(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
Bu necə “Neftçi” tərəfkeşliyidi?

Bu necə “Neftçi” tərəfkeşliyidi?

“Sumqayıt” – “Neftçi” oyununun müzakirəsi bitmir. Qarşılaşmanın baş hakimi Rəşad Əhmədovun idarəçiliyi hər iki tərəfi narazı salıb. Xüsusilə, “Sumqayıt” cəbhəsindən qapıçı Mehdi Cənnətovun meydandan qovulması və Ayxan Abbasovun texniki zonadan kənarlaşdırılması böyük etirazlara səbəb olub. Klubdan açıq danışmasalar da, buna eyham vurulur. Sosial şəbəkələrdə isə Əhmədovun “Sumqayıt”a qarşı həddən artıq sərt davrandığı fikirləri müdafiə olunur.
 
Bəs, həqiqətən də, baş hakim “Neftçi”yə tərəfkeşlik etdimi?
 
Əhmədov 90 dəqiqə ərzində əlini 13 dəfə cibinə apardı. Bunlardan 1-i məlum qırmızı vərəqə üçün oldusa, 8 halda “Neftçi”, 4 dəfə isə “Sumqayıt” futbolçuları “sarı”ya məruz qaldı.
 
Baş hakimin ilk mübahisəli qərarı 19-cu dəqiqədə qeydə alındı. Rəqib müdafiəçi Vurğun Hüseynovla mübarizə zamanı yerdə qalan Baqali Dabo sarı vərəqə ilə cəzalandı. Əksəriyyətin Hüseynovun sanksiyaya məruz qalacağını gözlədiyi epizodda Əhmədov fransız hücumçunun simulyasiya etdiyini düşündü. Halbuki mərkəz xətdən bir qədər irəlidə hakimi aldatmaq Daboya və komandasına heç nə verməyəcəkdi. Əgər həqiqətən də orda qayda pozuntusu yox idisə, sadəcə oyunu davam etdirmək kifayət edərdi. Çünki heç “Neftçi”nin futbolçusu açıq şəkildə cərimə zərbəsi də istəməmişdi. Sarı vərəqə nəticəsində Dabo “Qəbələ” ilə vacib oyunöncəsi cəzalı duruma düşdü – mübahisəli qərarla.
 
Növbəti mübahisəli (əslində heç bir mübahisəyə açıq olmayan) qərar 32-ci dəqiqədə verildi. “Sumqayıt”ın futbolçusu Əli Babayev öz cərimə meydançasında Baqali Dabonun ayaqlarını yerdən üzdü. Topa heç bir müdaxiləsi olmayan israilli oyunçu aşkar şəkildə penaltiyə səbəb olmuşdu. Ancaq referi davam işarəsi verdi. Növbəti sarı vərəqəni almaq qorxusundan Dabo heç etiraz belə edə bilmədi. İstənilən halda, görüşün nəticəsinə birbaşa təsir edə biləcək epizodda Rəşad Əhmədov kobud səhvə yol vermişdi. Və əgər penalti təyin etməmişdisə, bu dəfə də hakimi aldatmağa cəhd səbəbindən Daboya ikinci “sarı”nı göstərib, meydandan qovmalıydı.
 
Bundan sonra heç nədən Vangelis Platellas, hətta meydanda olmayanlar – Aqil Məmmədovla Əli Şirinov da “saralan”lar karvanına qoşuldular.
 
“Sumqayıt”ın narazı olduğu məqamlara gəldikdə, Cənnətovun meydandan qovulmasına səbəb olan hərəkətini “CBC Sport” yaxalaya bilməsə də, PFL bir neçə rakursdan təqdim etdi. Məlum oldu ki, o, həqiqətən də, rəqib futbolçu Kirilo Petrova dirsəyi ilə zərbə endirib.
 
