(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
AFFA-nın 26-cı Konfransı - FOTOLAR

AFFA-nın 26-cı Konfransı - FOTOLAR

Bu gün “Hilton” otelində Azərbaycan Futbol Federasiyaları Assosiasiyasının 26-cı növbəti Konfransı keçirilib.

Futbolinfo.az xəbər verir ki, əvvəlcə UEFA Avropa Liqasının elementlərini əks etdirən, Bakının görməli yerlərində çəkilmiş top janqlyorlarının məharətini göstərən videoçarx nümayiş etdirilib.

AFFA-nın prezidenti Rövnəq Abdullayev Konfransı açaraq konfrans nümayəndələrini, qonaqları və KİV əməkdaşlarını salamlayıb: 

“Hörmətli Konfrans iştirakçıları, hörmətli FIFA və UEFA nümayəndələri, hörmətli qonaqlar!

AFFA-nın növbəti Hesabat Konfransında hər birinizi salamlayıram.

Hesabat dövrü ərzində futbolun inkişafı məqsədilə həyata keçirilən layihələr davam etdirilib. İlk növbədə, futbol ictimaiyyəti adından Respublika Prezidenti cənab İlham Əliyevə bir daha təşəkkür etmək istərdim. Bu il Bakıda təşkil olunacaq UEFA Avropa Liqasının final oyununun layiqincə keçirilməsini təmin etmək üçün cənab Prezidentin imzaladığı Sərəncam hazırlıq prosesinin gedişinə əlverişli şərait yaradır. Uğurlu nəticələrdən danışarkən, U-19 millimizin Avropa çempionatının elit-raund mərhələsinə yüksəlməsini qeyd etmək olar. UEFA Avropa Liqasının final oyununa hazırlıq çərçivəsində müxtəlif maraqlı layihələr həyata keçirildi. “Qarabağ” klubu növbəti dəfə Avropa Liqasının qrup mərhələsinə yüksəlməyi bacardı. Təəssüf ki, milli komandamız UEFA Millətlər Liqasında uğursuz çıxış etdi. Son turda məğlub olaraq növbəti mərhələyə vəsiqə qazana bilmədi. Bildiyiniz kimi, Azərbaycan milli komandasının baş məşqçisi vəzifəsində dəyişiklik baş verdi. Yeni təyinat alan Nikola Yurçeviçə millinin baş məşqçisi vəzifəsində uğurlar arzu edirik. Sadaladığım bütün məsələlər, eləcə də digər  mövzular barədə Konfransın gedişində ətraflı məlumat alacaqsınız”.

Konfransda iştirak edən Gənclər və İdman naziri çıxışında bildirib: “İlk növbədə, AFFA-nın növbəti Konfransında hər birinizi salamlayır və Konfransın işinə uğurlar arzulayıram!

