(+994) 050 678 37 80
(+994) 070 534 65 52

qaynar xətt

Cavad
Natiq Muxtarlı
Tahir Süleymanov
Ölüm ayağında: Zakir Mahmudovu indi xatırlayanlar utansın!

Ölüm ayağında: Zakir Mahmudovu indi xatırlayanlar utansın!

Özünüzü qəhrəman kimi hiss edirsiz, eləmi? Öncə insanların taleyinə biganə qalın, onlarla maraqlanmayın, sonra da sürünərkən, ölüm ayağında olarkən, həyatın onları tam sındırdığına əmin olduqdan sonra səhnəyə çıxın və qəhrəmana çevrilin.
 
Zakir Mahmudovun özünü öldürmək istədiyi haqda xəbər dünən idman mətbuatının gündəm mövzusu oldu. Tanınan məşqçi artıq başqa çıxış yolu görmədiyini deyib, imdad dilədi. Və bütün mətbuatın bu insanın fəryadına biganə qalmadığını görən “Sumqayıt” klubu tələsik tədbir gördü, onunla görüşdü, müəyyən addımlar atacağını bəyan etdi.
 
Halbuki klubun növcavan prezidenti Riad Rəfiyev Sumqayıta ayaq basdığı ilk gün onunla, şəhər futbolunun onun kimi fədailəri ilə görüşməli, problemləri ilə maraqlanmalı, eyni zamanda əl-ələ verib komandanı böyütmək üçün fəaliyyətə başlamalıydı. Rəfiyevin ilk işi Sumqayıt futbolunun tarixini öyrənmək, uzun illər bu şəhər üçün can qoyan bacarıqlı mütəxəssisləri yenidən birləşdirmək olmalıydı. Təbii ki, niyyət təmizdisə, onu pul qazanmaq, cibini doldurmaq yox, burada futbolu inkişaf etdirmək düşündürürsə...
 
Mahmudovun bu vəziyyətə düşməsinə özünün də ciddi səhvləri səbəb olub. Müxtəlif klublarda işləmiş, həqiqi mütəxəssis olan bu insanın şəxsi həyatda qüsurları var, xəbərdarıq. Lakin bəlkə də o səhvlərə elə futbolsuz qalması səbəb olub. Daim işləsəydi, əla bacardığı sahəylə məşğul olsaydı, qüsurlara yol verməzdi. Amma özünə day-day axtarmayıb, kiminsə himayəsi altında olmayıb, “otkat” verməyib, bu üzdən də diqqətsiz qalıb, çətin həyat şərtləri ilə çarpışmaq zorunda qalıb.
 
Rəfiyevə və digər məmurlara belə durum sərfəlidi. Sadə düsturdu: insanlara vaxtında diqqət göstərmirsən, ya məhv olurlar, ya da son həddə çatanda imdad diləyirlər, bunlar da özünü köməyə çatdırır, özlərini reklam edir və xilaskar olurlar.
 
Görəsən, Riad bəy, eləcə də onun kimi səlahiyyət sahibləri Mahmudov kimi və ya ondan betər vəziyyətdə olan, amma qürurunu sındırmayıb sakit dayanan daha neçə mütəxəssisin, futbol adamının olduğunu bilirmi? Bernard Raab, Hans-Yürgen Gede, Bernard Lippert və daha neçə faydasız əcnəbiyə xərclənən pulların kiçik bir hissəsi ilə bu mütəxəssislər daha böyük işlər görə bilərdi. Onlara sadəcə, pul vermək lazım deyil, inkkişaf etmələrinə, təhsillərini artırmalarına, təkmilləşmələrinə yardım etmək lazımdı.
 
Zakir bəy ümumi futbolumuzun aynasıdı. Futbolumuz da belə rəzil gündədi. Və neçə-neçə baş məşqçi məhz onun sayəsində medallara qovuşub, zirvəyə yüksəlib, o isə əsl peşəkar kimi kölgədə qalıb, namusla işini görüb. Sizə özünü yalandan reklam edən, amma heç bir iş görməyən, bugünədək nəticəsi olmayan, illərdi yüzminlər qazanan Yaşar Vahabzadə, Təbriz Həsənov, Babək Alxasov, Vaqif Sadıqov lazımdı. Belə zəhmətkeşlər isə yalnız ölüm ayağında olanda xatırlanır. Həm də sadəcə, görüntü xatirinə...
 
CAVAD

 
tarix: 08-03-2019 13:48


 
Xəbər lenti
26.05.2019

01:05   “Napoli” mövsümü məğlubiyyətlə qapadı

00:58   İspaniya kubokunu “Valensiya” qazandı

25.05.2019

23:58  “Bavariya”dan “qızıl dubl”

22:35  “Konyaspor” autsayderlə bacarmadı

22:07  “Arsenal” artıq Bakıdadı FOTOLAR

21:35  Milli komandamızın üzvü İngiltərə klubuna transfer olundu

21:29  XİN: Ermənistan idmandan siyasi alət kimi istifadə edir

19:23  “Beşiktaş”ın prezidenti Yurçeviçə zəng etdi

18:54  PSJ-dən baş məşqçiylə yeni müqavilə - RƏSMİ

17:38  Bakı finalına doğru: Azarkeş Festivalı başladı!

17:00  Ardıcıl 8-ci çempionluq

16:08  “Arsenal” bu gün gəlir

15:36  Toldo və Ouen Bakıda - VİDEO

15:03  Amil Yunanov “Qəbələ”də: Sənan Qurbanov açıqladı

14:11  Lion “Olimpik”ində ilk ayrılıq

13:21  “Qarabağ”ın bütün potensial rəqibləri bəlli oldu

13:11  Bundesliqada mövsümün rəmzi komandası - FOTO

12:14  “Qızıl buts” mükafatının qalibi bəlli olu

11:35  “Zirə” Bilal Həmdini heyətdə saxlaya bilmir

11:07  Premyer Liqa klubunun azarkeşinə irqçilik cəzası

10:57  “Qəbələ”də son qərar gözləntisi

10:31  PSV-dən Super Liqa klubuna

10:00  “Trabzonspor”da ayrılıq

09:33  Əmrə “Fənərbaxça”ya qayıdır: Klub prezidenti açıqladı

09:00  Şenol Günəş “Beşiktaş”dan getdi

01:07  PSJ-dən mövsümün son matçında məğlubiyyət

00:01  “Beşiktaş” mövsümü qələbə, “Qalatasaray” məğlubiyyətlə başa vurdu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az