(+994) 050 678 37 80
(+994) 070 534 65 52

qaynar xətt

Natiq Muxtarlı
Tahir Süleymanov
Etibar Cəbrayıloğlu
Sifarişli heyət: Yurçeviç üçün namizədləri kim seçib?

Sifarişli heyət: Yurçeviç üçün namizədləri kim seçib?

Milli komandamızın yeni baş məşqçisi Nikola Yurçeviç açıqladığı ilk heyət ilə özünü ifşa etdi. Xorvat məşqçi yığma komandaya özünün deyil, məsləhətçilərinin istəyinə görə oyunçu seçib.

Xorvatiya millisi ilə rəsmi, Litvaya qarşı yoxlama görüşlərində oynayacaq 23 nəfərlik heyət xeyli qəribədi. Sürpriz adlar bir yana, layiq olub çağırılmayanlar da var.

Təbii ki, seçimi məşqçinin öhdəsinə buraxıb, hörmət göstərmək olardı. Amma görəndə ki, seçilənlər yalnız “Sumqayıt”ın prezidenti, millinin qeyri-rəsmi meneceri Riad Rəfiyevin istəyinə görədi, susmaq olmur. Yurçeviçin gəlişində də birbaşa rol oynayan bu növcavan meneceri olduğu futbolçuları millinin düşərgəsinə çağırtdırıb.

3 qapıçı, 7 müdafiəçi, 10 yarımmüdafiəçi, 3 hücumçunun xidmətindən yararlanacaq Yurçeviç komandanı martın 16-dan etibarən təlim-məşq toplanışına yığacaq.

Qapıçıların siyahısında millinin kapitanı Kamran Ağayevi görmədikdə təəccübləndik. Düzdü, Səlahət Ağayev bu gün ən yaxşı formadadı, Emil Balayev Qazaxıstanda legioner həyatı yaşayır. Bununla belə, səhvləri üzündən ehtiyata göndərilən “Qarabağ”lı Şahruddin Məhəmmədəliyevdənsə Kamran daha layiqli idi. Hətta son vaxtlar kobud səhvlərlə yadda qalması da seçimin onun üzərində edilməsinə əngəl olmamalıydı. “Zirə”də bu il möcüzələr yaradan Kamal Bayramov belə Şahruddindən daha yaxşıdı.

Klubdan aldığımız məlumata görə, Kamran dabanından zədə alıb və “Keşlə”nin dünənki məşqçini buraxıb. Onun növbəti turda oynayıb-oynamayacağı bilinmir, klubundan da dəqiq söz demirlər. Oynamasa, Yurçeviçə rəy verən həkimlər haqlı çıxacaq, oynasa, o zaman şübhələr daha da artacaq.

Müdafiədə Maksim Medvedev, Bədavi Hüseynov, Rahil Məmmədov, Ömər Buludov, Anton Krivotsyuk, Təmkin Xəlilzadə, Şəhriyar Rəhimov yer alacaq. Zədəli Pavel Paşayevin yoxluğunda Şəhriyarın dəvət alması gözləniləndi. İnsaf naminə, klubda da pis çıxış etmir. Amma “Qəbələ”dən heç kimin dəvət almaması, hətta əla mövsüm keçirən Bəhlul Mustafazadənin yaddan çıxarılması təsadüf ola bilməz.

Qara Qarayev, Riçard Almeyda, Mahir Mədətov, Araz Abdullayev, Eddi İsrafilov, Emin Mahmudov, Namiq Ələsgərov, Əli Babayev, Aleksey İsayev və Dmitri Nazarovun adının olduğu yarımmüdafiəçilər siyahısı maraqlıdı. Eddi son vaxtlar İspaniyada müntəzəm oynayır, dəvətinə qısqanc yanaşa bilmərik. Hər nə qədər ürəyimizə yatan futbolçu olmasa da, azarkeşlər sevməsə də, müntəzəm forma geyir, hansı səviyyədə olduğunu da tezliklə görəcəyik. Amma Cavid Hüseynov, Cavid İmamverdiyev, əla mövsüm keçirən Ağabala Ramazanov, Rahid Əmirquliyev kənarda qala-qala İsayevlə Babayevə debüt şansı vermək məqsədlidi. Onların ölkə çempionatında əla oyuları olub, amma indi autsayderin heyətindədilər və uğursuzdular. İsrail qanı daşıması ilə fəxr edənlərin bir günün içində milliləşdirilib, millimizin formasına layiq bilinməsi təəssüf doğurur. Deməli, bu ölkənin millisi də azərbaycanlılar üçün deyil.