Azərbaycanda idmana və idmançılara böyük diqqət və qayğı göstərilməsi, ölkəmizdə idmanın bütün növlərinin inkişafı hər zaman dövlət siyasətinin tərkib hissəsi olub. Respublika Prezidenti cənab İlham Əliyevin idman sahəsinə xüsusi diqqətlə yanaşması, bu istiqamətdə məqsədyönlü siyasəti nəticəsində Azərbaycan respublikası beynəlxalq aləmdə idman ölkəsi kimi tanınır. Təsadüfi deyil ki, Bakıda və respublikamızın bölgələrində müxtəlif mötəbər beynəlxalq turnirlər, dünya və Avropa çempionatları keçirilir. Təbii ki, futbol da ən populyar idman növlərindən biri olaraq, bu prosesdən kənarda qalmır. Təkcə bu faktı qeyd etmək kifayət edər ki, bu il mayın 29-da Bakı Olimpiya Stadionunda UEFA Avropa Liqasının final oyunu keçiriləcək. 2020-ci ildə isə bu möhtəşəm arena Avropa çempionatının 4 oyununa ev sahibliyi edəcək. Bir qədər sonra biz AFFA-nın illik hesabatı ilə tanış olacağıq. Amma mən bir neçə vacib faktı diqqətinizə çatdırmaq istərdim. Bu gün AFFA futbolun kütləviliyinin artırılması istiqamətində böyük işlər görür. Bu proses təkcə futbolun inkişafı deyil, həm də əhalinin bütün təbəqələrinin sağlam həyat tərzinə istiqamətləndirilməsi baxımından vacibdir. Müxtəlif yaş qruplarından ibarət uşaq komandaları üçün mütəmadi liqalar təşkil olunur, uşaq, yeniyetmə və gənclər il boyu futbol oynamaq imkanı əldə edir. Kütləviliklə bağlı daha bir vacib məqam ondan ibarətdir ki, AFFA belə tədbirləri təkcə paytaxtda təşkil etmir, bölgələrdə, xüsusilə də, cəbhə xəttinə yaxın ərazilərdə turnirlər və festivallar keçirilir. Cəbrayıl rayonunun işğaldan azad olunmuş Cocuq Mərcanlı qəsəbəsində, Füzuli rayonundakı “Qayıdış” qəsəbəsində keçirilmiş “Cəsur ürəklər” futbol festivalları bu baxımdan xüsusi əhəmiyyət daşıyır. AFFA Cocuq Mərcanlı qəsəbəsində süni örtüklü futbol meydançası da inşa etdirərək qəsəbə sakinlərinin ixtiyarına verib. Ümumiyyətlə, ölkəmizdə futbol infrastrukturunun inkişafı ilə bağlı böyük işlər görülməkdədir. Çıxışımın sonunda AFFA-ya, ölkəmizin futbol ictimaiyyətinə uğurlar arzulayıram. Ümidvaram və əminəm ki, mayın 29-da Bakı Olimpiya Stadionunda keçiriləcək UEFA Avropa Liqasının final oyunu uğurla təşkil olunacaq və ölkımizin idman tarixində özünəməxsus yer tutacaq.

Diqqətiniz üçün təşəkkür edirəm!”

Sonra hesabat dövrü ilə bağlı videoçarx nümayiş olunub. Ardınca baş katib Elxan Məmmədov hesabat məruzəsi ilə çıxış edib. Çıxışın sonunda dünya şöhrətli futbol ulduzu, portuqaliyalı Dekunu mərkəzə dəvət olunub. Deku bu il mayın 29-da final oyunu Bakı Olimpiya Stadionunda keçiriləcək UEFA Avropa Liqası turnirinin kubokunu ictimaiyyətə təqdim edib.

Daha sonra AFFA-nın Maliyyə və Mühasibatlıq Departamentinin müdiri Xalid Cavadov, ardınca isə müstəqil audit Ülvi Həsənov hesabatlarını səsləndirib.

AFFA ilə “Aquq Vita” şirkəti arasında əməkdaşlığın 10 illiyi münasibətilə AFFA-nın prezidenti Rövnəq Abdullayev “Aquq Vita” şirkətinin nümayəndəsi Fəxri Abbasova xüsusi hədiyyə təqdim edib.

Uşaq futbolunda aqressiya, futbolla məşğul olan uşaqların oyunlarına valideynləri tərəfindən yersiz müdaxilələrin fəsadlarını əks etdirən sosial yönümlü 2 videoçarx nümayiş olunub.

Konfransda iştirak edən FIFA nümayəndəsi Byorn Vassala çıxış edib.

Martın 3-də Bakıdakı Nizami Gəncəvi adına Milli Azərbaycan Ədəbiyyatı Muzeyinin qarşısında keçirilmiş “Bakı 2019: Ulduzlar Finalı” adlı şou xarakterli oyundan hazırlanmış videoçarx nümayiş etdirildikdən sonra Konfrans öz işini yekunlaşdırıb.

