(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Emin Mahmudov: "Bölgə klubları olmadan..."

Emin Mahmudov: "Bölgə klubları olmadan..."

Millimizin və “Neftçi”nin yarımmüdafiəçisi Emin Mahmudov Rusiyada kifayət qədər məşhurdu. O, “Spartak”, “Krılya Sovetov”, “Tom” və “Mordoviya”da çıxış edib. 26 yaşlı yarımmüdafiəçi Portuqaliyanın “Boavişta” klubunda legioner həyatı yaşayıb.
 
Emini unutmayan news.ru saytı ondan müsahibə götürüb.
 
- Ötən mövsümdən Azərbaycanda çıxış edirsiniz. Çempionatın səviyyəsi ilə bağlı fikirləriniz necədi?
- Çempionatın səviyyəsi Rusiya və Portuqaliyadakından geridədir, lakin çox da zəif deyil. Məsələn, biz ötən mövsüm Çempionlar Liqasında, bu mövsüm isə Avropa Liqasında qrup mərhələsinə vəsiqə qazanan “Qarabağ”la çempionluq uğrunda mübarizə aparırıq.
 
- Bəs bu iki komanda ilə başqa rəqabət apara bilən klub yoxdur?
- Hesab edirəm ki, bu mövsüm əsas mübarizə bu iki komanda arasında gedəcək. Lakin bundan sonra hər oyun daha çətin keçəcək.
 
- Sizin fikirinizcə, çempionatda 8 komanda çox az deyil?
- 8 komanda, əlbəttə, kifayət deyil. Manatın dəyərini itirməsi ölkə futboluna da təsir etdi. Amma düşünürəm ki, yavaş-yavaş klubların da sayı artacaq. Bölgələrdə futbolun olması vacibdir. Bölgə klubları olmadan stadionda azarkeş sayı çox olmayacaq və istedadlar üzə çıxmayacaq.
 
- Rusiya və Azərbaycan çempionatlarını müqayisə edə bilərsinizmi? Sizcə, “Qarabağ”la “Neftçi” Rusiya Premyer Liqasında hansı yerlər uğrunda yarışa bilər?
- “Qarabağ” və “Neftçi” ikinci səkkizlikdə olarlar. Hər hansısa oyunda güclü Premyer Liqa klubunu məğlub edə bilərik. Ancaq ümumi baxsaq, Rusiya futbolu daha güclüdür. Rusiyada pul daha çoxdur və legionerlərin də ustalıq səviyyəsi yüksəkdir.
 
- Statistikalar göstərir ki, bu mövsüm az oynayırsınız. Bunun səbəbi nədir?
- Bu mövsüm az oynamağımla bağlı göstərilən statistika səhvdir (gülür). Mövsüm başlayandan zədəli kapitanımız Ruslan Abışovun əvəzinə bazubəndi mən taxıram.
 
- Uzun müddət Rusiya Premyer Liqasında çıxış etdiniz. Rusiya üçün darıxırsınız?
- Qışda, soyuqlar düşəndə və fasilə yarananda hərdən darıxıram. Amma şaxtalı havada meydana çıxmadığım üçün də çox xoşbəxtəm (gülür).
 
- “Boavişta”dan ayrıldıqdan sonra Rusiyaya qayıtmaq variantınız var idi?
- “Boavişta” ilə müqaviləyə transfer pəncərəsinin bağlanmasına bir gün qalmış xitam verdim. Düşünməyə vaxt yox idi. “Neftçi” mənimlə çoxdan maraqlanırdı, ona görə də dərhal gəlməyə qərar verdim. Həmin müddət oyun təcrübəsi qazanmaq istəyirdim.
 
- Rusiyada köhnə komanda yoldaşlarından kimlərlə münasibət saxlayırsınız?
- Hər kəslə çox ünsiyyətdə olduğumu deyə bilmərəm. Hazırda “Rubin”də oynayan İbrahim Çallaqovla əlaqəm var. Digərləri ilə vaxt olanda münasibət qururam.
 
