(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
AFFA ümid edir: 2 milyon manatlıq büdcə...

AFFA ümid edir: 2 milyon manatlıq büdcə...

Topaz Premyer Liqasının növbəti mövsümündə neçə komandanın iştirak edəcəyi təkcə AFFA-dan asılı deyil. Maliyyə problemlərinin həlli üçün daha ciddi addımlara ehtiyac var. Hətta vergi güzəştləri ilə bağlı yenilik də iş adamlarının top oyununa marağını artırmayacaq. Bu sahəyə daha böyük güzəşt, daha çox diqqət lazımdı.
 
AFFA indi daha çox Avropa Liqasının finalı ərəfəsində ölkə rəhbərliyindən növbəti addımı gözləyir. Yeni dövlət proqramının qəbul olunması yubanır və nəhayət, indi buzların əriyəcəyinə ümid edilir.
 
Təbii ki, 2005-15-ci illəri əhatə edən ilk proqram lazımınca yerinə yetirilsəydi, futbola axan milyonlardan səmərəli istifadə edilsəydi, bu qədər fasilə yaranmazdı. Amma vəsait havaya sovrulduğundan, üstəlik, iqtisadi çətinliklər baş qaldırdığından yeni proqram yubandı, layihə dəfələrlə geri qaytarıldı.
 
İndi isə ümid yaranıb. Dövlət başçısının AL kubokunun Bakıya gətirilmə mərasimində ulduzların oyununu izləməsi, üstəlik, mötəbər oyun öncəsi yeniliyə ehtiyac olması proqramın qəbul edilməsinə ümidi artırıb. AFFA-nın baş katibi Elxan Məmmədovun son Hesabat Konfransında xüsusi vurğuyla “klublara illik 2 milyon manat büdcə lazımdı” deməsi də təsadüf deyildi. Yeni proqrama görə, Premyer Liqa klublarına dövlətdən məhz bu qədər vəsait ayrılması nəzərdə tutulub, yalnız təsdiqlənməsi qalıb.
 
Düzdü, ölkə başçısı futboldakı durumdan o qədər də razı deyil. O, adətən qatıldığı bütün tədbirlərdə nitq söyləyir, açıqlama verir. Amma görünür, futboldakı durumdan razı deyil ki, bu dəfə yalnız oyunu izlədi və bir neçə nəfərlə görüşməklə kifayətləndi. Jurnalistlərin də tədbirdə kənar tutulması təsadüf deyildi.
 
Lakin AFFA yenə də ümid edir və bütün planları məhz AL finalından sonraya saxlayır. Yeni dövlət proqramı qəbul edilsə, Premyer Liqada klub sayı artacaq, əks halda, indiki durum davam edəcək. Lisenziya üçün təkcə “Turan Tovuz”un müraciət etməsi də heç nəyi dəyişmir. Qərar verilsə, bir sıra divizion klublarına diqqət artırılacaq, onların elitaya gəlməsinə şərait yaradılacaq. Lisenziyayla bağlı problemlər isə elə İcraiyyə Komitəsinin xüsusi qərarı ilə yoluna qoyulacaq.
 
Hələlik yalnız Tovuz klubu Premyer Liqaya hazırlanır. AFFA elitanı tərk edəcək sonuncu pillənin sahibini əvəz etmək üçün bu komandanın problemlərini yoluna qoymağa çalışır. “Kəpəz”ə də güzəşt edilməsi mümkündü, amma bu, yalnız Premyer Liqada son pilləni kimin tutmasından asılı olacaq. “Sumqayıt” düşdüyü quyudan çıxa bilməsə, AFFA onu xilas etmək üçün 10 komandalı yarışa qərar verə və 2 qərb klubunu yarışa gətirə bilər. “Keşlə” və ya “Zirə” sonuncu olsa, vəziyyət dəyişəcək. Xüsusilə tam olaraq AFFA-dan maliyyələşən “Keşlə” heç kimə sərfəli deyil. Assosiasiya paytaxt klubuna ayırdığı pulu məmnuniyyətlə, bölgə komandalarından birinə yönəltməyə hazırdı.
 
AĞA

 
tarix: 06-03-2019 10:32


 
Xəbər lenti
21.10.2019

01:28   Aftandil Hacıyev: “Xal itkisi limitini doldurmuşuq”

01:11   Marsel “Olimpik”indən inamlı, “Monako”dan çətin qələbə

00:58   “Qarabağ”ın rəqibinə 1 qol bəs etdi

00:47   “İnter” qalib gəldi, “Milan” yenə xal itirdi

20.10.2019

23:44  Təbriz klubu evdə məğlub oldu

23:23  Paşayev Kiyev “Dinamo”suna qarşı 90 dəqiqə oynadı

23:00  “Beşiktaş”ın yeni prezidenti bəlli oldu

22:47  Şeydayev ehtiyatda qaldı, “Dinamo”...

22:35  “Fənərbaxça” səfərdən 3 xalla döndü

22:17  Ayxan Abbasov: “Bizə ancaq qələbə lazım idi”

22:07  “Səbail”in ardıcıl üçüncü məğlubiyyəti - VİDEO

21:58  Meydan sahiblərinin günü

21:50  Lənkəranda kütləvi dava: azarkeşlər “Kəpəz”in futbolçusunu döydü

21:43  “Liverpul”u dayandıran tapıldı

21:24  “Zirə” “Neftçi”yə, “Səbail” “Sumqayıt”a uduzdu

20:53  “Çempionluq uğrunda sonadək mübarizə aparacağıq”

20:38  “Qarabağ”ın rəqibi səfərdə uduzdu

19:50  Zaur Həşimovlu “Zirə”nin siftəsi: 0:3 - VİDEO

19:27  Roberto Bordin: “Öz evimizin içinə baxmalıyıq”

19:15  “Bu hesab mənim işimə mənfi təsir göstərməyəcək”

18:25  İsrafilov üçün 90 dəqiqə və 3 xal

17:55  Millimiz Norveçə də böyük hesabla məğlub oldu

17:22  Emil Balayevli “Tobol” evdə uduzdu - VİDEO

17:06  “Sumqayıt”la oyuna 4 itki ilə

16:42  Nəbiyevli “Slaviya”dan səfərdə inamlı qələbə

16:20  Serhatın komandasından çətin qələbə

15:50  “Napoli”dən inamlı qələbə - VİDEO

15:33  Hərəyə 3 qol, 1 xal - VİDEO

15:15  Əliyevli “Ximki” səfərdən xalsız döndü

15:04  “Yuventus”dan çətin qələbə - VİDEO

14:55  “Çelsi”yə 1 qol bəs etdi - VİDEO

14:33  Ayaz oynamadı, “Spartak” yenə xal itirdi

14:15  “Mançester Siti”dən inamlı qələbə - VİDEO

13:54  Xəlilzadə üçün təmkinli qərar

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az