(+994) 050 678 37 80
(+994) 070 534 65 52

qaynar xətt

Tahir Süleymanov
“Futbol+” kollektivi prezidentə müraciət etdi

“Futbol+” kollektivi prezidentə müraciət etdi

"Futbol+” qəzetinin kollektivi prezident İlham Əliyevə müraciət edib.
 
Azərbaycan Respublikasının
Prezidenti İlham Əliyev cənablarına
 
Hörmətli cənab Prezident!
 
Məlumat üçün bildiririk ki, ilk sayı 1997-ci il oktyabrın 21-də işıq üzü görən "Futbol+” qəzeti son 22 ildə müntəzəm nəşr olunan, fəaliyyətinə bir gün də fasilə verməyən, ölkənin idman uğurlarının təbliğinə, oxucu kütlələrinin maariflənməsinə xidmət edən yeganə gündəlik idman nəşridi. Həm də nəinki Azərbaycanda, bütün postsovet məkanında həftədə ən azı 5 dəfə işıq üzü görən üç idman qəzetindən biridi. Bu müddətdə qəzetin işi dəfələrlə ən yüksək səviyyədə təqdir olunub, Azərbaycan Gənclər və İdman Nazirliyi, Azərbaycan İdman Jurnalistləri Assosiasiyası bir neçə dəfə "Futbol+”i "ilin idman qəzeti” elan edib. Böyük məmnunluq hissi ilə bildiririk ki, məhz qəzetin yetişdirdiyi yüzlərlə kadr ötən müddətdə həm jurnalistikada, həm də idman strukturlarında özünə yer edib, mövqe qazanıb. Ötən 22 ildə qəzet əsasən satışdan gələn pul hesabına ayaqda qalmağı, işçilərinin güzəranını təmin etməyi bacarıb. 2013-cü ilin yanvarından isə Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun layihələrində də müntəzəm iştirak edirik. Düzdü, "Futbol+” daim Fonddan ən az yardım alan gündəlik qəzet olub, bununla belə, qəzetin yaşaması naminə biz bu jesti yüksək qiymətləndirir, şəxsən Sizə təşəkkür edirik.
 
Hörmətli cənab Prezident!
 
Yanvarın 31-də KİVDF bu ilin ikinci rübü üçün qəzetlərin layihələrinin maliyyələşdirilməsi ilə bağlı elan açıqlayıb və nədənsə müsabiqəyə yalnız ictimai-siyasi nəşrlərin buraxılacağını bildirib. Bu məqam bizi, yəni bu qəzetdə çalışanları, eləcə də oxucularımızı ciddi narahat edir. Niyə yalnız ictimai-siyasi qəzetlər? Məgər bu ölkəyə idman qəzeti, Azərbaycanın idman uğurlarının təbliği lazım deyil? Sizin ölkə idmanının inkişafı, idmançıların sosial rifah halının yaxşılaşdırılması naminə necə böyük işlər gördüyünüzdən bu ölkədə hər kəs xəbərdardı. Bəs onda ölkənin idman təsərrüfatında yaşananlar oxuculara obyektiv, operativ şəkildə təqdim olunmamalıdı?
 
Siz Azərbaycanı idman ölkəsinə çevirmək yolunda inadla çalışırsız, amma belə çıxır ki, məmurlar yeganə gündəlik idman qəzetinin məhvində maraqlıdılar. Bizə elə gəlir ki, idman ölkəsində gündəlik idman qəzetinin yoxluğu ilk növbədə Sizin imicinizə ziyandı, çünki Fondun varlığı Sizin təşəbbüsünüzdü. Məmurlar Sizə qarşı əhalidə narazılıq oyatmağa çalışır, axı yuxarıda qeyd edildiyi kimi, Fond Azərbaycan Prezidentinin adı ilə bağlıdı.
 
Odu ki, KİVDF-nin son müsabiqə elanında idman nəşrlərinin layihələrinin maliyyələşməsi ilə bağlı qadağanın aradan qaldırılmasında bizə yardım etməyinizi, ümumiyyətlə, "Futbol+”in taleyinə həssas yanaşmağı Sizdən vətəndaş və jurnalist kollektivi olaraq xahiş edirik.
 
Hörmətlə,
"Futbol+” qəzetinin kollektivi

 
tarix: 08-02-2019 11:41


 
Xəbər lenti
26.04.2019

01:24   “Real” “Xetafe” səfərindən 1 xalla döndü

00:54   İtaliya kubokunda hər iki finalçı bəlli oldu

25.04.2019

23:06  “Qalatasaray” darmadağınla finalda

21:33  Ramil Şeydayev oynadı, komandası yenə uduzdu

19:33  Millimizin rəqibi yoxlama oyunu keçirəcək

19:00  “Bavariya” rekordunu yenilədi

18:24  “Mançester Siti” və Qvardioladan rekord

17:50  AFFA Gəncə şəhər stadionu ilə bağlı tender elan etdi

17:25  Azərbaycanda işləmiş məşqçidən Ayaz Quliyevə sərt tənqid

16:58  “Zirə”nin beş futbolçusu üçün ilk

16:21  40 il sonra gələn antirekord

15:43  “Üç xal qazana bilsək, bürünc medallara çox yaxınlaşacağıq”

15:26  İlk heç-heçə: 5-ci quru oyun

15:08  İtaliyalı futbolçu “Qarabağ”la oyunu unutmur

14:42  Şimşək çaxdı, oyun təxirə salındı

14:07  “Ayaks” 12 yaşında klubu təhqir edən futbolçunu transfer etdi - VİDEO

13:30  Premyer Liqada mövsümün rəmzi komandası

13:07  HAŞİYƏ: “Vandallar Bakıda tarixi abidəni dağıtdılar”

12:39  Premyer Liqada 26-cı tur rəqəmlərin gözü ilə

12:18  İki ildən sonra: Yenə yarımfinalda

12:01  “Sumqayıt” “20”-yə çatdı

11:54  Qvardiola tələsmir və… qadağa qoyur

11:45  Sulşer rəqibi tərifləyir

11:29  AFFA Region Liqası ilə bağlı qərar verə bilmir – araşdırma gedir

11:01  İtaliyada Bordinə şans vermədilər

10:30  Matç zamanı ağzına arı girdi, xəstəxanalıq oldu - FOTO

10:03  Azər Əliyevin komandası qələbəni əldən verdi

09:54  Lisenziya intizarı: AFFA klubların maliyyə hesabatını gözləyir

09:47  Quluzadənin komandası 4 qola üzüldü

09:21  Paşayev oynadı, komandası qalib gəldi

09:00  “Bakı” ölkədən, FIFA futboldan qovdu – danışılmış oyunlara görə

01:25  “Atletiko” “Barselona”nın çempionluğunu ertələdi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az