(+994) 050 678 37 80
(+994) 070 534 65 52

qaynar xətt

Cavad
Natiq Muxtarlı
Tahir Süleymanov
Səbuhi Bayramovun mərkəzi oyunda nə işi var?

Səbuhi Bayramovun mərkəzi oyunda nə işi var?

Premyer Liqanın 21-ci turunun ən önəmli görüşü “Neftçi” – “Qəbələ” matçıdı. Bu oyunda çox şeyə aydınlıq gələcək. Meydan sahibləri çempionluq, qonaqlar Avropa Liqasına birbaşa vəsiqə uğrunda yarışdığından amansız mübarizə gözlənilir.
 
Mərkəzi qarşılaşmaya təyinat alan hakimlər briqadası isə düşünməyə əsas verir. Premyer Liqada 20 tur ərzində cəmi 4 oyun idarə etmiş Səbuhi Bayramov indi liderlə digər iddialının taleyini müəyyən etməlidi. FIFA referilərinin yox, məhz gənc birinin döyüşə atılması sual doğurur. Niyə o?
 
Səbuhi ötən il – 12-ci turda debüt edib (“Zirə” – “Sumqayıt” 3:1). 2019-da isə onu 3 qarşılaşmada görmüşük. 16-cı turda “Qəbələ”nin “Sabah”ı səfərdə 1:0 yendiyi görüşdə iş başında olan Bayramov, “Neftçi”nin “Zirə”də xal itirməsinin (0:0) də şahidi olub. 19-cu turda “Səbail”lə “Sumqayıt”ın qolsuz sülhünü də bu hakim qeydə alıb.
 
Daha təcrübəli hakimlər, 3 FIFA referisi qala-qala Səbuhinin mərkəzi oyunda görünməsi maraqlıdı. O, ya Rəşad Əhmədov kimi oyunun məsuliyyətini qaldıra bilməyib səhvləri sıralayacaq, qalmaqal yaradacaq, ya da sifarişlə göndərilib, kiminsə haqqını yeyəcək.
 
Son günlər Sumqayıtdakı matçdan sonra “Neftçi”nin hədəfə alındığı deyilir. Həmin qarşılaşmada hakim rəğbəti görən bakılılara indi bunun cəzası kəsilə bilər. İlk hissədə penaltisi veriləyən bakılıların fasilədə hakimlərə təzyiq etdiyi, bu səbəbdən Rəşad Əhmədovun ikinci yarıda səhvini düzəltmək üçün meydan sahiblərini “baltaladığı”  deyilir. İndi isə AFFA özünü ədalətli göstərmək üçün “Neftçi”ni sıxışdıra bilər.
 
Lakin medalın 2 üzü var. “Qəbələ”  kimi müstəqil klub da AFFA üçün arzulanan deyil. “Qırmızı-qaralar”ın “Səbail”dən önə çıxması “ümumi maraqlara” ziddi. Yəni, qonaqlara kömək göstəriləcəyini gözləmək sadəlövhlük olar.
 
Bununla belə, hakim təyinatı şübhəyə əsas verir. Təcrübəsiz Bayramov oda atılıb, onun nə hoqqa çıxaracağını tezliklə biləcəyik. Bu təyinatdan hansısa komanda fayda görə bilər, amma hər ikisinin yandırılması da mümkündü. Son turlarda futbolu meydandan kənarda oynayırlar.
 
AĞA

 
tarix: 13-03-2019 11:17


 
Xəbər lenti
27.05.2019

00:41   A Seriyasında mövsümə yekun vuruldu

00:25   Premyer Liqada yay bazarlığı - YENİLƏNİR

26.05.2019

22:36  Super Liqada mövsümə yekun vuruldu

20:46  Azər Əliyev üçün son turda 32 dəqiqə

19:28  Səfirlik: “Mxitaryan 3 dəfə Azərbaycanın işğal olunmuş ərazilərinə səfər edib”

19:18  Ayaz Quliyevin komandası Avropa Liqasında

18:17  Ramil Şeydayev darmadağına üzüldü

17:17  Emil Balayev oynadı, “Tobol” qalib gəldi

16:12  İsrafilov üçün 45 dəqiqə və 1 xal

15:36  Balotelli Fransa klubundan ayrıldı

14:39  TFF prezidentliyinə 5 namizəd

14:06  “Qalatasaray”da ilk ayrılıq - RƏSMİ

13:33  “Barselona” finalda belə uduzdu - VİDEO

13:02  Bakı finalı: milyardların mübarizəsi

12:30  “Bavariya” darmadağınla kubok qazandı - VİDEO

11:31  “Qalatasaray”dan Fatih Terimlə yeni müqavilə - RƏSMİ

11:20  Şotlandiya kubokunda 39 qat qalib

11:00  “Qəbələ” heyəti gəncləşdirir: Volkovdan başqa hamı yola salınacaq

10:28  Portuqaliya kubokunun qalibi bəlli oldu

09:30  Amit Quluzadə mövsümün son matçında da oynamadı

01:05  “Napoli” mövsümü məğlubiyyətlə qapadı

00:58  İspaniya kubokunu “Valensiya” qazandı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az