(+994) 050 678 37 80
(+994) 070 534 65 52

qaynar xətt

Cavad
Natiq Muxtarlı
Tahir Süleymanov
Premyer Liqada komanda sayı artırılır: “Kəpəz”, MOİK və…

Premyer Liqada komanda sayı artırılır: “Kəpəz”, MOİK və…

Premyer Liqada komanda sayı artırılacaq. Hər nə qədər maliyyə durumu yaxşı olmasa da, AFFA buna məcburdu.
 
Futbolinfo.az xəbər verir ki, artıq bununla bağlı iş aparılır və AFFA-nın martdakı hesabat konfransında müəyyən qərarlar qəbul oluna bilər. Ölkə futbolunda vəziyyət acınacaqlıdı, çempionatda rəqabət zəifləyib, milli komandaya futbolçu seçmək üçün geniş imkan yoxdu, gənclər itib-batır. Regionlarda top oyununun vəziyyəti daha pisdi. Bu səbəbdən Premyer Liqanın əhatə dairəsinin böyüməsinə ehtiyac var.
 
Milli komandanın, futbolçuların inkişafı birbaşa çempionatın səviyyəsindən asılıdı. Bu reallığı nəhayət, dərk edən AFFA rəsmiləri bəzi addımlar atmağa hazırlaşır. Müstəqil klubların ortaya çıxması çətindi, iş adamları keçmiş təcrübədən ehtiyat edərək bu sahəyə pul qoymur. Belədə yenə yük SOCAR-ın üzərinə düşür. Dövlətin idman siyasətinə uyğun olaraq, bu qurum AFFA vasitəsi ilə futbolun inkişafına töhfə verməyə məcburdu. Ona görə də Premyer Liqada klub sayının artırılması, onlara neft şirkəti xətti ilə yardım edilməsi planlaşdırılır.
 
Əslində, divizionda  “Ağsu” kimi mənasız, ölkə futboluna heç kimi qazandırmayan, yalnız pul dağıdılması üçün vasitə olan klubları saxlamaqdansa, ənənəsi olan bölgələrə diqqət edilməlidi. Xərcləri çox da artırmadan, sadəcə, istiqamətləri bir az da dəqiqləşdirməklə, nəzarəti artırmaqla iş görmək olar. Müəyyən iş adamlarına əlavə yardım etməklə onları həvəsləndirmək mümkündü.
 
Düzdü, müstəqil klublar yenə az olacaq, daha çox eyni maliyyə mənbəyinə möhtac klublar çoxluq təşkil edəcək. İstənilən halda, klub sayının artırılması müsbət qarşılanmalıdı. “Səbail”, “Sumqayıt”, “Keşlə” kimi məhdud büdcəli orta səviyyəli klubların sayı artırılacaq, coğrafiyanın nisbətən genişləndirilməsinə, Bakı birinciliyi damğasından qurtulmağa çalışılacaq.
 
Lisenziyalaşdırma prosesi başladığından AFFA bu məsələyə xüsusi diqqət yetirir. Bəzi klubların tələblərə cavab verməsi, sonradan çətin vəziyyətdə qalmaması üçün ciddi iş aparılır.
 
Artıq “Kəpəz”lə bağlı qərar verilib. Gəncə klubuna diqqətin artırılması da təsadüfi deyil. Klub rəhbərliyi seçilib, icra hakimiyyətindən əlavə yardım üçün razılıq alınıb, stadion hazırdı, qalır büdcənin artırılması ki, bunu da SOCAR vəd edib. İcraiyyə Komitəsinin son iclasında da bununla bağlı müzakirə aparılıb.
 
Təbii ki, təkcə Gəncə klubu ilə artım mümkün deyil. AFFA minimum 10 komandalı çempionat istəyir və hazırda daha hansı komandanın elitaya hazır olması müəyyənləşdirilir. MOİK-in I divizionda inamla liderlik etməsi “hərbçilər”ə marağı artırıb. Müsabiqədən kənar oynayan əvəzediciləri saymasaq, məhz nazirlik klubu digərlərindən daha yaxşı vəziyyətdədi. Bu səbəbdən AFFA-nın MOİK-ə də müəyyən büdcə ayırması mümkündü, məsləhətləşmələr aparılır.
 
Lakin AFFA əsas diqqəti bölgələrə yönəltməyə məcburdu. Zaqatala, Tovuz, hətta hazırda divizionda klubu olmayan İmişlinin də futbol elitasına gətirilməsi mümkündü. Hələlik ən real namizədlər “Kəpəz”lə MOİK-di, qalan məsələlərə sonra baxılacaq.
 
