(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
“Komanda qələbə qazanmalıdı ki, özünəinam hiss etsin”

“Komanda qələbə qazanmalıdı ki, özünəinam hiss etsin”

Fevralın 19-da və 21-də Türkiyənin müvafiq yaş qrupundan ibarət yığma komandası ilə qarşılaşacaq Azərbaycanın U-19 millisinin baş məşqçisi Ağatahir Əzimov federasiyanın rəsmi saytına müsahibə verib.

Futbolinfo.az həmin müsahibəni təqdim edir:

- Komanda təlim-məşq toplanışına başlayıb. Hazırlıq necə gedir?
- Uşaqların qidalanmasından tutmuş məşq üçün zalın ayrılmasına qədər hər şey bizi qane edir. Oyunçular geyimlərlə təmin edilib. Narahat doğuran məqam bir-iki futzalçının zədəli olmasıdır. Sabah isə daha bir oyunçu komandaya qoşulacaq.

- Zədələri ciddidir?
- Müalicə olunurlar. Ancaq Türkiyə ilə oyunlara çatıb-çatmayacaqlarını bilmirik.

- Əsas millinin baş məşqçisi Joze Alesio Da Silva da məşq prosesində iştirak edir. Faydalana bilirsiz?
- Məsləhətlər verir, müəyyən taktiki çalışmalarla bağlı fikrini öyrənirik. Xüsusilə də 5-in 4-ə oyun üslubunu o daha yaxşı bilir.

- Türkiyə yığması ilə bağlı məlumat əldə etmisinizmi?
- Hollandiya ilə oyunun videoyazısına baxmışıq. Ötən il bizim U-17 yığmamızı böyük hesabla udan komandanı 3:1 hesabı ilə yeniblər. Udublarsa, deməli, zəif rəqib deyillər.

- U-19-un qeyri-rəsmi olsa da, doğma meydanda ilk oyunudu. Bu amil həyəcan yaradır?
- İlk oyunumuz olsa da, nəticə vacib məqamdı. Komanda qələbə qazanmalıdır ki, özündə inam hiss etsin. Gürcüstanla yoldaşlıq oyununda qələbə qazandıqdan sonra sanki uşaqlara əlavə güc gəlmişdi, özünəinam artmışdı. Rəsmi oyunlaröncəsi də bunu etməliyik. Elə çox vaxtımız qalmayıb. Təxminən bir aydan sonra Avropa çempionatının qarşılaşmaları keçiriləcək.

- Yeri gəlmişkən, Gürcüstanla keçirilmiş yoldaşlıq oyunlarından sonra komandada irəliyə doğru dəyişiklik hiss olunurmu?
- Heyətimiz demək olar, eynidi. Əlbəttə, inkişaf var. Problem ondadır ki, bu uşaqlar futzal məktəbi görməyiblər. Dünənə qədər biz əlifbanı – top saxlamağı, ötürmə verməyi öyrədirdik. İndi-indi taktiki çalışmalara başlamışıq.

- Uşaqların özündə futzala maraq varmı?
- Var, oynadıqca, məşq etdikcə maraq artır. “Keşlə” klubu hazırda komandaya cəlb etdiyimiz oyunçuları rəsmi matçlara qədər bizim sərəncamımıza verib. Yəni onlar öz komandalarının oyunlarına görə düşərgəni tərk etməyəcəklər. Bizimlə məşq edirlər və bütün diqqətləri Avropa çempionatına yönəlib. Buna görə klub rəhbərliyinə təşəkkür edirik.

- Rəsmi oyunlardakı rəqiblərlə bağlı hansı məlumatları toplamısınız?
- Sloveniyanın Bosniya və Herseqovina ilə oyununu izləmişəm. Fransa ilə qarşılaşmalarını da göndərəcəklər. İntizamlı komandadır. Görünür ki, uşaq məktəbi keçiblər. Yəni futzal oynamağa indi başlamayıblar. Onlarla qarşılaşma çox çətin olacaq. Ümumi dəyərləndirsək, komandamız rəqiblərlə bir səviyyədədir. Kipri izləməmişəm. Düzdü, onlar ilkin mərhələdən vəsiqə qazanıblar. Ancaq güclərini bilmirəm. Bəlkə uşaq məktəbləri daha yaxşı işləyir? Çalışacağıq məlumat əldə edək. Hollandiyanın isə Türkiyə ilə qarşılaşmasına baxmışıq. Kipr istisna olmaqla digər iki komanda haqda müəyyən qeydlərim var.

