(+994) 050 678 37 80
(+994) 070 534 65 52

qaynar xətt

Rahid Əmirquliyev: “0:4-ü unutmamışdıq”

Rahid Əmirquliyev: “0:4-ü unutmamışdıq”

"Çətin oyunun olacağını bilirdik. “Neftçi” liderliyə öz oyunu ilə layiq komandadır. Bizimlə matçda da demək olar ki, bizdən üstün çıxış etdilər. Amma futbolda belə hallar çox olur. Oyunun alınmasa da, sonda qalib gələ bilirsən. Bu gün də belə oyunlardan oldu" - bunu "Səbail"in kapitanı Rahid Əmirquliyev səfərdə "Neftçi"yə 2:1 hesabı ilə qalib gəldikləri Azərbaycan Premyer Liqasının XVIII tur matçından sonra jurnalistlərə açıqlamasında deyib.
 
30 yaşlı yarımmüdafiəçi lider üzərində qələbəni rəqibin oyununu ciddi analiz etmələri və əks-hücum taktikası seçmələri ilə əlaqələndirib: "İlk qoldan sonra istər-istəməz müdafiədə oturmalı olduq. Ardından ikinci qolu da vurduq. Bundan sonra da meydanda üstünlüyü rəqibə verərək, tam əks-hücum taktikasını seçdik. Müdafiədə isə çox sıx oynadığımız üçün rəqibin təhlükəli hücumlar yaratmasına imkan vermədik".
 
Əmirquliyev Premyer Liqanın II dövrəsində "Neftçi"yə 0:4 hesablı məğlubiyyətin də bu görüşə köklənməkdə yardımçı olduğunu vurğulayıb: "Əlbəttə, belə şeylər yaddan çıxmır. Bu hesabı unutmaq olmaz. Həm bu amil, həm liderə qarşı oynamağımız, həm də əsas rəqiblərimiz "Qarabağ" və "Qəbələ"nin xal itkiləri bizi qələbəyə sövq etdi".
 
Təcrübəli futbolçu bu qələbə sayəsində avrokubok şanslarının yüksəldiyini deyib: "Açığı, avrokuboklara vəsiqə qazanacağımıza kimin inanıb-inanmadığını deyə bilmərəm. Əsas odur ki, biz özümüzə güvənirik. İstəyirik ki, çempionatı ən azı 3-cü yerdə bitirək. Kiməsə nəyisə sübut etmək istəmirik. Göstərmək istəyirik ki, Avropa Liqasında oynaya bilərik. Hər kəsin şəxsi fikri var və buna hörmətlə yanaşırıq".
 
Əmirquliyev "Səbail"in texniki qələbələr sayəsində 3-cü pilləyə yüksəldiyinə dair fikirlərə isə belə şərh edib: "Biz belə şeylərə fikir vermirik. Futbolçuların işi meydana çıxıb, layiqli oynayaraq, xal qazanmaqdır. Hər kəsin öz fikri var və buna hörmətlə yanaşırıq. Bəlkə də klub təzə yaranıb və inam yoxdur. Çalışacağıq ki, bu il avrokuboklarda çıxış edək və inam yaransın".
 
"Səbail"in futbolçusu "Neftçi" üzərində qələbə sayəsində "Qarabağ"ın şərikli lider kimi qalmasına kömək etdikləri fikri ilə razılaşmayıb: "Biz bunu düşünmürdük. “Qarabağ” özü dünən xal itirmişdi. Əsas məqsədimiz 3 xal qazanaraq, rəqiblərimizdən aralanmaq idi. Artıq 4-cü pillədəki "Qəbələ"dən 6 xal öndəyik. 3 xaldansa 6 xal irəlidə olmaq daha yaxşıdır. Amma unutmayaq ki, irəlidə çox oyun var. Növbəti tur “Sumqayıt”ı qəbul edəcəyik və sonra Qəbələyə yollanacağıq. Ona görə də arxayınlaşmaq olmaz. Hər oyuna 3 xal üçün çıxmalıyıq ki, yerimizi daha da rahatlayaq. 3-cü pillədə yer alacağımızı mövsümün əvvəllərində desəydik, bəlkə də buna heç kəs inanmazdı. Komandamıza yaxşı futbolçular qoşuldular. Çempionatda “Qarabağ”la “Neftçi” istisna olmaqla, digər komandaların səviyyələri bərabərdir. Ona görə də 3-cü yeri tutmağa inam var idi".
 