- Səhv etmirəmsə, yaxın keçmişdə bir çox Azərbaycan klubları böyük maliyyə problemləri yaşadı. Bu məsələ indi necədir?
- Ümumiyyətlə, əvvəl dediyim kimi, Azərbaycan valyutasının çökməsindən sonra futbolda böyük problemlər yaşanıb. Buna görə də klubların sayı azaldı, əsas da bölgə təmsilçilərinin.
 
- Yaxın gələcəkdə Premyer Liqada klubların sayının artması gözlənilir?
- Mən ümid edirəm ki, yerli futbol daha da böyüyəcək. Ancaq infrastruktur yaxşı olmadan qlobal inkişafdan danışmaq çətindir. Təəssüf ki, “Qəbələ”dən başqa akademiyasına regionlardan uşaq götürəcək klub yoxdur. Hesab edirəm ki, Azərbaycan futbolunun əsas problemi budur.
 
- Azərbaycan milli komandası ilə bağlı məsələyə toxunmasam, olmaz. AÇ-2020-nin seçmə mərhələsi barədə fikirləriniz necədir?
- Qrupun çox çətin olduğu aydındır. Fikrimcə, başqa komandalarla da düşsəydik, təəssüf ki, favorit olmayacaqdıq. Yalnız hər oyunda mübarizə aparmaq, xal qazanmaq və turnir cədvəlində yuxarı yerlərə qalxmaq lazımdır. Mən başqa yol görmürəm.

 
tarix: 27-02-2019 10:44


 
Xəbər lenti
18.07.2019

01:03   1-ci təsnifat mərhələsinə yekun vuruldu - ÇL

00:12   Rəşad Sadıqov: “Qol zamanında gəldi”

17.07.2019

23:48  Tahir Gözəl: “Oyun ilk qoldan sonra başladı”

23:39  “Qarabağ” bizdən güclü olduğu üçün müdafiədən oynadıq”

23:29  Qurbanov: “Komanda hələ ən yaxşı performansından uzaqdı”

23:15  “Qarabağ” İrlandiya çempionu ilə qarşılaşacaq

23:01  “Qarabağ” avrokuboklarda 100-ə çatdı

22:52  “Qarabağ” ÇL-in ikinci təsnifat mərhələsində!

22:29  “Tottenhem”in futbolçusu rəsmən “Atletiko”da

21:55  Avropa Liqası: Gürcüstan klubu növbəti mərhələdə

21:27  Kristian Efros: “Fikrimi dəyişməmişəm”

21:09  Sənan Qurbanov Türkiyə toplanışını dəyərləndirdi

20:46  Əmirquliyev: “İçimizdə bir inam var”

20:11  Aftandil Hacıyev: “Gərək 3 qol vurub, rəqibi təəccübləndirək”

19:57  “Səbail”ə mən də qol vurmaq istəyirəm”

19:18  “Səbail”lə oyunda müdafiə olunarkən diqqətli olmalıyıq”

18:58  “Qəbələ” Türkiyədən qələbə ilə qayıdır

18:30  Premyer Liqada yay bazarlığı - YENİLƏNİR

18:22  “Zirə” növbəti transferini açıqladı

18:00  Roberto Bordin: “3:0 bizi aldatmamalıdı”

17:47  Emin Mahmudov: “Hücum futbolu göstərəcəyik”

17:14  “Vest Hem”dən rekord transfer

16:50  Hollandiya Futbolçular Birliyində ukraynalı prezident

16:25  “Qarabağ” yeni transferini rəsmən açıqladı

16:00  Mançini “Roma”da

15:37  “Sumqayıt” Rumıniya klubu ilə qarşılaşacaq

15:10  “Qarabağ”ın oyununa nə qədər bilet satılıb?

14:56  De Xea qərarını verdi

14:27  Latviya klubunda daha bir azərbaycanlı futbolçu

14:00  Premyer Liqa klubundan yeni transfer

13:42  İspan futbolçu La Liqada klubunu dəyişdi

13:21  Premyer Liqa klubunda yeni baş məşqçi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az