(+994) 050 678 37 80
(+994) 070 534 65 52

qaynar xətt

Cavad
Natiq Muxtarlı
Tahir Süleymanov
“Azərbaycanda mənimlə daha iki klub maraqlanırdı”

“Azərbaycanda mənimlə daha iki klub maraqlanırdı”

“Səbail”in bu qış heyətinə qatdığı hücumçu Oke Akpoveta klubun rəsmi saytına müsahibə verib.

Futbolinfo.az sizi həmin müsahibə ilə tanış edir:

– 2011-ci ildən bu yana karyeranız Skandinaviya klubları ilə bağlı olub. Orada uzun müddət çıxış etməyiniz nə ilə bağlıdır?
– Peşəkar karyerama Nigeriyada başladım. Hələ gənc ikən Norveçə getdim. “Lil Strong” klubuna baxışa dəvət etdilər. Baxışda oldum və bir neçə gün məq etdim. Sonra agentim Danimarkanın “Brondbü” klubuna gətirdi, bir müddət məşqlər keçdim və 4 illik müqavilə bağladım. Lakin müqavilə imzaladıqdan 3 həftə sonra zədələndim. Müalicədən sonra əsas komandaya qayıtmaq çətin oldu. Klubla qarşılıqlı razılığa gələrək müqaviləmi pozdum. Ondan sonra mənə “Rəvan”dan təklif gəldi, 5 aydan çox orada oynadım. Öz üzərimdə çox çalışırdım. “Rəvan”dan sonra mənə bəzi klublardan təkliflər gəlsə də –bunların arasında “İnter (Bakı)”, “Xəzər Lənkəran”, “Neftçi” klubları da var idi – mən və agentim düşündük ki, digər Avropa klublarının təkliflərinə baxaq. 22 yaşım var idi və Danimarkanın 2-ci liqasında oynayan “Bronsoy” klubu ilə ilyarımlıq müqavilə imzaladım. Bir il orada oynadım və bombardir oldum. Sonra “Linqbi” komandasına keçdim. Əvvəlcə işlərim çox yaxşı gedirdi, amma sonra oynamaq şansım az olduğundan agentimlə belə qərara gəldik ki, icarə əsasında İsveçin “Frej” klubuna keçim. “Frej”də karyeramın bəlkə də ən yaxşı dövrünü keçirdim. Liqanın bombardiri oldum. 13 oyunda 12 qol, 7 qol ötürməsi… “Linqbi” ilə müqaviləm bitdi və azad oyunçu olaraq, “Dalkurt” klubuna keçdim. “Dalkurt”la 2,5 illlik müqavilə bağladım. Lakin 5 ay burada oynadıqdan sonra “Elfsborq” mənimlə maraqlandı və 5 günlük baxışa dəvət etdi. 3 günlük baxışdan sonra məşqçi heyəti məni çox bəyəndiklərini, transfer üçün nə lazımsa, edəcəklərini bildirdilər. “Dalkurt”un istəyəcəyi məbləği də ödəyəcəklərini dedilər. Beləliklə, “Elfsborq”a keçdim. Bu klubla 2 illik muqavilə imzaladım, burada da bombardir oldum. 1 il oynadıqdan sonra “Eksilstuna” komandasına qoşuldum. “Eksilstuna” ilə 2 illik muqavilə imzaladım. “Eksilstuna”da 4-5 oyun sonra qol vurdum, lakin bəzi zədələrim oldu. Həmin vaxt komandada olan başqa bir oyunçu həqiqətən çox yaxşı formada idi və mən yalnız 20-25 dəqiqə oynamaq şansı qazanırdım. Buna görə məşqçi ilə söhbət etdim və mənə gələn təklifləri dəyərləndirməyə başladım. Uzun müddət Skandinaviyada olduqdan sonra həyatımda yeni bir cığır açmaq istəyirdim. Norveçdən, Cənubi Afrikadan təklifimlərim var idi. Lakin Azərbaycana yenidən qayıtmaq istədim. Cünki buranı çox gözəl tanıyırdım. Azərbaycanda mənimlə daha iki klub maraqlanırdı. Lakin “Səbail”i seçdim. Çünki yeni yaranan klubdur, turnir cədvəlində mövqeyi yaxsıdır və bilirəm ki, burada məqsəd var. Kluba gələndən sonra düzgün qərar verdiyimə əmin oldum. Var gücümlə çalışacağam ki, klub öz hədəflərinə çatsın.

