(+994) 050 678 37 80
(+994) 070 534 65 52

qaynar xətt

Tahir Süleymanov
Beşmərtəbənin 6-cı mərhəbəsində... Protokollaşdırma...

Beşmərtəbənin 6-cı mərhəbəsində... Protokollaşdırma...

Avropa futbolu mədəniyyətdi. Təsadüfi deyil, UEFA ilə yanaşı FİFA da "köhnə qitə"dən dünya futbolunu idarə edir.
 
Azərbaycan da Avropa futbolunun bir parçasıdı. Futbol səviyyəsinin təmin olunması üçün avropalıların ölkəmizdəki düşüncəsi deyil, özümüzdə Avropa futbol təfəkkürünün olması vacibdi...
 
Avropa futbolu deyəndə o demək deyil ki, etalondu. "Eyzel" faciələrindən nəticə çıxara-çıxara bu günlərə gəliblər. İndi də ara-sıra ciddi qalmaqallar yaşanır. "El klassiko"da meydana atılan yad əşyalar, İtaliya-Serbiya görüşündə serb fanatların əcaibliyi, Polşa tribunalarında nasist şuarları, irqi ayrıseçkilik, oyun alqı-satqıları...
 
15 ildi Azərbaycan futbolu Avropa təcrübəsi məkanına çevrilib, eksperimentlər aparılır. Alman sistemi yararsız çıxdı, xorvat nümunəsi yarımçıq qaldı, indi də növbə serblərindi...
 
Dərk edilmir ki, yararsız, futbol sisteminin özüdür, bu durumu yaradanlardır...
 
Son həftələr protokol oyunları atılıb ortaya. Day demə, Azərbaycan futbolu elementar hakim raportu səviyyəsində də deyilmiş. Bəh-bəhlə yeni protokollar təbliğ edilir, Avropadan gələnlər "əncir yarpağı" futbolumuzu abıra salırlar. Bununla da futbolda olan təsadüflər özlərini, bacarısızlıqlarını bir daha ifşa edirlər.
 
13 il öncə "Sabahın Ulduzları" yarışlarında minimum şəraitlə bu sistem tətbiq edilib. AFFA-dakı maliyyə, iş şəraiti ilə nələr etmək olmazdı?!
 
Mirabdulla Abbasov ilin futbolçusu seçilir. Heç kimin tanımadığı balaca Miri digər uşaqlarla 2006-cı ildən futbol mədəniyyəti görüb. Ovaxtdan "Turun ulduzu", yarışların ən yaxşıları seçilə-seçilə gələcəkləri bilinirdi, təmin edilirdi. Hər həftə himn sədaları altında, milli, klub, "f.-pley" bayraqları ilə meydanlara çıxılırdı, futbol mədəniyyəti, səviyyəsi göstərilirdi...
 
Ovaxtkı FİFA referilərimiz yaşıl meydanda uşaqlara davranış qaydalarını aşılayır, gənc Əliyar Ağayev də uşaqlarla bir yerdə böyüyürdü, püxtələşirdi. 2006-da "Sabahın Ulduzları" yarışları Avropada seçilərək UEFA-nın xüsusi diplomu ilə təltif edilib...
 
Nə böyük hadisə baş verib, Stuxlik ölkə futboluna prokokol mədəniyyəti gətirib. Bir təqdimat verin, şöhrətləndirin. Şöhrətləndirin ki, 15 ildi AFFA-da otura-otura elementar futbol mədəniyyəti olmayıb, tədbiq edilməyib, bunları edənlərə şərait yaradılmayıb, min yollarla qarşıları kəsilib. Elə bu gün də "davam edir 37"...
 
Bu illər ərzində başlar yüz milyonlara qarışıb. Mirabdullalar indi qiymətə minib, ovaxtlardan üzü bu yana axtyamov, eddilərin milyonları lazım idi... O milyonlar ki, bu illər ərzində düzgün xərclənsəydi, yüzlərlə mirabdullalar üzə çıxardı... İndi də uşaq futbolunda texniki məğlubiyyətlər, səviyyəsiz yarışlarla yanaşı, bir-birinə düşmən ölkələrin futbolçularını bir araya gətirib futbol "limandra"sı düzəldilir, milliləşdirilir, futbolun "gələcəyi" düşünülür...
 
Uşaqlara top çilətdirildiyi vaxtlardan bugünlərə kimi Azərbaycan futboluna bir milyard dollardan çox vəsait yatırılıb. O pullarla ölkə futboluna Avropa yox, kainat mədəniyyətini gətirmək olardı. 100 milyonlar talanandan sonra 8 komandalı "Bakı birinciliyi"nin başı "protokol oyunları" ilə qatılır...
 
