(+994) 050 678 37 80
(+994) 070 534 65 52

qaynar xətt

“Sabah” - “Sumqayıt” oyunu üçün “tədbirlər planı”

“Sabah” - “Sumqayıt” oyunu üçün “tədbirlər planı”

“Sabah”da vəziyyət yaxşı deyil. Son 11 oyunda cəmi 5 xal toplayan, bu il keçirdiyi 6 oyunun 4-də yenilən, son 2 matçda darmadağından qaça biləyən debütant ən pis günlərini yaşayır. Qış fasiləsi ərəfəsində hətta mükafatçılar sırasına düşəcəyi ehtimal edilən komanda hər an autsayderə də çevrilə bilər.
 
Klub rəhbərliyi bunun fərqindədi. Amma hələ ki, hansısa radikal qərar yoxdu, səbrlə vəziyyətin düzəlməsini gözləyir, məşqçi və oyunçulara dəstək olurlar. Başqa komandada bu nəticələrdən sonra aləm bir-birinə dəyərdi, amma “Sabah”ın başbilənləri maliyyə baxımından səxavətli olduğu kimi, komandayla davranışda da alicənabdılar. Bəlkə də bu alicənablıq qədərindən çoxdu, bir az tələbkar olmaq lazımdı, amma onlar bu üsulu münasib bilir.
 
Evin sirrini çölə çıxarmamağa çalışan “Sabah”da heç də həyat dayanmayıb. Bildiyimizə görə, klub daxilində lazımi işlər görülür, tədbir tökülür. Amma bütün bunlar ajiotajsız, sakitcə tənzimlənir. Baş məşqçinin də, futbolçuların da səhvi analiz edilir, deyilir, həllinə çalışılır.
 
Əslində, debütantdakı problemlər hamıya bəllidi. Hər şeyin başında kollektivdaxili münasibətlərin düzgün qurulmaması durur. Baş məşqçi Elşad Əhmədov futbolçularla davranışı, ünsiyyəti düzgün qurmayıb. İlk gündən səhv addımlar atılıb və indi bunun fəsadları üzə çıxır. Bir çox oyunçular sıxışdırılıb, əvəzində digərləriylə kralmış kimi davranılıb. İndi həmin krallar həddini aşıb, daim pis üz görənlər isə ayrıseçkilikdən bezib və münasibətlər pozulub.
 
Əhmədov yaxşı, bacarıqlı məşqçidi. Ammma pedaqoq, psixoloq kimi bişməyib, hələ Premyer Liqa səviyyəsində yetişməyib. Bəlkə də bunadək daim uşaqlarla işlədiyindən indi yeni mərhələdə manevr etmək üçün təcrübəsi çatmır. Nə hamı üçün yumruq göstərəcək cəsarəti yoxdu, nə də onları ailə kimi birləşdirməyi bacarmır. Qızıl ortanı tapa bilməyəndə isə kollektivdəki ab-hava pozulur.
 
Son oyunlar göstərdi ki, məşqçinin getməsi üçün çalışan futbolçular var. Legionerlər, xüsusilə də serblər Elşad bəydən xoşlanmır. Baxmayaraq ki, Əhmədov həmişə məhz onları göz bəbəyi kimi qorumuş, digərlərinə pis münasibət göstərmişdi. Ancaq indi onlar hər şeyi istədikləri kimi nizamlayırlar. “Neftçi” və “Keşlə”yə 0:3 hesablı məğlubiyyətlər birbaşa işə barmaqarası münasibətin nəticəsi idi. Futbolçular ruhsuz oynayırdı, məğlubiyyəti oyuna çıxmamış qəbul etmişdilər. Avrokuboka yüksəlmək imkanı və ya başqa hansısa motivasiya mənbəyi yoxdu. Belədə kənar maraqlar üzə çıxır, bu isə ağacı içindən qurdun yeməsinə bənzəyir.
 
Əhmədov bir çox oyunçulara lazım olandan çox səlahiyyət verib. Məsələn, Marko Deviç elə ilahiləşdirilib ki, sanki “Sabah” ondan ibarətdi. Mövsümün əvvəlində həqiqətən əla oynayır, komandaya fayda verirdi. İndi isə başqa “keyfiyyətləri” üzə çıxıb, özünü “Sabah”ın gələcək məşqçisi kimi görür, hər şeyə qarışır, həmyerlilərindən dəstək alıb hoqqa çıxarır. Belə münasibət isə təbii ki, xaosa səbəb olur.
 
Klubda vəziyyət belə idi və bildiyimizə görə, rəhbərlik hər şeyi analiz edib, vacib şəxslərlə lazımi söhbətlər aparılıb. İndi ya hər şey yolunu tutmalıdı, ya da radikal qərarlar yubanmayacaq. Məşqçi və futbolçular öz taleyini özləri həll etməlidi. “Sabah” kimlər üçünsə nüfuz savaşı meydanı və ya naz-qəmzə çəkiləsi yer deyil. Hamı aldığının qarşılığını verməli, imici qorumalı, nəticələri yaxşılaşdırmalıdı.
 
