(+994) 050 678 37 80
(+994) 070 534 65 52

qaynar xətt

Stuxlikin uduzdurduğu “Sumqayıt”

Stuxlikin uduzdurduğu “Sumqayıt”

“Zirə” yenə sonuncu pillədədi. Premyer Liqada turun bugünkü oyunlarından sonra uduzmayan qəsəbə təmsilçisi 8-ci yerə düşdü. Çünki digər oyunda qalib gələn “Keşlə” nəinki onları, hətta yendikləri “Sumqayıt”ı da arxada qoydu. Bu səbəbdən növbəti turun “Sumqayıt” – “Zirə” oyununun gərgin keçəcəyini indidən deyə bilərik.
 
“Neftçi” zirvədə qalsa da, bugünkü xal itkisi komandaya böyük zərbə oldu. “Qarabağ” sabah turu itkisiz başa vursa, aradakı xal fərqi minimuma düşəcək. Düzdü, bakılılar yenə öndə olacaq, amma növbəti turlar ölüm-qalım savaşına çevriləcək.
 
“Zirə”ylə oyunları həmişə gərgin keçən “Neftçi”nin bu sindromuna Roberto Bordin də son qoya bilməyib. Bugünkü matçda Samir Abasov rəqibi əla analiz edib, taktika qurmuşdu və italiyalını mat etməyi bacardı. Faktiki heç bir komponentdə “Neftçi”yə uduzmayan “qartallar” layiq olduğu xalı qazandı.
 
“Keşlə” haqda eyni sözləri demək olmaz. Bu komanda 2 xalı hakimlərdən hədiyyə aldı. Oyun boyu “Sumqayıt”ın aşkar üstünlüyü olmasa da, ikinci hissənin böyük hissəsi meydan sahiblərinin müdafiə olunmasıyla yadda qaldı. Atilla Yıldırım kimi bərbad hücumçusu olmasına rəğmən, qonaqlar hücumda daha fəal idi. Lakin məhz bitirici vuruşların yoxluğu problem yaradırdı. Əfran İsmayılov da bir neçə dəfə dəqiq oynamağı bacarmadı, əks halda, “Keşlə” indi də son pillədə idi.
 
“Sumqayıt”ın məğlubiyyətində öz oyunçuları da müstəsna rol oynadı. Adil Nağıyev ilk qolu rəqibə hədiyyə etdi, Arif Daşdəmirovun adi epizoddakı fərdi səhvindən sonra isə komandasının bəxti gətirdi.
 
Fasilədən sonra Ayxan Abbasovun 2 uğurlu əvəzetməsi ilə orta sahgədə üstünlük ələ alındı. 4 müdafiəçiylə oynamağa başlayan qonaqlar öndə üstünlük yaratdı və bərabərlik qolunu vurdu. Sumqayıtlılar qələbə qoluna cəhd etdiyi bir vaxtda hakim səhnəyə çıxdı.
 
Fasilədə zədə üzündən Rauf Cabbarov yerini adaşı Allahverdiyevə verdi. Və bu referi oyunun nəticəsinə ciddi təsir etdi. Adi epizodlarda dəfələrlə səhv edən fit sahibi Amil Yunanovun simulyasiyasına aldanıb ağ nöqtəni göstərdi. Halbuki Elvin Məmmədovla çiyin-çiyinə mübarizə zamanı qayda pozulmamışdı.
 
Bu xal itkisini Frits Stuxlikin vicdanına da yaza bilərik. Eksperimentlərdən doymayan Hakimlər Komitəsinin avstriyalı sədri məhz bu cür məqamları nəzərə almayıb. Aşağı dəstədə oyunlar idarə edən, Premyer Liqada ilk dəfə fit çalan Allahverdiyev məhz təcrübəsizliyin qurbanı oldu. Ölkədə bu qədər hakim varkən daim meydana çıxması mümkün olan 4-cü hakimlərin təcrübəsizlərdən təyin olunması fəsad verməliydi. Çanaq Riad Rəfyevin prezidenti olduğu “Sumqayıt”ın başında çatladı. İndi AFFA-nın baş katibi Elxan Məmmədov dostunun şikayəti əsasında Stuxlikin qulağını çəkər.
 
CAVAD

 
tarix: 16-02-2019 20:57


 
Xəbər lenti
16.12.2019

01:52   Lider büdrədi, “Yuventus” qalib gəldi

15.12.2019

23:01  Lider səfərdən xalsız döndü

22:34  MS “Arsenal”a qalib gəldi, MY xal itirdi

22:03  “Fənərbaxça” səfərdə, “Beşiktaş” evdə uduzdu

21:00  150-ci dəfə qələbə sevinci yaşadı

20:13  “Səbail”lə “Zirə” ilk oyunda heç-heçəyə razılaşdı - VİDEO

19:36  Aftandil Hacıyev: “Kubokda belə şansımız yoxdu”

19:13  Zaur Həşimov: “Bu hesab rəqibin üstünlüyüdü”

18:52  Qəbələdə darmadağın, Bakıda heç-heçə

18:26  “Qəbələ” - “Sabah” 3:0 - VİDEO

18:06  Elmar Baxşıyev oyundan razı qalmayıb: “Şanslar yenə bərabərdi”

17:58  Sopiç: “Xorvatiyada “Qəbələ” kimi şəraiti olan klub yoxdu”

17:49  Yalnız Peyman Babayi

16:12  “Neftçi” - “Sumqayıt” matçının biletləri satışda

15:51  “Liverpul” DÇ-yə 20 futbolçu ilə yollandı

14:15  Kosta Rika klubunun forvardına Azərbaycandan cəlbedici təklif

13:46  “Napoli”də ciddi itki

12:59  Peyman Babayi: “Kubokda bu mövsüm də uğurlu olmağa çalışacağıq”

12:02  “Bavariya”da 300-cü oyun

11:09  Turabovun komandası səfərdən 1 xalla döndü

10:24  Millimizin üzvü “Bolton” üzərində qələbəyə sevindi

09:17  Klublararası dünya çempionatı: Yarımfinalçılar bəlli oldu

01:54  “Barselona” səfərdə xal itirdi

01:41  “Napoli” yeni baş məşqçi ilə də məğlub oldu

01:02  Marsel “Olimpik”i səfərdə xal itirdi

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az