(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
Qara Qarayev: “Həm “Keşlə”yə, həm də meydançaya qarşı oynadıq”

Qara Qarayev: “Həm “Keşlə”yə, həm də meydançaya qarşı oynadıq”

"Qarabağ"ın futbolçusu Qara Qarayev Premyer Liqanın 19-cu turunda səfərdə "Keşlə"yə qalib gəldikləri oyundan (1:0) sonra jurnalistlərin suallarını cavablandırıb.

Futbolinfo.az xəbər verir ki, yarımmüdafiəçi əvvəlcə görüş haqda danışıb:

- Düşündüyümüz kimi oldu. Ölkə çempionatın ən ağır səfərinə hazırlaşmışdıq. Həm “Keşlə”yə, həm də meydançaya qarşı oynadıq. Çox ağır səfər idi. Şükürlər olsun ki, bunun öhdəsindən gəldik və çox vacib olan üç xalı aktivimizə yazdıq. Son zamanlar komandalar bizə qarşı daha motivasiyalı oynayır və bu da işimizi çətinə salır. Belə meydanlarda rəqibin aqressiv oynaması bizə çətinlik törədir. Yaxşı hazırlaşmışdıq və lazım olan nəticəni qazandıq.

- İkinci hissədə demək olar ki, hücum təşkil etmədiniz. Müdafiədə niyə erkən oturdunuz?
- “Keşlə” istənilən an rəqibi əks-hücumda yaxalayıb, cəzalandıra bilən komandadır. Biz də bunun ehtiyatını görmüşdük. Oyunun sonuna yaxınlaşdıqca bizim üçün vacib olan nəticəni qoruyub saxlamaq idi. Biz müdafiədən oynamağı düşünmürdük. Heç vaxt belə fikrimiz olmayıb. Sadəcə, rəqib məcbur edəndə belə alınır. Bundan sonrakı oyunlarda 90 dəqiqə müdafiə olunub, 3 xal qazanmaq mümkün olsa, bizə yetərlidir.

- Ötən tur “Qarabağ”la heç-heçə edən  “Sabah” bu tur “Neftçi”yə 0:3 hesabı ilə uduzdu.
- Başqa komandaların oyunu barədə danışmağı xoşlamıram. Bundan sonra özümə söz vermişəm ki, rəqiblər barədə danışmayacam. Onu deyim ki, “Sabah”ın bizə qarşı istəyini “Neftçi” ilə matçda görmədim. Yəqin ki, bizimlə oyundan sonra yorulublar. Digər komandalara fikrimizi ayırsaq, zirvədə qərarlaşmaq düşüncəmiz puça çevrilə bilər. Öz oyunumuzu analiz edirik.

- İlk hissənin sonunda Mahir Mədətovla Maksim Medvedev arasında fikir ayrılığı yaşanmışdı.
- Mən əslində, oyun zamanı belə şeylərin yaşanmasını xoşlayıram. Burda bir istək var. Bu, ancaq bizi sevindirir. Bizim belə şeylərimiz ancaq meydandadır. Bir-birimizə irad bildirib, düz yol göstərməyə çalışırıq. Futbolçular arasında prinsip yoxdur ki, bir-birimizə qışqıraq və kənardakılar da bunu görsün. Doğruları deyəndə bəzən aqressiv şəkildə deyilə bilər və bu da normaldı.

- Sizcə, çempionluq mübarizəsi son turda həll olunacaq?
- Xalların bərabər olması son tura aparır. Hələ 9 tur qalıb və bu da 27 xal edir. Hələ çox qalıb. 2-3 tur qalsaydı, son tura planlaşdırmaq olardı. Bəlkə də son tura lüzum qalmayacaq. Ancaq yarışın gərgin keçməsinin futbolumuz adına xeyri var. Bu da bizi sevindirir.