– Azərbaycanda çıxış etmişdiniz. 2014-cü ildə 11 oyunda meydana çıxdığınız “Rəvan”dakı 6 aylıq dönəmi necə xatırlayırsınız?
– “Rəvan”a gəldiyim vaxt, demək olar ki, komandanın aparıcı oyunçularından biri idim. Orada da məni çox yaxşı qarşıladılar. 6 ay – oynadığım müddət mənimçün çox yaxşı təcrübə oldu. Məşqçilər və oyunçular mənə güvənirdilər. Futbolda elə anlar olur ki, kədərlənirsən. Lakin həmin 6 ay mənim üçün çox yaxçı təcrübə oldu.

– Yenidən Azərbaycan klubunda çıxış etmək təklifi gələndə ilk olaraq nə düşündünüz?
– Agentim soruşdu ki, belə bir variant var, sən Azərbaycana, Bakıya yenidən getmək istərdinmi? Düşünmədən razılıq verdim. Çünki Bakını çox yaxşı tanıyıram. Bilirsiniz ki, ailəliyəm, iki övladım var. Bu şəhərə də yaxşı bələd idilər. “Səbail” klubu ilə bağlı təbii ki, mən də başqa futbolçular kimi araşdırma apardım, “Keşlə” ilə oyuna baxdım və ilk oyunda komandamız qalib gəldi. Komandamıza inanıram. Böyük məqsədlərimiz var. Hazırda Avropa Liqasına getmək şansımız mövcuddur. Komanda yoldaşlarımla birlikdə Avropa Liqası təcrübəsini yaşamaq istərdim.

– Çempionatımızda hansı dəyişikliklər diqqətinizi çəkdi? “Bayıl Arena” çoxmu dəyişib?
– Məncə, çempionat daha da inkişaf edib. “Bayıl Arena” ilə bağlı bir fərqi qeyd etmək istərdim ki, “Rəvan”da oynadığım dövrdə burada baza yox idi. Amma indi yeni və çox gözəl, hər cür şəraiti olan bazamız var. Bu da, komanda üçün çox müsbət bir haldır.

– Yeni klubunuzda ab-hava, təəssüratlarınız necədi?
– “Səbail”də əhval-ruhiyyə, komandadakı atmosfer çox müsbətdir, pozitivdir. Oyunçular məni çox yaxşı qarşıladılar. Komandaya yavaş-yavaş uyğunlaşmaqdayam. Burada ilk oyunum “Sabah”a qarşı oldu. 3 aydan sonra bu mənim ilk rəsmi oyunum idi və uğurlu start oldu – biz qalib gəldik. Bir komanda olaraq xarakterimizi, qələbəyə inamımızı göstərdik, istədiyimiz 3 xalı qazandıq. “Neftçi” ilə qarşılaşma isə çox inanılmaz oldu. Müdafiəilərimiz çox yaxşı oynadılar. Çox xoşbəxtəm ki, liderə qalib gəldik və gücümüzü göstərə bildik.

– “Səbail”ə tam uyğunlaşmağınız üçün nə qədər zamana ehtiyac var?
– Peşəkar futbolçu üçün uyğunlaşmaq asan olur. Bunun üçün mənə 1-2 ay vaxt lazım deyil. Peşəkar futbolçu klub üçün var gücünü ortaya qoymalıdır. Düşünürəm ki, futbolçu öz işinə peşəkarcasına yanaşmalıdır ki, uyğunlaşma qısa zamanda alınsın. Komanda ilə təlim-məşq toplanışı keçməməyim mənim üçün problem deyil. Cünki eyni vaxtda sabiq komandamla toplanışda olmuşam.