Əmirquliyev sonda Nikola Yurçeviçin Azərbaycan yığmasına baş məşqçi təyinatını da şərh edib: "Belə qərarları AFFA verir. Yəqin ki, analiz aparıblar, nə isə var ki, onu gətiriblər. Bizə yeni baş məşqçi ilə yaxşı nəticələr göstərəcəyimizə ümid etmək qalır. Ona uğurlar arzulayıram. İlk sınağımız səfərdə Xorvatiyaya qarşı olacaq. Təbii ki, görüşün favoriti Xorvatiyadır. Bu gün “Neftçi” favorit idi, lakin qalib gələn biz olduq. Düzdü, "Neftçi" Xorvatiya deyil. Amma futbolda hər şey mümkündür. Meydana çıxaraq sonadək vuruşmaq lazımdı".

 
tarix: 24-02-2019 21:30


 
Xəbər lenti
14.12.2019

01:52   Hərəyə 1 qol, 1 xal

01:38   “Lill” “Monpelye”ni məğlub yola saldı

01:26   “Hoffenhaym” doğma meydanda 4 qola üzüldü

13.12.2019

23:50  Turun açılış matçında qolsuz heç-heçə

21:56  Millimiz Türkiyə yığması ilə qarşılaşa bilər - Şenol Güneş açıqladı

21:27  “Traktor”a 1 qol bəs etdi

20:46  Avroliqada həftənin ən yaxşı oyunçusu bəlli oldu

19:15  “Sabah” “Saburtalo”ya uduzdu

18:50  “Qarabağ”dan azarkeşlərinə jest

18:41  Qumarbazları AFFA özü bəsləyirmiş

18:25  Yurgen Kloppdan yeni müqavilə

18:00  Yurçeviç: “Yenə Azərbaycanda çalışmağım mümkündür”

17:40  UEFA reytinqində irəliləmək şansı əldən çıxdı

17:21  Luis Suaresdən tarixi antirekord

17:00  İngiltərə klublarından rekord göstərici

16:41  AFFA 28 nəfəri futboldan “sildi” - Danışılmış oyunlara görə

16:21  ÇL-də həftənin ən yaxşı oyunçusu bəlli oldu

16:00  Cerrardla bağlı qərar rəsmən açıqlandı

15:40  Şota Arveladze Bakıya niyə gəlib? - Özü açıqladı

15:23  Azərbaycanlı futbolçu ayın ən yaxşısı seçildi

15:00  Avropa Liqasında son turun rəmzi komandası

14:41  “Çelsi”də yeni müqavilə

14:20  Avroliqada 1/16 finalın püşkatmasının vaxtı bilindi

14:00  Kubok duelinə 5 oyunluq seriya ilə

13:31  İcraiyyə Komitəsinin qərarları açıqlandı

13:26  “Sabah” “Levante”yə məğlub oldu

13:15  Millimizə 25 futbolçu çağırıldı

13:06  Kevin Kubemba: “Yarımfinala çıxa bilərik”

12:57  1/4 finalın hakim təyinatları açıqlandı

12:42  Paşayev 90 dəqiqə oynadı, komandası Avroliqa ilə vidalaşdı

12:36  AFFA Vüqar Məmmədi göndərdi, Obradoviçi saxladı

12:25  Yurçeviç millidən göndərildi

12:16  Əliyar Ağayevdən Avroliqa matçında 4 sarı vərəqə

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az