- Növbəti turda "Zirə" ilə qarşılaşacaqsınız. Bu oyunla bağlı fikirləriniz necədir?
- Son 4 oyunda uduzmayan komandaya qarşı oynayacağıq. Samir müəllim qış fasiləsindən sonra komandaya oyun sistemini aşılayıb. Evdə oynayacağıq. Bu yolu davam etdirmək üçün sona qədər mübarizə aparmalıyıq.

- Millimizin Xorvatiya ilə oyununa az qalıb. Sizcə, Premyer Liqaya fasilə verib, toplanış etmək olar? Çünki Xorvatiya kimi rəqiblə qarşılaşacağıq və yığmanın çalışdırıcısı Nikola Yurçeviç də futbolçuları yaxşı tanımır.
- Məncə, bizi tanıması üçün toplanış lazımdır. Biri var oyunçu barədə məlumat eşidəsən, biri də var futbolçunu məşqdə görəsən. Bunlara yeni baş məşqçi qərar verəcək. Əgər toplanış olacaqsa, biz sevə-sevə gedəcəyik. Yeni baş məşqçinin bizdən nə istədiyini bilmək üçün toplanış yaxşı olardı. Çox ağır səfərə gedəcəyik.


 
tarix: 04-03-2019 09:00


 
Xəbər lenti
16.10.2019

01:28   Cənubi Koreya yığması 29 il sonra Şimali Koreyada oyuna çıxdı

00:53   İspaniya AÇ-2020-də!

00:25   Millimiz İsveçrəyə belə uduzdu - VİDEO

00:14   Azərbaycan - İsveçrə oyununda yanğın

00:09   “Neftçi” məşqləri bərpa etdi

00:01   Mircavadovun Dadaşlinski imtahanı - VİDEO

15.10.2019

23:53  Federasiya prezidenti istefa verdi

22:48  Obradoviç: “Düzələsi çox şey var”

22:23  “Daha çox qol vura bilərdik, amma heç-heçə də ədalətli olardı”

21:51  Millimiz İsveçrəyə Sumqayıtda uduzdu

20:37  Çempionlar Liqasının finalı İstanbuldan alına bilər

19:49  İbrahimoviç “ən yaxşı” adına namizədlər arasında

19:20  UEFA Türkiyəyə qarşı intizam işi açdı

19:00  Millimiz San Marinoya qalib gəldi

18:41  Tovuzda və Gəncədə danışılmış oyunlarla bağlı seminar keçirildi

18:24  Narkotik alverçisi olan sabiq futbolçu ABŞ-a təhvil verilir

18:00  Milli karyerasını başa vurdu

17:42  35 ildən sonra…

17:20  Elita hakimləri Divizion oyunlarına təyinat aldı

17:00  Premyer Liqada 8-ci turun hakim təyinatları

16:41  “Hansısa komanda uduzan kimi 2-3 pillə aşağı düşür” - Alxasov

16:27  Riçard Qadze: “Yenidən evimə qayıtdım”

16:08  İvan Rakitiç: “Azərbaycanla heç-heçədən sonra...”

15:44  Fransızların tələbi: UEFA Türkiyəyə sanksiya tətbiq etsin

15:26  Millimizin lideri - Ramil Şeydayev!

15:01  UEFA “Qarabağ”a 1 milyon 140 min avro ödədi

14:42  Premyer Liqanın 8-ci turu rəqəmlərin gözü ilə

14:21  AFFA hakimi söyən futbolçuları cəzalandırdı

14:00  Şenol Güneş: “Bunu Makrondan, Trampdan soruşun”

13:42  Millinin Macarıstanla oyunu “Bol idman”da müzakirə edildi - VİDEO

13:30  Uçurumun dibində: 1/3-i bir adama ayrılan büdcə

13:17  Ronaldo 700-cü qoluna imza atdı: “Rekordlar özü məni tapır”

12:43  “Azərbaycan insanların düşündüyündən güclüdü”

12:21  Millimiz San Marino ilə üz-üzə

12:07  AÇ-2020-nin oyununda “meymun səsləri”

11:48  Türkiyə millisi Fransadan səfərdə də xal aldı - VİDEO

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az