(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Stuxlikin tərcüməçi rəisi

Stuxlikin tərcüməçi rəisi

Xaqani Məmmədovu Hakimlər Komitəsinin sədri vəzifəsində əvəzləmək üçün AFFA maraqlı plan həyata keçirdi. Hər nə qədər tənqid olunsa da, sabiq FIFA referisi işini yaxşı görürdü, ən əsası, hakimliyi çirkabdan xilas etməyə nail olmuşdu. Sifarişlə oyun idarə edənlərin, rüşvətə meyl göstərənlərin sayı xeyli azalmış, ləkəlilər AFFA və PFL rəhbərliyinin dəstəyi ilə qovulmuşdu.
 
Amma Xaqani bəy sevilmirdi. Xüsusilə baş katib Elxan Məmmədovun onu görməyə gözü yox idi. Sabiq sədri əvəz etmək üçün daha yaxşı yerli mütəxəssis tapmaq olmadı, belələri var idi, lakin indiki şərtlərlə onlar işləməyə razılıq vermədilər. Bu səbəbdən AFFA struktur dəyişikliyini bəhanə etdi və Xaqani bəy yola salındı.
 
Doğrusu, indi hamı onun ölənlərinə rəhmət oxuyur. Çünki Premyer Liqada əsl xaosdu, kimin əlinin kimin cibində olduğu bəlli deyil, hakimlər klubların sifarişi ilə təyin olunur və qərəzli səhvlər sıralanır. Görünən odu ki, yeni sədr Frits Stuxlik Azərbaycan reallıqlarını yaxşı bilmir, köməkçiləri olan komitə üzvləri də avstriyalının arxasından iş görür, məkrli planları həyata keçirirlər.
 
Əslində, Stuxlik məqsədli gətirilib. O, Hakimlər Komitəsi ilə Hakim-İnspektorlar Komitəsinin birləşdirilməsindən sonra yeni qurumu formalaşdırmalıdı. İnsaf naminə, buna çalışır, yeni sistemi oturdur və xırda yanlışlıqlara baxmayaraq, işini alqışlamaq olar. Ətrafındakılar şəxsi maraqları kənara qoysa, futbolun inkişaf üçün çalışsalar, böyük işlər görmək olar. Gəl ki, keçmişi ləkəli olanlardan yaxşı nəsə gözləmək ağılsızlıqdı. AFFA rəhbərliyi komitənin tərkibini təsdiqləyərkən bunu nəzərə almayıb.
 
Yeni struktur fərqlidi. Birləşmiş komitələrin rəhbəri Frits Stuxlik, üzvlər Vüsal Əliyev, Anar Salmanov, Ömər Paşayev və Elçin Məmmədovdu. Amma beynəlxalq təcrübədə olduğu kimi, Hakimlər departamenti də var, bu quruma isə Cavid Cəlilov rəhbərlik edir. Departament əsasən inzibati işlərin həlli ilə məşğuldu, hakimlərin hazırlığına, təyinatlara komitə cavabdehdi.
 
Və burada paradoksal vəziyyətdi. Belə ki, komitə departamentə tabe olmalıdı, amma Cəlilov Stuxlikdən buyruq alan adam təsiri bağışlayır, hətta maaşa görə də avstriyalı daha yaxşı təmin olunub. Kəsəsi, kimin kimə tabe olması, kimin əsas söz sahibi sayılması ilə bağlı qaranlıq məqamlar var. Bəlkə də belə qarışıqlıq bilərəkdən düşünülüb.
 
Ümumiyyətlə, Cavid Cəlilov kimdi? Onun hakimliyə nə aidiyyatı var? Bu sahəyə necə düşüb?
 
Milli komandalarda inzibatçı işləmiş bu şəxsin birdən-birə departament rəhbəri olması baş katib Elxan Məmmədovun istəyidi. O, məsul postu öz kadrına tapşırıb və onu Hakimlər Komitəsində eşidən qulağı kimi saxlayır. Xidməti maşın ixtiyarındadı, maaşından əlavə 5 min manat “paket” alır. Ən qəribəsi departament rəhbərinin işçisi sayılan Stuxlikə tərcüməşilik etməsidi.
 