Hücum xəttinin normal seçildiyini demək olar. Ramil Şeydayevlə Mirabdulla Abbasov əla formadadı, Rüfət Dadaşov enişdə olsa da, daha yaxşı olan başqası yoxdu.

“Qəbələ”, “Zirə” və “Keşlə”nin millidə təmsilçisinin olmaması təəssüf doğurur. Halbuki Ömər Buludova debüt şansı verməklə alqış qazanan Nikola Tellur Mütəllimov, İlkin Muradov, İlkin Qırtımov, Slavik Alxasov, Amin Seydiyev, Bəhlul Mustafazadə kimi futbolçulara da qara eynəklə baxmamalıydı.

Ümumiyyətlə, millidə “Qarabağ” 8, “Neftçi” 6, “Sumqayıt” 2, “Səbail” və “Sabah” 1 futbolçu ilə təmsil olunur. Daha 5 nəfər legioner dəvət alıb.

AFFA-nın fəaliyyətinə qiymət vermək üçün bir faktı da qeyd edək. Şahruddin Məhəmmədəliyev, Bədavi Hüseynov, Anton Krivotsyuk, Riçard Almeyda, Eddi İsrafilov, Emin Mahmudov, Əli Babayev, Aleksey İsayev, Dmitri Nazarov, Ramil Şeydayev, Rüfət Dadaşov Azərbaycanda yetişməyib. Bu isə milli komandanın tam yarısı deməkdi. İndi Yurçeviçi qınaya bilərik, amma millinin bu vəziyyətə salınmasının səbəbləri daha dərindədi. Xorvat çalışdırıcı da ona görə seçilib ki, bu eybəcərliyə göz yumsun, kim məsləhət bilinsə, onu oynatsın, bir ilini başa vursun və yüzminlərlə avronu cibinə qoyub qaçsın.

FƏRİD


 
tarix: 13-03-2019 18:26


 
Xəbər lenti
27.03.2019

01:50   İspaniyadan inamlı qələbə, İtaliyadan darmadağın

26.03.2019

23:37  Əliyev “Lokomotiv”ə qarşı 23 dəqiqə oynadı

21:44  Vüqar Məmməd: “Turniri belə bitirməməliydik”

20:42  İspaniya yığmasında baş məşqçi şoku

19:54  Millimiz Rumıniyaya da böyük hesabla uduzdu

17:26  “Neftçi” “Keşlə" ilə oyuna 3 əskiklə hazırlaşır

16:31  Birinci Divizionda 20-ci turun bütün təyinatları

16:12  Premyer Liqada 22-ci turun hakim təyinatları açıqlandı

15:54  “Qarabağ”lını məyus etdi, tarixə düşdü

15:20  Azərbaycan - Kipr matçının hakimləri açıqlandı

14:53  Kapitandan rekord

14:31  Atipik futbol - VİDEO

14:15  “Qəbələ” - “Sumqayıt” matçında 3 qol - VİDEO

13:47  Sulşerin təyinatı təsdiqlənəcək

13:25  Milyon avroluq heç-heçə

13:18  Ronaldo narahat deyil: “Öz bədənimi tanıyıram”

13:00  Azərbaycan millisində növbəti forma biabırçılığı

12:18  Bir yalanın izi ilə

12:11  Düzələcək?

12:01  231-ci futbolçu

11:53  Eddi üçün “yaxşı oğlan”

11:44  Albaniyadan Andorraya 3 cavabsız qol - VİDEO

11:32  Ukraynadan Lüksemburqda çətin qələbə - VİDEO

11:23  Təmkin təmkin istəyir: “Hamını büdrətməyə çalışacağıq”

11:12  Qara Qarayev: “Nə desəm, bəhanə kimi görünəcək”

11:00  Portuqaliya - Serbiya maçında heç-heçə - VİDEO

10:47  Aqolli rəsmən ABŞ klubunda

10:31  “Qarabağ”ın futbolçusu üçün 90 dəqiqə və 1 xal - VİDEO

10:00  Fransadan “Qarabağ”ın qapıçısına 4 qol - VİDEO

09:30  İngiltərə 3 xalı 5 qolla qazandı - VİDEO

02:53  Uruqvaydan darmadağın, Çin uduzdu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az