Ayxan Abbasov isə məşqçilər üçün xətti keçdiyinə görə tribunaya göndərilib. Bəli, bir çox hallarda hakimlər buna göz yumurlar, ancaq Əhmədovun buna qədər biri “Sumqayıt”dan olmaqla meydandan kənardakı 3 futbolçunu sarı vərəqə ilə cəzalandırdığını nəzərə aldıqda, bunu normal qəbul etmək lazımdı.
 
Yekunlaşdırsaq, bəlli olur ki, Rəşad Əhmədov matçın lap əvvəllərindən oyunun ipini əldən buraxıb və bundan sonra yığıb-yığışdırmaq mümkün olmayıb. Referinin “Neftçi”yə simpatiyasının olması, tərəfkeşliyi ilə bağlı fikirlər tamamilə əsassızdı. “Ağ-qaralar”ın aşkar penaltisi verilmədi, vacib oyunöncəsi futbolçusu heç nədən cəzalı duruma düşdü, bir oyunda 8 sarı vərəqəyə görə klub ciddi məbləğdə cərimələnəcək və s. Elə isə bu necə “Neftçi” tərəfkeşliyidi?
 
Futbolpress.az

 
tarix: 11-03-2019 18:00


 
Xəbər lenti
16.07.2019

01:09   “Qəbələ” Boluda doluya düşdü

00:35   “Qəbələ”nin daha bir futbolçusu Çexiya klubunda

00:16   Davit Volkov: “Dinamo” ilə şanslarımız bərabərdi”

15.07.2019

23:21  “Neftçi” Kvame Karikari ilə müqaviləyə xitam verdi

22:08  “Neftçi”də istirahətə son, hazırlığa davam

20:22  ABŞ millisinin üzvü rəsmən “Beşiktaş”da

19:33  “Qarabağ”ı keçmək üçün hər şeyi edəcəyik”

19:00  “Qarabağ” - “Partizani”: Mətbuat konfransları və son məşqlər

18:35  “Yuventus” yeni transferini təqdim etdi

17:44  “Sevilya”dan növbəti transfer - RƏSMİ

17:15  “Qarabağ” yeni transferini rəsmən açıqladı

16:53  Yunanıstanlı müdafiəçi “Zirə”də

16:34  “Fənərbaxça”dan ayrılan futbolçu La Liqa klubunda

16:15  Korneliu Papure: “Səbail” bizə sürpriz yaşada bilər”

15:54  Kasilyasın yeni iş yeri bəlli oldu

15:36  Azərbaycanlı hakim DÇ-nin seçmə mərhələsində

15:12  Türkiyəyə gətirildi, müqavilə bağlamaqdan son anda imtina etdi

14:50  “Neftçi” və “Səbail”in cavab oyunlarının hakimləri açıqlandı

14:36  “Neftçi” - “Speranta” matçının biletləri satışda

14:06  “Fənərbaxça”nın 4 futbolçusu rəsmən “Rizəspor”da

13:39  Emil Balayev rəmzi komandada - FOTO

13:12  “Partizani”nin cavab matçı üçün start heyəti

12:50  Orxan Hüseynzadə ÇL matçına təyinat aldı

12:35  La Liqa klubundan rekord transfer

11:51  Əsgərovun komandası darmadağınla 1/4 finalda

11:30  Emil Balayev: “Bizə çətin olacağını bilirdik”

11:15  AFFA “Turan Tovuz”la bağlı tender elan etdi

11:00  “Qarabağ” – “Partizani”: Hakim təyinatları açıqlandı

10:45  Millimizin dünya çempionatı üçün heyəti açıqlandı

10:30  Paşayevli “Aleksandriya”ya 1 qol bəs etdi

10:00  “Valensiya” 50 milyonluq hücumçu aldı

09:30  “Partizani”nin baş məşqçisi: “25 milyonluq büdcəsi olan komandaya qarşı oynayırıq”

09:00  “Qəbələ”dən ayrılan daha bir futbolçu İsrailə üz tutdu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az