal sayırsan və ya hələ problemlər çoxdu?
- Düşünürəm ki, hər oyundan sonra bir az da yaxşı olacaq. Mənim də oyunumda irəliləyiş qarşıdakı matçlarda görünəcək. Komanda hazırlığı yüksək səviyyədə keçirib. Ona görə də biz daha gözəl futbol oynaya biləcək gücdəyik. Bunu göstərməyə çalışacağıq.
 
- Birlikdə oynamasan da, keçmişdə rəqib olduğun Reynaldo və Riçard Almeyda “Qarabağ”a döndü. Səncə, köhnə futbolçular komandaya yeni nəfəs gətirəcəkmi?
- Onlar yaxşı futbolçulardı. Əlbəttə ki, Azərbaycanda hər kəs Riçardın və Reynaldonun nəyə qadir olduğunu bilir. Ona görə də biz bu futbolçularla çox güclənəcəyik.
 
- “Neftçi” ilə aranızda 3 xal var. Çempionatın indiki durumunu nəzərə alsaq, lideri büdrədəcək tək komanda “Qarabağ”dır. Səncə, qarşıdakı oyunlarda liderliyə yüksələ biləcəksiniz, yoxsa “Neftçi” ilə növbəti qarşılaşma həlledici olacaq?
- Bu barədə nəsə deyə bilmərəm. Çünki çox çətindi. Hazırda fikrimizi sadəcə, qarşıdakı “Sumqayıt” matçına yönəltmişik. Ümid edirəm ki, ordan 3 xalla ayrıla biləcəyik.
 
- “Sumqayıt” “Qəbələ”yə səfərdə uduzdu və hər kəs düşünür ki, “Qarabağ” da bu komandanı rahat məğlub edə bilər...
- “Sumqayıt” fasilədən sona ilk oyunu uduzsa da, onları asan rəqib saymaq olmaz. Növbəti matçda özlərini sübut etməyə çalışacaqlar. Doğma meydanda, azarkeşlər önündə oynadıqlarını nəzərə alsaq, bizi ağır matç gözləyir.
 
- Filip, “Qəbələ”də oynadığın vaxtlar hazırki komanda yoldaşın, həmin vaxt “Qarabağ”da çıxış dən Riçard Almeydayla tez-tez müqayisə olunurdun. Daim müzakirə edilirdi ki, Filip güclüdü, yoxsa Riçard? İndi isə hər kəs deyir ki, bu ikisi birlikdə ən güclü mərkəz oyunçularıdı və “Qarabağ” buna görə sevinməlidi. Sən bu barədə nə düşünürsən?
- Özüm barədə danışmaq istəmirəm, çünki bu, yaxşı qəbul edilməz. Mən “Qəbələ”də çıxış edərkən Riçarda qarşı oynayanda çox çətin olurdu. Həqiqətən  Almeydanın oynadığı matçlar çətin keçirdi. İndi isə onunla birlikdə çıxış etdiyim üçün sevinirəm. Fikrimcə, birlikdə güc qata biləcəyik.
 
- “Qarabağ”ın yeni forvarda ehtiyacı var, yoxsa düşünürsən ki, Emeqara və Mahir daha çox qol vura biləcəklər?
- Onların hər ikisi yaxşı hücumçudular. Fikrimcə, Mahir də, Emeqara da qarşıdakı matçlarda xeyli qol vuracaqlar. Buna inanıram və onların faydalı olacağına əminəm. Hər ikisi buna qadir futblçulardı.
 
- AFFA xorvatiyalı məşqçi, həmyerlin Nikola Yurçeviçi baş məşqçi postuna gətirmək istəyir. Səncə, o, Azərbaycan millisində uğur qazana bilərmi?
- Onun haqqında çox bilgiyə sahib deyiləm. Sadəcə, əvvəllər Xorvatiya yığmasına çağırıldığım vaxt o, Slaven Biliçin köməkçisi idi. Amma ətraflı heç nə deyə bilməyəcəyəm.
 
- Avro-2020-nin seçmə mərhələsinin ilk oyununu Azərbaycan Xorvatiyaya qarşı keçirəcək. Səncə, yığmamızın bu matçda xal almaq potensialı var?
- Hər kəs Xorvatiyanın gücünü bilir. Hansı oyunçulara sahib olduğunu, bu futbolçuların hansı klublarda oynadığını görürürük. Komanda dünya çempionatında ikinci oldu və böyük nəticə idi. İlk matçda da onlara qələbə lazımdı. Düşünürəm ki, Zaqrebdə oynamaq da ağırdı. Bu səbəbdən şansları açıq görünür.
 
AĞA

 
tarix: 07-02-2019 11:37


 
Xəbər lenti
21.04.2019

00:44   “Barselona”dan çətin qələbə

00:37   “Bavariya”ya 1 qol bəs etdi

00:26   “Yuventus” çempionluğunu rəsmiləşdirdi

00:01   Marsel “Olimpik”indən səfərdə inamlı qələbə

20.04.2019

23:28  “Mançester Siti” “Tottenhem”i məğlub yola saldı

22:22  “Qalatasaray”dan inamlı qələbə

21:48  Şeydayev “Dinamo”ya qarşı 68 dəqiqə oynadı

19:14  Nazarovsuz heç-heçə

18:32  Dadaşovun komandasına 1 qol bəs etdi

16:57  Balayevin komandasından ilk xal itkisi

14:34  Azər Əliyev “Arsenal”a qarşı 26 dəqiqə oynadı

13:24  Əzizovun komandasından daha bir qələbə

12:57  AFFA-nın araşdırması: “Füzuli” oyunçularının qəsdən uduzduğunu düşünür

12:34  Bezotosnının durumuna sabah aydınlıq gələcək

12:29  Vüqar Əsgərovun dublu “Dauqavpils”ə qələbə qazandırdı

12:14  Son oyunda turun rekordu

12:07  Bordinsiz qələbə

11:59  “Real” onu itirdi

11:32  Bəhlul Mustafazadə “Seltik”in hədəfində

11:07  Dadaşov oynadı, “Eştoril” qalib gəldi

10:15  İsrafilovsuz “Alkorkon” 4 qola üzüldü

09:11  “Traktorsazi”dən ardıcıl 2-ci məğlubiyyət

01:00  Dörd qolluq heç-heçə

00:41  Meydan sahiblərindən çətin qələbə

00:25  “Bursaspor” yenə qələbəyə həsrət qaldı

00:01  Avroliqada həftənin ən yaxşı futbolçusu bəlli oldu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az