(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
Konfransda plan hesabatı, məzhəkəli tamaşa

Konfransda plan hesabatı, məzhəkəli tamaşa

AFFA-nın daha bir Hesabat Konfransı baş tutdu. Nəyin hesabatını kimə verdiklərini yalnız özləri bildi. 2018-də olduqca çox vacib hadisə baş versə də, hər şeyi kiçik bir qovluğa yerləşdirdilər, əməllərini qanuniləşdirib, rəsmiləşdirdilər, arxivə atdılar. Beləcə son 10 ildə olduğu kimi, yenə müsbətyönümlü heç bir iş görmədən daha bir ili “müsbət”lə möhürlədilər.
 
Ölkə futbolu hər il bir addım geri atır. Klub sayı azalır, istedadlar yetişmir, azarkeşlər tribunlardan çəkilir, bölgələrdə top oyunu yaddan çıxır, AFFA isə bəh-bəhlə danışmağa nəsə tapır. Futbolun meyiti ortadadı, gül-çiçəkli məzarından, mərmər başdaşından bəhs edirik.
 
Sovxoz-kolxoz dövrünün plan idarəçiliyinə bənzəyirdi budəfəki konfrans. Ət planı dolub – Ura; yun planı artıqlamasıyla verilib – Ura; süd planı ikiqat yerinə yetirilib – Ura! Ətin mənşəyi, yunun keyfiyyəti, südün qatqısı sonra üzə çıxacaq. İndi əsas məsələ planı doldurmaqdı.
 
Ardınca İcraiyyə Komitəsinin iclası baş tutdu. Yenə eyni ssenari. Növbəti il və illər üçün plan müəyyənləşdi. Pambıq yığımından yayınanlara 100 min manat cərimə, fədakarlıqla çalışanlara 50 min mükafat. “Qızıl Bayraq” kolxozuna çatmaq üçün VAR sisteminin tətbiqi. İnsanların asudə vaxtının səmərəli təşkili üçün Tovuz “mədəniyyət sarayı”nın kənd zəhmətkeşlərinin ixtiyarına verilməsi və s.
 
Bir nəfər də bunlardan hesab soruşmur ki, Tovuzda akademiya açmaq indimi yadınıza düşdü? Rəşad Sadıqovun özünün reallaşdırmasına imkan vermədiyiniz bu ideyası işinizə yaradı yəqin. Bəs, 10 ildi nə işlə məşğul idiz? Yoxsa ölkə futbolunda 2018 üçün müsbət heç nə tapa bilmədiyinizdən baş qatmaq üçün bu addıma məcbur olduz?
 
Baş katib Elxan Məmmədov briqadir Qədir kimi danışırdı. Artıq nitqində sərhəd qoymur, hüquqi ünvanla bağlı məsələdə istehzayla İK üzvlərinə “istəsəz də, istəməsəz də dəyişəcəyik” deyir. Özünü ağa kimi aparır, klubları yükləyir, onlardan hesabat istəyir.
 
Məmmədovun belə meydan sulamasının səbəbi var. O, özünə rəqib görmür, sağlam qüvvələrin hamısını məkrli himayədarlarının sayəsində sıradan çıxarıb, ətrafında sözəbaxan, nüfuzsuz futbol adamlarını saxlayıb, bu diliqısaların yanında söz sahibidi. Konfrans bitən kimi stollara düzülən suvenir topların 6-7-ni qucaqlayıb konfrans salonunu tərk edən Şakir Qəribov, xüsusi çantada belinə şələləyən Nazim Süleymanov özünə hörmət etmirsə, Məmmədov niyə onlara hörmət etsin?
 
Konfrans deyildi, kukla teatrı idi. Elxan bəy iplərini çəkib hamısını oynadır, öz mahnısını oxudurdu. Futbolumuz üçün tragik əsər oynanmalı olan səhnədə məzhəkəli tamaşa...
 
CAVAD

 
tarix: 04-03-2019 21:10


 
Xəbər lenti
15.10.2019

01:20   Millimiz İsveçrəyə qarşı - YENİLƏNİR

00:46   Ukrayna AÇ-2020-də, Türkiyədən Fransa ilə heç-heçə

14.10.2019

23:45  “Qarabağ”ın legioneri sıradan çıxdı

20:04  Azər Bağırov “Qəbələ”də - RƏSMİ

19:48  Rudi Qarsiya rəsmən Lion “Olimpik”ində

18:30  Millimizin rəqibinin heyəti açıqlandı

18:00  “Bəlkə də, ömrümün sonuna qədər bunun peşmançılığını çəkəcəm” – Rəşad Sadıqov

17:42  Lion “Olimpik”ində yeni baş məşqçi

17:21  Təsəllin mübarək, AFFA!

17:00  “Qalatasaray”ın sabiq futbolçusu karyerasını başa vurdu

16:40  FIFA referimiz “Yuventus”un oyununda

16:22  Azərbaycanlı azarkeşlərdən etiraz aksiyası: “Xalımızı geri qaytarın”

16:11  Mançininin taleyinə aydınlıq gəldi

15:50  Millimizin rəqiblərindən heç-heçə - VİDEO

15:40  Sadıqov da etiraz etdi: "Daha bu qədər də haqsızlıq olmaz!" - FOTO

15:31  Uçurumun dibində: 2019-da millilərimiz 67 oyuna cəmi 8 qələbə görüb

15:22  "Hiqler Azərbaycan millisini "dəfn etdi" - Avropa mətbuatı

15:06  Fiasko...

14:41  Adı “Sabah”la hallanan məşqçi Polşa klubunu çalışdıra bilər

14:05  Fransa - Türkiyə matçında 40 min türk

13:48  Messi və Aquero yığmaya nə vaxt qayıdacaq?

13:27  “Qarabağ”da aprel şəhidlərinin övladlarıyla 1 gün - VİDEO

13:02  “Əsas odu ki, hələ sağıq”

12:43  Millimizin rəqibi Paraqvayla bacarmadı

12:24  Beyl Azərbaycanla oyunu buraxa bilər

12:01  Rusiya yığmasından Kiprə 5 cavabsız qol - VİDEO

11:45  Bəhlul Mustafazadə: “Top 100 faiz əlimə dəyməmişdi”

11:30  Uels yığması Bakıya itki ilə gələcək

11:15  İtaliya yığmasında itki

11:00  “Dua edirdim ki, hər hansı səbəbdən qol sayılmasın”

10:44  “Qol sayılmayıbsa, buna görə biz üzr istəyəsi deyilik”

10:30  Cavid Hüseynov: “Bu, onsuz da həmişə belə olub”

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az