(+994) 050 678 37 80
(+994) 070 534 65 52

qaynar xətt

Tahir Süleymanov
Xorvat seçiminin sirri

Xorvat seçiminin sirri

38 gündən sonra Avro-2020-nin seçmə mərhələsi start götürəcək.
Həmin yarışa qatılacaq milli komandamız 65 gündü baş məşqçisizdi.
 
Hələlik Nikola Yurçeviçin təyinatı dəqiqləşməyib. Düzdü, xorvat məşqçi ölkəmizə ikinci dəfə gəlibsə, deməli, hər şey aydınlaşıb, müqavilənin imzalanması qalır. Bununla belə, rəsmi müqaviləyə imza atılana və İcraiyyə Komitəsi qərar verənə kimi Yurçeviçi Qurban Qurbanovun xələfi saya bilmərik. Bəlkə İK üzvləri vaxtında ayıldı və bu adamın millimizə layiq olmadığını gördülər.
 
Nikola indiyə kimi heç yerdə özünü sübut etməyib. Baş məşqçi işləyərkən daim qovulmaqla seçilən bu şəxs Slaven Biliçin köməkçisi kimi də kölgədə qalıb. “Fişkadüzən”in indi milliyə baş məşqçi gətirilməsi AFFA-nın baş katibi Elxan Məmmədovun ən böyük səhvidi. Hətta AFFA-nın maliyyə problemi varsa, sponsorlardan yüksək məbləğ ala bilmirsə də, yığmanı yerli mətbəxi bilən istənilən məşqçiyə tapşırmaq daha məqsədəuyğundu, nəinki təyinatı yalnız fiaslo vəd edən xorvata.
 
Hələ gec deyil, ölkə futbolunun başbilənləri ayılıb, bu təyinatı əngəlləməlidi. Yoxsa daha bir tsikli, daha bir neçə ili boşa verəcəyik. Milli komandanın potensialı onsuz da ciddi uğur gözləməyə əsas vermir, bununla belə, Yurçeviçlə ümidlər də dəfn olunacaq.
 
Əslində, Məmmədovun bu təyinatda israrının 2 səbəbi var. Əvvəla, sanballı məşqçi tapmaq mümkün olmayıb, yuxarılar böyük xərcləri qadağan edib. Belədə mütləq əcnəbi olsun, bu xətt əldən çıxmasın deyə, Yurçeviç müqəvva kimi posta oturdulacaq. Sonra vəziyyətə uyğun olaraq addım atılacaq, bunun təbliğatı aparılacaq. Ola bilsin, “yuxarılar”ın mövqeyində hansısa dəyişiklik olsun, Qurbanovun qovulmasına nail olanlar yenə hansısa incə məqamda saqqız oğurlaya bilsin.
 
İkincisi, Yurçeviçin seçilməsi sırf seçmə mərhələnin ilk oyununa hesablanıb. Xorvatiyayla səfər matçında millimizi fiasko gözləyir və darmadağın ölkə rəhbərliyinin diqqətini çəkəcək. Məhz bu qəzəbdən qurtulmaq üçün baş katib millinin məhz xorvata tapşırılmasında israrlıdı. O, şəxsi əlaqələr, Yurçeviçin xahişləri sayəsində rəqibin insaflı olacağına ümid edir. Robert Prosineçkinin vaxtında bu komandayla Bakıdakı şübhəli 0:0 da təsadüfi deyildi. Xorvatiya futbolunun rəhbəri Davor Şukerlə dostluq münasibətləri var, üstəlik, Yurçeviçin vasitəçiliyi ilə ölkə rəhbərliyinin qəzəbindən qurtaracaq nəticəyə nail olmaq, zaman qazanmaq mümkündü. Xorvat sevdasının başqa səbəbi yoxdu, baş katib də Yurçeviçin məşqçilik baxımından hansı bacarığa malik olmasından xəbərdardı.
 