Kiminsə adamı olduğu, komitədən lazımi şəxslərə informasiya çatdıracağı üçün “təltif edilən” Cəlilov belə yaşamağı üstün tutub. Amma komitə quruculuğu Stuxlikin boynundadı. Yaxşı işlər görür, gəl ki, proseslərə nəzarət edə bilmir. Hakimlikdə üzvlər tərəfindən yaradılan xaos onun da fəaliyyətinə kölgə salır. Ola bilsin, belə durum kimlərəsə sərf edir, komitəyə təsir imkanları yaradır. Lakin daim bir-birinə badalaq vurmağa hazır olan insanların böyük işlər görəcəyi inandırıcı deyil. 2019-dakı hakim qalmaqalları ümid vermir. Mövsümü bitirmək, yayda bu sahəyə yenidən diqqət yetirmək lazımdı.
 
AĞA

 
tarix: 15-03-2019 09:33


 
Xəbər lenti
22.07.2019

15:30   Millimiz Latviyaya qalib gəldi

15:08   Avroliqanın Çempionlar yolunda 3-cü mərhələnin cütlükləri

14:50   “Qarabağ”ın Avroliqadakı potensial rəqibləri məlum oldu

14:28   3-cü təsnifat mərhələsinin püşkü atıldı - ÇL

14:09   “Qarabağ”ın potensial rəqibi bəlli oldu – ÇL-də

13:47   Messinin 130 minlik avtomobili əlindən alınır

13:00   “Qarabağ”ı təhlil etmişik, yenə də edəcəyik”

12:37   “Napoli”ni “Benfika”ya dəyişdi

12:16   295 minə aldı, 16 milyona satdı - “Fənərbaxça”

11:47   Qaret Beyl dünyanın ən çox qazanan futbolçusuna çevrilir

11:20   “Neftçi” və “Qəbələ”nin potensial rəqibləri bilinir - YENİLƏNİR

11:00   AFFA-da dava: əlbəyaxa oldular

10:47   Qeye “Neftçi” ilə anlaşıbmış

10:28   PAOK-dan Super Liqa klubuna

10:15   Gürcülərlə oyunda - “Qəbələ” diqqətli olmalıdı

10:00   Fransalı futbolçu London klubunda

09:48   AFFA-nın sentyabr planı: Yurçeviç qurban veriləcək

09:34   Baş məşqçinin ürəyi getdi, oyun dayandı - VİDEO

09:23   Milli komandada baş məşqçi istefası

09:11   Əsgərov üçün 61 dəqiqə və 1 xal

09:00   Milli məşqçiləri narazıdı: hərəsi bir cür aldadılıb

00:15   Premyer Liqada yay bazarlığı - YENİLƏNİR

21.07.2019

23:46  Millimiz İspaniyaya böyük hesabla uduzdu

22:35  “Meydandakı mübarizə bizi qane etsə də, səhvlərimiz də var idi”

22:23  Şeydayev 1 hissə oynadı, “Dinamo”...

21:30  Əli oynamadı, “Dauqavpils” darmadağın oldu

20:20  “Sumqayıt”dan Rumıniya klubu ilə məhsuldar heç-heçə

18:43  Emil Balayevli “Tobol” 5 qola üzüldü - VİDEO

17:32  Xudiyevlə Hacıyevə UEFA-dan yeni təyinat

17:00  “Atletiko” braziliyalı ilə rəsmən vidalaşdı

16:30  “Qəbələ” “Feyenoord” və “Olimpiakos”a rəqib ola bilər

16:00  “Qarabağ”la oyuna biletlər bir gündə satıldı

15:27  “Neftçi” “Trabzonspor”la qarşılaşa bilər - Avroliqa

14:18  Emil Balayev baş məşqçisiz qaldı

13:39  “Neftçi” - “Speranta” matçının ən yaxşısı bilindi

13:35  Beyl “Real”dan gedir - Zidan açıqladı

13:00  Millimizin üzvü Avstriya klubunda - FOTO

12:45  “Qəbələ” “Dinamo” ilə oyuna Bakıda hazırlaşır

12:31  “Qəbələ” - “Dinamo” matçında şotlandiyalı hakimlər

12:00  Kökcü Türkiyə millisini seçdi

11:40  “Qəbələ” Avroliqa üçün 26 futbolçu sifariş etdi

11:30  “Roma”dan yeni transfer - RƏSMİ

11:00  Əliyev üçün 58 dəqiqə və 3 xal

10:47  İsrafilovsuz qələbə

10:30  “Traktor” Super Liqa klubuna qalib gəldi

10:00  Nazarov üçün 45 dəqiqə və heç-heçə

09:30  Millimizin futbolçusu İngiltərə klubunda qol hesabını açdı

09:14  Asif Məmmədov klub tapdı

09:00  İbrahimov sistemin təkmilləşməsini gözləyir: “Hələlik markanı yaratmaqla məşğuluq”

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az