Konfransdan sonra İcraiyyə Komitəsinin iclası, ardınca isə AFFA-nın baş katibi Elxan Məmmədovun iştirakı ilə mətbuat konfransı keçirilib.

 


 
tarix: 04-03-2019 15:49


 
Xəbər lenti
24.07.2019

10:31   Gəncə veteranları Vahabzadəyə qarşı: “5 turdan sonra təhqir olunub Gəncədən gedəcəksən”

10:24   “Barselona”dan ayrıldı, PSJ-yə üz tutdu

10:14   Başverənlərin “Hədiyyə Essyen”ə dəxli yoxdu

10:00   Mirbağır İsayev təyinatı üçün istefanı gözləyir

09:44   Premyer Liqa klubundan rekord transfer

09:30   Hazardın forma nömrəsi ona “miras” qaldı

09:21   “Qarabağ” İrlandiya klubuna qarşı - YENİLƏNİR

09:12   Millimizin futbolçusundan İngiltərə klubunda dubl

09:00   “Səbail”in çöküşünün pərdəarxası

00:48   Avropa Liqası: “Astana” yenə qələbəyə həsrət qaldı

00:20   Çempionlar Liqası: PSV-dən çətin qələbə

23.07.2019

23:31  “Futbolçulardan istədiklərimi tam ala bilmədim” - Samir Abbasov

23:02  Vinni Pert: “Qarabağ”la oyunda səbirli olmalıyıq”

22:44  “Qəbələ” “Dinamo” ilə oyuna doğma meydanda hazırlaşır

22:04  Qurban Qurbanov: “İndi bu haqda fikirləşməyə vaxtımız yoxdu”

21:20  AFFA “Səbail”i dağıtmağı qərara aldı: bütün futbolçulara getməyə icazə verildi

20:55  “Qəbələ” - “Dinamo” matçı 1 manata

20:40  Ağdama 10 il öncə yaxınlaşdığımız 26 illik uzaqlıq

20:26  Zidan: “Beylə hörmətsizlik etməmişəm”

20:12  Hacıyev “Səbail”lə bağlı bütün məqamları aydınlatdı: “Essyeni fasilədə əvəz etməli idim”

19:49  “Zirə”dən Rumıniya klubu ilə heç-heçə

19:00  “Milan”dan “Monako”ya 25 milyon avroluq keçid

18:30  “Atletiko”dan ayrılan futbolçu rəsmən “Flamenqo”da

18:00  “Qəbələ” önündə şansımız yüksəkdi”

17:43  “Neftçi”dən “Zirə”yə 8 qol

17:31  “Səbail”də toplanış dərdi: “Maliyyə ilə bağlı problemlərimiz var”

17:21  “Neftçi”nin hər iki oyunu canlı yayımda

17:10  Rzayev susduruldu, Vahabzadəylə Alxasov yenə cütləşdi

17:00  “Borussiya”nın yetirməsi Super Liqa klubunda

16:42  İbrahimoviçi cəza gözləyir - Rəqibinin sümüyünü sındırıb

16:20  “Dandalk” - “Qarabağ” matçı canlı yayımda

16:00  “Dandalk”ın baş məşqçisi: “Qarabağ” “Riqa” deyil”

15:41  “Kəpəz”ə yeni baş məşqçi təyin olundu - RƏSMİ

15:22  “Qarabağ”ın cavab oyunu norveçlilərə tapşırıldı

15:00  Azərbaycan millisinin üzvü Qazaxıstan klubunda

14:41  Millimiz Macarıstana qalib gəldi

14:20  Berdıyev Şeydayevin baş məşqçisi ola bilər

14:00  “Barselona”nın sabiq üzvü Braziliya klubunda

13:40  Fransa millisinin üzvü La Liqa klubunda

13:20  Əvvəlcə “Dinamo”nun baş məşqçisi, sonra Qurbanov

13:00  “Arsenal” “Neftçi” üçün 22 futbolçu sifariş etdi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az