90-cı illərin müharibəsindən, siyasi-iqtisadi xaosundan, dərəbəylikdən, qalmaqallardan, mübarizədən keçib bu günlərə gəlinib. Ona görə gəlinməyib ki, milyardlar fonunda xalqın başı "Baden-badenin mavi gecələri"nin protokolları ilə aldadılsın, müstəqil klublar bayraq, məşqçi oyunları ilə cərimələnsin...
 
10-15 ildi lippertlərdən tutmuş stuxliklərlə Azərbaycan futbolunun başında dəlləklik edilir. Ən pisi, faciəsi də odur ki, "şüşəbəndin" mərtəbələrindən sürüşdürülənlər gələnlərə tərif yağdırır, uğurlar arzulayır, susurlar. Bununla da öz bacarıqsılıqlarını, qətiyyətsizliklərini göstərmiş olurlar...
 
Azərbaycan futbolunda sıxma-boğmalar qarşısında tarixi uğurları qazananlar özümüzük, Avropadan gələnlər deyil. Özümüz isə bunları görmürük, görmək istəmirik. Stuxlikin, havadarlarının protokol "mədəniyyəti" tarixi uğurlardan, Milanda, Madriddə göstərilən əsl futbol mədəniyyətindən "üstün" gəlir.
 
Nəvaxta qədər özümüz özümüzə dəyər verməyəcəyik, "sapı özümüzdən olan baltalar"la Avropa futbol "mədəniyyəti"ni Azərbaycana gətirən stuxliklər futbolun başında hələ çox stullar sındıracaqlar. Görün futbol nə səviyyədə idarə olunur ki, elementar protokollar AFFA-dakılara göz dağı kimi göstərilir.
 
"Beşmərtəbənin altıncı mərtəbəsi"ndə yeni tarixi futbol "əsər"lərinin yazılmasına hazırlıq görülür...
 
Hələ ki, protokollaşdırırlar...
 
TAHİR SÜLEYMANOV

 
tarix: 09-02-2019 13:18


 
Xəbər lenti
19.06.2019

00:43   “Qarabağ” Avstriyaya çatdı

00:29   “Səbail” onunla rəsmən vidalaşdı, Avstriya klubuna keçdi - FOTO

00:15   Premyer Liqada yay bazarlığı - YENİLƏNİR

18.06.2019

23:55  “Milan” Avroliqadan imtina edir

23:44  “Səbail” Bolqarıstanda ilk məşqə çıxdı

23:39  “Neftçi”nin şansı bizdən çox deyil”

23:20  UEFA “Neftçi”nin ilk oyununun yerini dəyişdi

22:37  Dəniz Yılmaz üçün yeni baş məşqçi

19:04  Emin Mahmudov: “Qalib gəlib, mərhələni keçməyə çalışacağıq”

18:45  Bordin: “Rəqibin fiziki hazırlığı bizimkindən daha yaxşıdı”

18:28  Avroliqada 1-ci təsnifat mərhələsinin bütün cütləri

18:06  Rəşad Sadıqov: “ÇL-də hər bir rəqib təhlükəlidi”

17:51  “Neftçi” və “Səbail”in Avroliqadakı rəqibləri bəlli oldu

17:45  “Sənan Qurbanov komandanı ən çətin vaxtda qəbul etdi”

17:30  Qurban Qurbanov: “Bizi çətin qarşılaşmalar gözləyir”

17:15  13 ildi avrokubokda qələbəyə həsrət Albaniya çempionu

17:00  Çempionlar Liqasında 1-ci təsnifat mərhələsinin cütləri

16:42  “Qarabağ”ın ÇL-də rəqibi məlum oldu

16:24  “Borussiya”dan baş məşqçi ilə yeni müqavilə

16:00  UEFA Super Kubok matçına bilet satışına start verdi

15:31  PSJ-nin prezidentindən Mbappe açıqlaması

15:08  “Barselona”nın sabiq futbolçusu Hollandiya klubunda

14:43  “Neftçi”nin futbolçusu rəsmən “Sabah”da

14:26  “Qarabağ” Avstriyaya yola düşdü

14:04  Platini həbs olundu

13:47  Messi Fransa klubunda

13:29  Milli komandada ciddi itki

13:08  Nesta İtaliya klubunda

12:42  Nazim Süleymanov bu dəfə Buzovnada

12:29  “Qarabağ”ın oyununda 6 qol

12:08  Uelbeklə danışıqlar dayandırıldı

11:57  Çili millisi darmadağına sevindi

11:42  Poqbaya yeni təklif

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az