– Sizcə, “Səbail”in potensialı avrokuboklara vəsiqə qazanmağa imkan verirmi?
– Futbolda hər şey mümkündür. Hazırda turnir cədvəlində 3-cü yerdəyik. 1 və 2-ci yerdə olan komandalarla xal fərqimiz 8, 4-cü yerdə olan komanda ilə isə 6 xaldır. Hər bir oyunçumuza inanıram. Hədəflərimiz var, buna görə mübarizə aparırıq. Mövsümün sonunda hədəflərimizə catmaq üçün heç nə əsirgəmirik. İlin sonunda Avropa Liqasına vəsiqə qazanan komandalardan birinin “Səbail”ə olması üçün nə qədər gücümüz varsa, sərf edirik.


 
tarix: 06-03-2019 11:32


 
Xəbər lenti
25.05.2019

12:14   “Qızıl buts” mükafatının qalibi bəlli olu

11:35   “Zirə” Bilal Həmdini heyətdə saxlaya bilmir

11:07   Premyer Liqa klubunun azarkeşinə irqçilik cəzası

10:57   “Qəbələ”də son qərar gözləntisi

10:31   PSV-dən Super Liqa klubuna

10:00   “Trabzonspor”da ayrılıq

09:33   Əmrə “Fənərbaxça”ya qayıdır: Klub prezidenti açıqladı

09:00   Şenol Günəş “Beşiktaş”dan getdi

01:07   PSJ-dən mövsümün son matçında məğlubiyyət

00:01   “Beşiktaş” mövsümü qələbə, “Qalatasaray” məğlubiyyətlə başa vurdu

24.05.2019

22:01  “Qəbələ” ilk kubokunun təqdimatını edəcək

20:15  İspaniya klubundan Azərbaycan millisinin üzvü ilə yeni anlaşma

19:47  Françesko Toldo ilə Maykl Ouen Bakıda

18:06  “Sabah”da yeni məşqçi təyinatları

17:40  Şenol Günəş Türkiyə millisinin heyətini açıqladı

17:12  Premyer Liqa klbunda 3 illik müqavilə

16:47  “Arsenal” Bakı finalından sonra onunla yolları ayıracaq

16:24  PSJ-nin futbolçusu əməliyyat olundu

15:51  “Liverpul” UEFA-dan narazıdı

15:32  Venger də Bakı finalından danışdı

15:17  Elşad Əhmədov: “Onun taleyinə rəhbərlik qərar verəcək”

14:53  “Ayaks”da 3 illik müqavilə

14:32  “Sumqayıt”ın son mövsümdə vurduğu bütün qollar - VİDEO

14:15  “Azarkeşlər Bakıdakı finaldan zövq alacaqlar”

13:54  “Qəbələ” Qriqorçukun bütün kadrlarını göndərdi

13:36  “Sevilya”da italiyalı baş məşqçi

13:07  “Sumqayıt” geridə qalan mövsümdə - STATİSTİKA

12:49  Emil Balayev ən yaxşılar arasında

12:24  Bakı finalına doğru: Azarkeşlər üçün VİDEObələdçi

12:00  Azərbaycanlı hakimlərə beynəlxalq təyinat

11:47  Marçello Lippi yenidən milli komandada

11:31  Bakı finalına doğru: “Görüşə Premyer Liqa oyunu kimi hazırlaşırıq”

11:22  PSJ-də Neymar - Mbappe gərginliyi: İkisindən biri gedir

11:11  Meneceri Petrovu Kiyev “Dinamo”suna layiq bilir

11:00  Braziliya millisinin sabiq forvardı karyerasını başa vurdu

10:33  “Bavariya” finala ciddi itkilərlə çıxacaq

10:00  Almaniyalı futbolçu İtaliya klubunda

09:30  “Ştutqart”dan ilk oyunda heç-heçə

09:00  Serbiya kubokunun qalibi bəlli oldu

00:25  Premyer Liqada yay bazarlığı - YENİLƏNİR

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az