AFFA-nın ehtiyatlı davranmasına səbəb Premyer Liqada sonuncu pilləni kimin tutacağının bəlli olmamasıdı. Bu aqibəti “Keşlə yaşasa, komanda diviziona göndəriləcək və ona ayrılan maliyyə MOİK-ə və başqa bir yeni komandaya ayrılacaq. Bu klubun rəhbəri Zaur Axundov çoxdandı gözdən düşüb və daha ona inam yoxdu.
 
“Zirə”nin sonuncu olması onun digər paytaxt komandası ilə əvəzlənməsi ilə nəticələnəcək. “Qartallar”ın farm-klubu olan “Şüvəlan” bu komandanın əvəzinə yarışa qatıla bilər. Klubun bütün infrastrukturunun əl dəyişməsi və balaca qardaşa ötürülməsi yolu ilə iştirakçı sayına əl gəzdiriləcək. Düzdü, bu klubun rəhbərliyi müstəqildi və AFFA-nın baş katibi Elxan Məmmədovun dediyi ilə oturub-durmur. Bu səbəbdən hazırda 4-cü, müsabiqədənkənarları nəzərə almadıqda isə 2-ci olan “Şüvəlan” idman nəticələrini yaxşılaşdırmağa məcburdu ki, heç kimə bəhanə verməsin.
 
“Sumqayıt”ın elitanı tərk etmək problem yoxdu. Əvvəla, AFFA ərköyün övladına görə reqlamenti də dəyişməyə hazırdı - əvvəllər də belə praktika olub. Bu komanda sonuncu pulləni tutsa, yenə güzəşt görəcək və ya hazırda diviziona liderlik edən əvəzedicilərinin hesabına sığortalanacaq.
 
İstənilən halda, yeni mövsümdən Premyer Liqada komanda sayının minimum 10-a çatdırılması ciddi müzakirə olunur. Tərkib, iştirakçıların kimlər olması sonradan müəyyənləşəcək. Bu daha çox hadisələrin gedişindən və yeni dövlət proqramının qəbul olunmasından asılıdı.
 
FƏRİD

 
tarix: 15-02-2019 09:35


 
Xəbər lenti
25.05.2019

01:07   PSJ-dən mövsümün son matçında məğlubiyyət

00:01   “Beşiktaş” mövsümü qələbə, “Qalatasaray” məğlubiyyətlə başa vurdu

24.05.2019

22:01  “Qəbələ” ilk kubokunun təqdimatını edəcək

20:15  İspaniya klubundan Azərbaycan millisinin üzvü ilə yeni anlaşma

19:47  Françesko Toldo ilə Maykl Ouen Bakıda

18:06  “Sabah”da yeni məşqçi təyinatları

17:40  Şenol Günəş Türkiyə millisinin heyətini açıqladı

17:12  Premyer Liqa klbunda 3 illik müqavilə

16:47  “Arsenal” Bakı finalından sonra onunla yolları ayıracaq

16:24  PSJ-nin futbolçusu əməliyyat olundu

15:51  “Liverpul” UEFA-dan narazıdı

15:32  Venger də Bakı finalından danışdı

15:17  Elşad Əhmədov: “Onun taleyinə rəhbərlik qərar verəcək”

14:53  “Ayaks”da 3 illik müqavilə

14:32  “Sumqayıt”ın son mövsümdə vurduğu bütün qollar - VİDEO

14:15  “Azarkeşlər Bakıdakı finaldan zövq alacaqlar”

13:54  “Qəbələ” Qriqorçukun bütün kadrlarını göndərdi

13:36  “Sevilya”da italiyalı baş məşqçi

13:07  “Sumqayıt” geridə qalan mövsümdə - STATİSTİKA

12:49  Emil Balayev ən yaxşılar arasında

12:24  Bakı finalına doğru: Azarkeşlər üçün VİDEObələdçi

12:00  Azərbaycanlı hakimlərə beynəlxalq təyinat

11:47  Marçello Lippi yenidən milli komandada

11:31  Bakı finalına doğru: “Görüşə Premyer Liqa oyunu kimi hazırlaşırıq”

11:22  PSJ-də Neymar - Mbappe gərginliyi: İkisindən biri gedir

11:11  Meneceri Petrovu Kiyev “Dinamo”suna layiq bilir

11:00  Braziliya millisinin sabiq forvardı karyerasını başa vurdu

10:33  “Bavariya” finala ciddi itkilərlə çıxacaq

10:00  Almaniyalı futbolçu İtaliya klubunda

09:30  “Ştutqart”dan ilk oyunda heç-heçə

09:00  Serbiya kubokunun qalibi bəlli oldu

00:25  Premyer Liqada yay bazarlığı - YENİLƏNİR

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az