(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Divizionda 2 xəta: şübhəli nəticələr, “savadlı” məşqçilər və yeni protokol qaydaları

Divizionda 2 xəta: şübhəli nəticələr, “savadlı” məşqçilər və yeni protokol qaydaları

AFFA İntizam Komitəsi bu gün 2 komandaya texniki məğlubiyyət verdi. Və onlar hansısa uşaq komandası deyildi, I divizion təmsilçiləri idi.
 
2 oyunda eyni problemin meydana çıxması təsadüf ola bilməz. Deməli, konkret səbəb var. Amma səbəbi dəqiqləşdirməzdən öncə qeyd edək ki, XIV turun “Sumqayıt-2” – “Keşlə-2” matçında qonaqlar, “Kəpəz” – MOİK matçında meydan sahibləri oyuna protokolda adı olmayan futbolçu buraxıb. Ən maraqlısı odur ki, hər 2 matç 3:0 hesabıyla qurtarıb. Texniki məğlubiyyət verildikdən sonra nəticənin olduğu kimi saxlanıldığını nəzərə alsaq, sanki hər şey bilərəkdən edilib. Ehtimaldı, kiməsə maraqlı gəldisə, araşdırsın.
 
Protokoldakı səhvə gəlincə, “Kəpəz” Ziyabil Məmmədovun 77-ci dəqiqədə Şöhrət Quliyevi, “Keşlə-2” isə 39-cu dəqiqədə Ülvi İbrahimovun Cavidan Qasımlını əvəz etməsindən sonra “zibilə düşüb”. Bununla da AFFA-nın tətbiq etdiyi yeni protokol sisteminin yaratdığı problemlər ortaya çıxıb. Hətta “CBC Sport”da bəh-bəhlə təbliğ edilən, az qala dünya futbolunda inqilab kimi dəyərləndirən yeni protokolların yaratdığı problem beləcə üzə çıxıb.
 
İnsaf naminə, yeni protokollarda qəribə heç nə yoxdu. Onu doldura bilməyənin, səhv edənin ibtidai sinif biliyinə şübhə etməli olursan. Azca diqqətli olmaq, saymağı və işarə qoymağı bacarmaq lazımdı.
 
Hətta Premyer Liqa klublarının da yaşadığı problemdən sonra bu sistemə keçilib. Və indiki sənəd daha rahatdı. Matçdan öncə hətta rənglərlə limit oyunçuları, legionerlər və s. ayrıca qeyd edilmiş protokol təqdim edilir. Məşqçilərə yalnız start heyətdə çıxacaq 11 nəfəri fərqləndirmək qalır, eyni zamanda ehtiyatda olanların qarşısındakı qrafada da müvafiq işarə qoyulmalıdı. Və komandanın iştirak ərizəsindəki bütün oyunçuların adı burada yazıldığından kimsənin kənarda qalması mümkün deyil.
 
Sadəcə, ehtiyatda oturanların qarşısına bu işarə qoyulmalıdı ki, onların oyunda olması təsdiqlənsin. Lakin komandaların məşqçiləri Ziyabil və Ülvinin adı önünə işarə qoymağı unudub, onlar da meydana çıxınca texniki məğlubiyyət qaçılmaz olub.
 
Protokol xətasıdı. Amma bu, həm də savadsızlığın göstəricisidi. Klub nümayəndələrinə dəfələrlə yeni sistem izah olunub, onlara AFFA-da “kiçik dərs” də keçilib. Amma onlar hələ də adi “quşqoyma”nı bacarmırlar. Bu məşqçilərin kateqoriyanı necə aldıqlarını bilmirik, fakt isə odur ki, hətta protokol doldura bilmirlər.
 
“Kəpəz”in baş məşqçisi Etibar İbrahimov olsa da, komandada bu işi qapıçı məşqçisi Tariyel Hüseynov görür. “Keşlə”də isə baş məşqçi Rüstəm Əliyev köməkçisi Elmir Əliyevə güvənir.
 
Hələlik faciəvi bir şey baş verməyib – meydanda qeydə alınan nəticə texniki məğlubiyyətə çevrilib. İndi gör qalib gəldiyin oyunda belə səhvə görə uduzmağın səsi necə çıxardı?
 
FƏRİD

 
tarix: 12-02-2019 14:48


 
Xəbər lenti
25.08.2019

01:06   “Fənərbaxça”dan əzmkar qələbə

00:55   “Real” doğma meydanda xal itirdi

00:41   “Yuventus”la “Napoli” qələbə ilə başladı

24.08.2019

23:55  “Bordo”dan səfərdə inamlı qələbə

23:16  Azərbaycanlı futbolçuların komandası “Zenit”ə qalib gəldi

23:03  Riad Rəfiyev AFFA-ya üsyan etdi: “Hakim qərəzli idi”

22:45  “Bavariya”dan darmadağın

22:00  “Səbail”dən “Sumqayıt”a 3 cavabsız qol - VİDEO

22:00  “Liverpul” “Arsenal”a qalib gəldi, MY evdə uduzdu

21:51  Ayxan Abbasov: “Hakim matçı alt-üst etdi”

21:37  “Səhvlərdən daha yaxşı istifadə edən biz olduq”

20:56  “Sumqayıt” “Səbail”ə böyük hesabla uduzdu

20:23  Bundesliqada yeni rekordçu

19:51  Emil Balayevli “Tobol”dan inamlı qələbə - VİDEO

19:11  Dadaşov üçün 90 dəqiqə və 1 xal

18:39  Vensan Kompaniyə daha bir zərbə

17:36  “Linfild”in oyunu təxirə salındı – “Qarabağ”a görə

17:10  “Dinamo”dan Şeydayevsiz qələbə

15:11  “Sumqayıt”la oyuna 4 itki ilə

15:01  “Zirə”nin “Neftçi” ilə 17-ci sınağı

14:21  “Neftçi”nin futbolçusu Qvineya yığmasında

13:47  Millimizin heyəti açıqlandı

12:49  Portuqaliyalı futbolçu rəsmən “Monako”da

11:59  İsrafilovsuz qələbə

11:03  UEFA “Qarabağ”ı cərimələdi

09:47  "Neftçi"nin legioneri Hindistan klubunda

09:21  “Bavariya”nın futbolçusu rəsmən “Lill”də

09:14  Kamran Quliyev oynadı, komandası yenə uduzdu

09:00  Əhmədov maksimum nəticə istəyir: “Kaş yadıma salmazdız”

01:52  “Sevilya” qalib gəldi, “Vilyarreal” uduzdu

00:58  “Aston Villa” “Everton”u məğlub yola saldı

00:48  “Qarabağ” - “Linfild” matçında rusiyalı hakimlər

00:25  “Borussiya”dan inamlı qələbə

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az