(+994) 050 678 37 80
(+994) 070 534 65 52

qaynar xətt

Natiq Muxtarlı
Tahir Süleymanov
Etibar Cəbrayıloğlu
Məmmədovun şəffaf rəqəmləri və istehzalı nitqi

Məmmədovun şəffaf rəqəmləri və istehzalı nitqi

“Azərbaycanda uşaq futbolu yoxdu deyənlərin bu sahədən xəbəri yoxdu” – bu sözlər AFFA-nın baş katibi Elxan Məmmədova məxsusdu. O, fikirlərini hər həftə 245 oyunun təşkil olunması ilə əsaslandırır: “Müxtəlif bölgələrdə həftəsonu oyunların şahidi olursunuz. Bu matçlarda 4225 uşaq iştirak edir. Həmin qarşılaşmaların ümumi xərcinin 74 faizini AFFA çəkir. Bunlara sosial məsuliyyət daşıyırıq. Amma problemlər də var".
 
Elxan bəy hələ az deyib. “PlayStation” salonlarındakı oyunları, dost-tanışın hər həftə yığışıb oynadığı “dır-dır”ları da saymalıydı. O zaman rəqəmlər daha təmtəraqlı görünərdi.
 
Məmmədov “Azərbaycanda uşaq futbolu yoxdu deyənlərin bu sahədən xəbəri yoxdu” deməklə azarkeşləri də təhqir edir. Çünki bunu bir həftə öncə 200-dən çox azarkeş “CBC Sport”un canlı efirində qonaq olan baş katibə sual ünvanlayarkən demişdi. İllərdi mətbuat, futbol ictimaiyyəti, mütəxəssislər də bu barədə danışır. Bəli, onların bu sahədən xəbəri yoxdu, olsaydı, siz 11 il Azərbaycan futbolunun başında dəlləklik etməz, ortada təkbaşına at oynatmazdız.
 
Baş katib o qədər həddi keçib ki, artıq futbol adamları ilə məzələnir. Dünənki konfransda çıxışı zamanı PRO, A, B və C kateqoriyası almaq üçün 1500-ə yaxın mütəxəssisin müraciət etməsinə baxmayaraq, bunların yarısınıdan çoxunun imtahandan keçə bilməməsini xüsusi vurğulayır. Düz deyir, amma bəs sizin diplom verdikləriniz nəyə yarayır? Ölkədə milli komandalara layiq məşqçilər yoxdusa, uşaq futbolunda istedadlar üzə çıxarılmırsa, 574 məşqçiyə necə diplom vermisiz? Onlar hansı işlə məşğuldu?
 
Məmmədov şanssızlıq və əzmkarlığın çatmaması üzündən Azərbaycan millisinin UEFA Millətlər Liqasının pley-off mərhələsinə yüksələ bilmədiyini deyir. Buradan belə anlaşılır ki, məşqçilərdə günah yoxdu. O zaman əzmkarlığın artırılmasına çalışardız, növbəti dəfə bəxtə möhtac olmamaq üçün səy göstərərdiz, daha məşqçilər heyətini dəyişmək nəyə lazım idi? Nikola Yurçeviç, Milan Obradoviç və başqaları Balkanlardan bəxt və əzmkarlıq gətiribmi? Bəlkə səbəb ölkə futbolunun düzgün idarə edilməməsi və layiqli kadrların üzə çıxarılmamasıdı?
 
8 komandanın iştirak etdiyi Azərbaycan Premyer Liqasında əsl mübarizənin getdiyini deyən AFFA rəsmisi, komanda sayının artmasının tərəfdarı olduqlarını bildirib: “Biz də istərdik ki, 10 komanda olsun, amma güclülər çıxış etsin. Klubların maliyyə mənbələri bilinsin, şəffaflıq təmin olunsun. Klublar AFFA kimi şəffaf olsunlar, maliyyə mənbələrini ictimaiyyətə göstərsinlər. Premyer Liqada iştirak üçün 2 milyon manat lazımdı. Bunun 25 faizini (500 min manat) klublardan zəmanət kimi tələb edirik. Bu, UEFA və FIFA-nın tələbidir. Bununla çempionatımızı və klublarımızı sığortalayırıq. Bu, klubu çempionatın gedişatında müflis olmaqdan qoruyur. Əsas məsələ şəffaflığın təmin olunmasıdı. Konfransdan dərhal sonra rəsmi saytımızda maliyyə hesabatımız dərc olunacaq. Çox istərdik ki, klublarımız da oxşar şəffaflığı təmin etsinlər”.
 
Maraqlı mövzudu. Şəffaflıqdan danışarkən Mikayıl Nərimanoğlunun “Kəpəz”dən oğurladıqlarını nəzərdə tutur yəqin. “Kəpəz”in buna görə diviziona düşməsini də unutmaz. “Keşlə”nin Müşahidə Şurasının sədri Zaur Axundovun bu çıxışı dinləyərkən necə qaş-qabaqlı oturduğunu görərdiz kaş. Hamısı AFFA klubları, hamısı da şəffaf... Özləri yeyib, özləri silir.
 
AĞA

 
tarix: 05-03-2019 09:00


 
Xəbər lenti
27.03.2019

01:50   İspaniyadan inamlı qələbə, İtaliyadan darmadağın

26.03.2019

23:37  Əliyev “Lokomotiv”ə qarşı 23 dəqiqə oynadı

21:44  Vüqar Məmməd: “Turniri belə bitirməməliydik”

20:42  İspaniya yığmasında baş məşqçi şoku

19:54  Millimiz Rumıniyaya da böyük hesabla uduzdu

17:26  “Neftçi” “Keşlə" ilə oyuna 3 əskiklə hazırlaşır

16:31  Birinci Divizionda 20-ci turun bütün təyinatları

16:12  Premyer Liqada 22-ci turun hakim təyinatları açıqlandı

15:54  “Qarabağ”lını məyus etdi, tarixə düşdü

15:20  Azərbaycan - Kipr matçının hakimləri açıqlandı

14:53  Kapitandan rekord

14:31  Atipik futbol - VİDEO

14:15  “Qəbələ” - “Sumqayıt” matçında 3 qol - VİDEO

13:47  Sulşerin təyinatı təsdiqlənəcək

13:25  Milyon avroluq heç-heçə

13:18  Ronaldo narahat deyil: “Öz bədənimi tanıyıram”

13:00  Azərbaycan millisində növbəti forma biabırçılığı

12:18  Bir yalanın izi ilə

12:11  Düzələcək?

12:01  231-ci futbolçu

11:53  Eddi üçün “yaxşı oğlan”

11:44  Albaniyadan Andorraya 3 cavabsız qol - VİDEO

11:32  Ukraynadan Lüksemburqda çətin qələbə - VİDEO

11:23  Təmkin təmkin istəyir: “Hamını büdrətməyə çalışacağıq”

11:12  Qara Qarayev: “Nə desəm, bəhanə kimi görünəcək”

11:00  Portuqaliya - Serbiya maçında heç-heçə - VİDEO

10:47  Aqolli rəsmən ABŞ klubunda

10:31  “Qarabağ”ın futbolçusu üçün 90 dəqiqə və 1 xal - VİDEO

10:00  Fransadan “Qarabağ”ın qapıçısına 4 qol - VİDEO

09:30  İngiltərə 3 xalı 5 qolla qazandı - VİDEO

02:53  Uruqvaydan darmadağın, Çin uduzdu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az