(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
BFL və BK-nın ulduzları sülh bağladı

BFL və BK-nın ulduzları sülh bağladı

Ölkəmizdəki futbol həvəskarlarını ilk dəfə olaraq 8x8 formatında futbol ilə tanış edən və əsl futbolsevərləri bir araya toplamağı bacaran Bakı Futbol Liqası ilə Masallı kəndlərini təmsil edən komandaların yarışdığı Birlik Futbol Liqası arasında matç keçirilib. Dostluğun tərənnümü və futbolun inkişafı naminə "Böyük oyun" devizi altında təşkil olunan yoldaşlıq görüşündə hər iki komandanın yığma heyəti qarşılaşıb.
 
Bakı Futbol Liqasının rəsmi feysbuk səhifəsində izləyicilərin səsverməsi əsasında formalaşan "BFL All Star" kollektivi öz meydanında "Birlik All Star"ı qəbul edib. Bfl.az saytına müsahibə verən "Birlik All Star" komandasının baş məşqçisi Azər Mirzəyev kollektivin ilk dəfə 8x8 formatında mübarizə aparacağını, lakin bu mübarizənin olduqca maraqlı və həyəcan verici olduğunu deyərək oyunçularının da öz potensiallarını bu formatda daha yaxşı nümayiş etdirəcəklərini bildirib.
 
AFFA-dan göndərilən hakimlər briqadasının idarə etdiyi oyunda matçın start fiti ilə oyunçular öz məharətlərini göstərməyə başlayıb. Qapılar önündə yaranan təhlükələrdən ilk istifadə edən tərəf Masallı təmsilçisi olub. 7-ci dəqiqədə künc zərbəsindən ötürülən topu Mirqasım Cabbarlı başla qapıya göndərərək komandasını hesabda önə keçirib. İlk hissənin son dəqiqəsində Rahid Ağazadə fərqi artırıb – 2:0.
 
İkinci hissə qolla başlayıb. 24-cü dəqiqədə fərqlənən Orxan Əlixanov az sonra Tural Məmmədlinin bərabərlik topunu vurmasında da pay sahibi olub. 47-ci dəqiqədə Elmir Fətəliyevin penalti zərbəsini dəf edən "Birlik All Star"ın qolkiperi Mövlan Kərimov matçın yekun nəticəsini də müəyyənləşdirib – 2:2.
 
 
Oyundan sonra həvəskar futbolda kifayət qədər tanınan Mehdi Əzimzadə təəssüratlarını paylaşıb. “Birlik All Star”ın hücumçusu daha öncə bu formatda oynamadığını, lakin bu qarşılaşma ilə futboldan həzz aldığını bildirib. 8x8 formatının həvəskar futbolçular üçün ideal olduğunu, oyunçuların burada daha rahat oynadığını, texniki və taktiki bacarıqlarını ön plana çıxara biləcək imkan əldə etdiklərini ifadə edən futbolçu növbəti mövsümdə BFL-də iştirak etməyi gözlədiyini vurğulayıb.
 
Qeyd edək ki, artıq Bakı Futbol Liqasının cari mövsümündə çempion bəllidir. Sona bir neçə tur qalmış çempionluğunu elan edən “Uğur” FK Bakı Futbol Liqasının əsas mükafatı olan Həvəskarlar arasında Dünya Çempionatına – “Continental Football League”ə vəsiqə qazanıb. Bu il Rusiyanın paytaxtı Moskva şəhərində keçiriləcək beynəlxalq turnir 8 may tarixində start götürəcək. Turnirin qalibini 10 000 AVRO pul mükafatı gözləyir.

 
tarix: 19-03-2019 20:56


 
Xəbər lenti
18.07.2019

02:39   Nigeriya Afrika Millətlər Kubokunda 3-cü oldu

01:03   1-ci təsnifat mərhələsinə yekun vuruldu - ÇL

00:12   Rəşad Sadıqov: “Qol zamanında gəldi”

17.07.2019

23:48  Tahir Gözəl: “Oyun ilk qoldan sonra başladı”

23:39  “Qarabağ” bizdən güclü olduğu üçün müdafiədən oynadıq”

23:29  Qurbanov: “Komanda hələ ən yaxşı performansından uzaqdı”

23:15  “Qarabağ” İrlandiya çempionu ilə qarşılaşacaq

23:01  “Qarabağ” avrokuboklarda 100-ə çatdı

22:52  “Qarabağ” ÇL-in ikinci təsnifat mərhələsində!

22:29  “Tottenhem”in futbolçusu rəsmən “Atletiko”da

21:55  Avropa Liqası: Gürcüstan klubu növbəti mərhələdə

21:27  Kristian Efros: “Fikrimi dəyişməmişəm”

21:09  Sənan Qurbanov Türkiyə toplanışını dəyərləndirdi

20:46  Əmirquliyev: “İçimizdə bir inam var”

20:11  Aftandil Hacıyev: “Gərək 3 qol vurub, rəqibi təəccübləndirək”

19:57  “Səbail”ə mən də qol vurmaq istəyirəm”

19:18  “Səbail”lə oyunda müdafiə olunarkən diqqətli olmalıyıq”

18:58  “Qəbələ” Türkiyədən qələbə ilə qayıdır

18:30  Premyer Liqada yay bazarlığı - YENİLƏNİR

18:22  “Zirə” növbəti transferini açıqladı

18:00  Roberto Bordin: “3:0 bizi aldatmamalıdı”

17:47  Emin Mahmudov: “Hücum futbolu göstərəcəyik”

17:14  “Vest Hem”dən rekord transfer

16:50  Hollandiya Futbolçular Birliyində ukraynalı prezident

16:25  “Qarabağ” yeni transferini rəsmən açıqladı

16:00  Mançini “Roma”da

15:37  “Sumqayıt” Rumıniya klubu ilə qarşılaşacaq

15:10  “Qarabağ”ın oyununa nə qədər bilet satılıb?

14:56  De Xea qərarını verdi

14:27  Latviya klubunda daha bir azərbaycanlı futbolçu

14:00  Premyer Liqa klubundan yeni transfer

13:42  İspan futbolçu La Liqada klubunu dəyişdi

13:21  Premyer Liqa klubunda yeni baş məşqçi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az