Yurçeviç də ağıllı tərpənir, situasiyada istifadə olunduğunu bilir. Bu səbəbdəndi ki, Avro-2020-nin final mərhələsi barəsində vəd vermir, heç bu barədə danışılmadığını dilə gətirir. Halbuki “yuxarılar” AFFA-dan məhz bunu tələb edir, katiblik də təyinatın yubanmasını bu amilə bağlayır. İndi isə yeni məşqçi “bizim üçün xüsusi olan” bu tsikllə bağlı müəmmalı danışır. Beləydisə, Qurbanov niyə qovulurdu, yeni yaradılan sitem niyə beşikdəcə boğulurdu?
 
Tezliklə yeni məşqçi təyinatı reallaşacaq. Ölkə futbolunda hakimi-mütləq olan Məmmədov buna nail olacaq. Lakin bundan sonra nəticələrə görə də birbaşa o cavab verəcək, digər AFFA rəhbərləri bilərəkdən kölgəyə çəkilib, məsuliyyət altına girmək istəmirlər. Bəlkə də Yurçeviç Məmmədovun milli komandaya seçdiyi son əcnəbi olacaq...
 
CAVAD

 
tarix: 11-02-2019 10:00


 
Xəbər lenti
24.04.2019

10:40   “Mançester Siti”də ciddi itki: 2-3 həftə olmayacaq

10:11   Mühafizəçilərə görə - “Sumqayıt” cəzalanacaqmı?

09:51   Premyer Liqanın tarixinə keçən qol

09:30   Əsgərovdan Latviyada daha bir dubl və bombardirlik

09:00   Yurçeviç üçün həm ziyarət, həm “ticarət”

01:21   “Barselona”dan inamlı qələbə

00:53   “Tottenhem”ə 1 qol bəs etdi

00:38   Almaniya Kubokunda ilk finalçı bəlli oldu

23.04.2019

21:24  “Sumqayıt”la “Zirə”dən heç-heçə - VİDEO

20:55  “İnanıram və bilirəm ki, əzmkarlıq bizi finala çıxaracaq”

20:50  “Əvvəl də belə oynasaydıq, indi kuboku düşünmürdük”

20:22  “Zirə” ilə “Sumqayıt”dan ilk oyunda heç-heçə

19:50  Moskva “Lokomotiv”indən Azərbaycan millisinə

19:03  Qurban Qurbanov: “Qələbə qazanmağı çox istəsək də, alınmadı”

18:55  Sənan Qurbanov: “İkinci matçda daha yaxşı çıxış etməliyik”

18:42  Erkən finalın ilk pərdəsi: “Qarabağ” 2019-da ilk məğlubiyyətini aldı

18:38  “Qarabağ” “Qəbələ”yə belə uduzdu - VİDEO

18:26  “Neftçi”nin sabiq futbolçusu: “Mərhələni keçsəydik, 21 min dollar qazanacaqdıq”

18:19  Ramin Musayev möcüzə gözləyir

18:09  “Qarabağ” onu itirdi: Həm zədə, həm də cəza

17:53  “Qarabağ” “Qəbələ”dən məğlub qayıdır

16:54  Millidə seks qalmaqalı: Baş məşqçi qovuldu

16:18  Təxirə salınmış oyun üçün hakim təyinatları açıqlandı

15:59  “Kəpəz”in məşqçi və futbolçu heyətindən azarkeşlərlə görüş

15:34  Bundesliqa klubunda yeni baş məşqçi

15:00  “Bizi çempionluqdan cəmi 2 oyun ayırır”

14:26  Millimizin sabiq futbolçusu döyülməsindən danışdı

13:52  AFFA-dan “Keşlə”yə texniki məğlubiyyət

13:31  Bakı finalına doğru: Teleyayımla bağlı işgüzar səfər başlayıb

13:17  25-ci turun ən yaxşısı da “Qarabağ”lı oldu

13:08  “Qarabağ”ın 9 futbolçusu rəmzi komandada - FOTO

12:53  AFFA Divizion klublarını cəzalandırdı

12:37  Aftandil Hacıyevin əvəzinə rus məşqçi?

12:33  Tərlan Əhmədovun cəzası açıqlandı

12:27  Bakı finalına doğru: Kiber Çempionatın iştirakçıları bəlli oldu

12:16  Stuxlik “Neftçi” üzərində təcrübə aparır

11:58  “Çelsi”nin futbolçusu üçün mövsüm bitdi

11:24  Birinci Divizion: 24-cü turun bütün təyinatları

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az