Legionerlərə təsir imkanı olan bir sıra menecerlər də var. Onlar da hər şeyin dağılmasında maraqlıdılar – özlərini irəli vermək, planlarını həyata keçirmək üçün. Hələlik qırmızı xəttdədilər, lakin klub rəhbərliyi boşluq versə, onların qarşısını almaq olmayacaq.
 
Qarşıdan “Sumqayıt”la oyun gəlir. Və tərslikdən bu matçın başında çox planlar var. Ötən tur “Neftçi”ylə oyunda hakim tərəfindən incidilən “Sumqayıt”ın könlünü almaq, eyni zamanda bu komandanı zirzəmidən çıxarmaq üçün “Sabah” məğlub olmalıdı. Çünki bakılılardan fərqli olaraq, bu komanda AFFA-nın sevimli körpəsidi, onun xilas edilməsi lazımdı. Hansı yolla olursa, bunu etməyə çalışanlar ilk zərbəni elə iki komandanın duelində vurmaq istəyir. “Sabah”dakı qarışıqlıqdan yararlanaraq...
 
“Sabah” bu oyunda da yenilsə, autsayderə çevrilməsi uzağa qalmayacaq. Daha 1-2 turdan sonra debütant hamıya aşağıdan yuxarı baxacaq. Bu isə baş katib Elxan Məmmədova sərf edir. Yeni mövsümöncəsi o, ram edə bilmədiyi klubun rəhbərliyi ilə başqa dildə danışacaq. Reqlamenti əldə bayraq edərək, axırıncı yerdə olanın diviziona getməli olduğunu bildirəcək, halbuki həmin komanda “Sumqayıt” olsa, fərqli tədbir görüləcək.
 
“Sabah”ı Premyer Liqada saxlamaq üçün Məmmədovun tələbləri ola bilər. AFFA-dan kluba 1,6 milyon manat pul ayrılıb. Elxan bəy həmin vəsaitə nəzarət etmək üçün öz adamını kluba yerləşdirmək, idarəçiliyə təsir etmək istəyəcək. Digər klublarda yaratdığı üsul-idarə tətbiq edildikdən sonra isə “Sabah”ın müstəqilliyi də bitəcək.
 
Bu planın baş tutmaması üçün debütant ciddi iş görməli, qara zolaqdan çıxmalıdı. Komandanın əla heyəti var, sadəcə, daxili ab-havanı düzəltmək, yumruq kimi birləşərək xallar toplamaq lazımdı. Sabahkı oyun bu baxımdan önəmlidi. Amma “Sabah”ın məhvini, ən azı asılı salınmasını planlaşdıranlar bu tur hər hoqqa çıxara bilər. Orxan Məmmədovun başçılıq etdiyi hakimlər briqadasına diqqət edin, onlar “Sumqayıt”ın ötən tur yeyilən haqqını debütantdan alıb, qonaqlara vermək istəyir. “Sabah” isə öz haqqını müdafiə etmək üçün diqqətli olmalıdı.
 
AĞA

 
tarix: 14-03-2019 10:14


 
Xəbər lenti
08.12.2019

00:02   “Borussiya” “Bavariya”ya da qalib gəldi

07.12.2019

23:39  “Mançester Siti” “Mançester Yunayted”ə məğlub oldu, “Liverpul” darmadağına sevindi

22:56  “Qalatasaray”a 1 qol bəs etdi

21:48  Dmitri Nazarov oynadı, komandası məğlub oldu

21:14  “Qəbələ”nin “Sumqayıt”la 31-ci dueli

21:07  Həmkarımız Azərbaycan klubuna baş menecer təyin olundu

20:58  “Keşlə” Özbəkistan millisinin üzvü ilə müqavilə bağladı - RƏSMİ

18:07  “Atletiko”nun yeni rekordçusu

17:00  Millimizin oyunlarının başlama vaxtı açıqlandı

16:10  “Liverpul”da ötən ayın ən yaxşı futbolçusu

15:21  La Liqada noyabrın ən yaxşı futbolçusu bəlli oldu

14:08  “Traktor”da Mustafa Dənizli dönəmi başa çatdı

13:47  “İnter” “Roma”yla bacarmadı - VİDEO

12:32  Yılmaz Vural yenə millimizə göz dikib?

12:00  Premyer Liqa klubunda yeni baş məşqçi

11:19  Stankoviç oyunundan razıdı: “Bu sualın cavabını bilmirəm”

10:14  Premyer Liqa klubunda baş məşqçi ilə yeni müqavilə

09:59  Namaşko hakimdən üzr istəyib: “Emosiyalara qapılmışdım”

09:44  Debütant rəqabətə hazırdı

09:30  İsrafilovlu “Albasete” evdə xal itirdi

09:15  Ramil Şeydayevsiz “Dinamo” darmadağına üzüldü

09:00  Dani Kintana: “Həmişə neqativ suallar verirsiz”

02:12  Hərəyə 2 qol, 1 xal

02:03  Lion “Olimpik”i səfərdə darmadağına sevindi

01:55  “Atletiko”dan “Vilyarreal”la heç-heçə

01:48  “İnter” “Roma” ilə heç-heçəyə razılaşdı

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az