- Birinci Liqada çıxış etməyiniz komandaya əlavə üstünlük qazandırırmı?
- Təbii ki, oyun təcrübəsi qazanırıq. Üstəlik, özümüzdən böyüklərə qarşı mübarizə aparırıq. Ötən həftə “Green Log”la qarşılaşdıq. Güclü heyətləri var. Onlarla sona qədər oynadıq, qorxmadıq. Bu gün isə liderlər qrupunda yer alan və təcrübəli oyunçulardan qurulmuş “Standard”la üz-üzə gələcəyik. Uşaqlarda bir qədər təcrübə və ustalıq çatmır. Çünki yaratdığımız epizodların hamısını realizə edə bilmirik. Bu məqam da yekunda nəticəyə təsir edir. Bunları düzəltmək üçün vaxt lazımdı.


 
tarix: 15-02-2019 13:27


 
Xəbər lenti
17.10.2019
16.10.2019

22:00  Klubu Kompaniyə görə cəzalandı

21:49  İspaniya yığmasından yeni rekord

20:00  “Region Liqası”nın püşkü atılacaq

19:42  “Qəbələ” - APOEL matçı ukraynalı hakimlərə tapşırıldı

19:23  Messi 6-cı "Qızıl buts"unu aldı

19:00  Millimizin dünya çempionatı üçün heyəti açıqlandı

18:41  Argentinalı futbolçu ilə yeni müqavilə

18:23  “El klasiko”nun yeri dəyişdirilə bilər

18:02  “Ayaks” ÇL oyununa qatarla gedəcək

17:40  Ronaldo Messini geridə qoydu

17:23  “Qarabağ” - APOEL matçının biletləri sabahdan etibarən satışda

17:11  Melnyakı dostu məlumatlandırıb: “Azərbaycan qol vurdu, hakim saymadı”

17:00  Almaniya klubundan qovulan futbolçu Türkiyəyə qayıtdı

16:53  Uçurumun dibində: veteranları məqsədli şəkildə üz-üzə qoyurlar

16:41  MY “Liverpul”la oyuna ciddi itki ilə çıxacaq

16:22  APOEL-in dərdi: “Qarabağ”la oyunlar pis vaxta düşür

16:00  İrqçiliyə görə 5 azarkeş saxlanıldı

15:43  “Beşiktaş”ın futbolçusu millimizə dəvət aldı

15:23  “Barselona”nın futbolçusu İspaniya millisində debüt etdi

15:15  AFFA-nın fotoqrafı baş rolda: səfirlik önündəki aksiyanı kim təşkil edib?

15:02  Fransa əsgər salamının qarşını almaq istəyib – Deşam isə...

14:45  “Mümkün xoşagəlməz olayların qarşısı alınacaq” - “Qarabağ” rəsmisi

14:27  “Əcnəbinin bir illik məvacibinə əyalətdə stadion tikmək olar”

14:19  “Qarabağ”ın 3 futbolçusu Avroliqanın ən yaxşıları sırasında

14:08  “Zirə”nin “Neftçi” ilə 18-ci dueli

13:18  “Liverpul”un futbolçusu “Ginnesin rekordlar kitabı”na düşdü

12:56  Modriç “El Klasiko”nu buraxa bilər

12:35  Elxan Məmmədov UEFA-nın baş katibi ilə görüşdü

12:17  “Qəbələ”nin legioneri: “Yeni baş məşqçinin sistemi daha yaxşı işləyir”

12:00  “Traktor”un üzvü futboldan uzaqlaşdırıldı - Türkiyəyə dəstəyə görə

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az