(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
“Səbail” 6 futbolçunu qovdu

“Səbail” 6 futbolçunu qovdu

“Səbail”də baş verən xoşagəlməz hadisələr bir-birini əvəzləməkdədi. Əsas komandayla yanaşı, əvəzedici heyətn düşərgəsində də proseslər nəzarətdən çıxıb.
 
Klub rəhbərliyi 6 futbolçunun I divizionda mübarizə aparan kollektivdən uzaqlaşdırılması barədə qərar qəbul edib. Bunlar Cəfər Əlizadə, Süleyman Mustafazadə, Emil Həsənzadə, Nurlan Rzazadə, Nazim Kərimli və Ağarəhim Kərimovdu.
 
“Səbail” adı danışılmış oyunlarda hallanan klubların “reytinq cədvəli”nə başçılıq edir. Yarandığı gündən az sonra belə iyrənc söz-söhbətlər “dənizçilər”i təqib eləyir. UEFA-dan AFFA-ya göndərilən serkulyar məktubların bir neçəsində “Səbail-2”nin adı çəkilir.
 
Yaxınlarda xəbər vermişdik ki, Siyasət Əsgərovun çalışdırdığı komandanın “Ağsu” ilə səfərdə keçirdiyi matç ciddi şübhələr yaradıb. 17-cu tur çərçivəsində keçirilən görüş “dənizçilər”in səfər qələbəsiylə başa çatıb - 4:3. Baş məşqçi Rüfət Quliyevin “Ağsu”dan uzaqlaşdırılmasını rəsmiləşdirən oyunda hesabı meydan sahibləri açıb. Elnur Səmədovun fərqlənməsinə cavab olaraq “Səbail-2” fasiləyədək 4 qol vurub. İkinci hissədə isə aranlılar adını daha 2 dəfə tabloya yazdırıb. Sərxan Əhmədli, Ramil Orucov, Miremil Həsənov, Rubin Seyidov və Ürfan İsmayılov bu matçdan sonra rəhbərliyin “qara siyahı”sına düşüb.
 
“Qarabağ-2” ilə qarşılaşmadan öncə iclas keçirilib. İcraçı direktor Ramin Həsənovun drijorluq etdiyi toplantı səs-küylü keçib. Həm o, həm də baş məşqçi adları çəkilən futbolçuların danışılmış oyunlara getməsi barədə qulaqlarına xəbər çatdığını iddia edib.
 
Maraqlıdı ki, onlardan İsmayılov komandanın kapitanıdı. Əhmədli ilə Orucov Ağsuda 90 dəqiqə meydana çıxıbsa, qapıçı Miremil Həsənov 45+5-ci dəqiqədə Mövlan Kərimovu əvəzləyib. Cəzalı Rubin Seyidovun “təqsir”i isə odu ki, səfər qafiləsində yer alıb və tribunada əyləşərək kimlərləsə telefonla danışıb. Bilinmir kimlərlə əlaqə saxlayıb və nə söhbət edib. Telefonu qulağına yaxınlaşdırması kifayət eləyib ki, rəsmilər ondan şübhələnsin və haqqında rəvayət uydursun.
 
Bu xəmir hələ çox su aparacaq. Ramin Həsənov Maykl Essyenlə özünü reklam edir, son günlər az qala teleulduz olub, Aygün Kazımova ilə qiyabi rəqabətə girişib. Gəl ki, tezliklə əsas komandanın formasını geyinməli olan gənc futbolçularla bağlı strategiyanı düzgün qura bilmir. Siyasət Əsgərovun «Pro» kateqoriyası ola bilər, amma o, nə vaxtın məşqçisidi? Küçədə daşı hara atsan, gedib cibində «Pro» gəzdirən adama dəyəcək. “Səbail” kimi yeni yaranmış, iddiasını ildən-ilə artıran klubun sabahını Əsgərov kimi təsadüfi kadrların ümidinə buraxmaq futbola təhqirdi. Bir məşqçini ki bığ yeri yenicə tərləmiş futbolçular saya salmır, onu saxlamağın adı, mənası, məqsədi nədi? Sadəcə, sözəbəxan olmasına, vaxtında xəbər gətirib, xəbər daşımasına görəmi?
 
Sportinfo.az

 
tarix: 20-03-2019 10:29


 
Xəbər lenti
19.08.2019

00:03   “Səbail”in “Zirə” üzərində qələbəsi - VİDEO

18.08.2019

23:45  Şeydayev yenə 90 dəqiqə oynadı, “Dinamo”...

23:10  “Leyptsiq” yeni mövsümə darmadağınla başladı

22:50  “Mən ancaq cibimdəki pulun nə qədər olduğunu deyə bilərəm”

22:39  Samir Abasov: “Kanallar qarışmışdı”

22:11  Premyer Liqada 2-ci turun oyun cədvəli açıqlandı

21:56  “Səbail”ə bir qol bəs etdi

21:33  “Çelsi” doğma meydanda xal itirdi

19:42  Əliyev üçün 62 dəqiqə və 3 xal

19:37  CONCACAF-ın qalibi “Sabah”la müqavilə imzalamağa gəlib

18:51  “Borussiya”dan “Bavariya”ya

17:23  İsrafilovsuz və uğursuz start

16:38  Əli Şirinov oynamadı, komandası uduzdu

16:14  Novruzov “Zimbru”ya qarşı 80 dəqiqə oynadı

15:15  “Neftçi”nin sabiq prezidenti "Astana" - BATE görüşündə

15:07  Fəriddən Çexiyada növbəti qol

14:51  Xavinin məşqçi kimi ilk titulu

14:31  “İdman Azərbaycan”ın şərhçisi Kanteyə görə cəzalandı

11:03  Oyuncaq klub: “Keşlə” yenə həvəskarcasına idarə olunur

10:48  Hasan Şaş “Qalatasaray”dan ayrıldı

10:39  Modriçin “siftə”si

10:27  Qurbanovla itiriləcək daha bir mövsüm

09:59  Frey icarəyə getdi

09:47  Kovaçı məmnun edən transfer

09:39  “Barselona”ya qol vurub, Messiyə şərik oldu

09:25  Balotelli “Breşia”da

09:15  “Keşlə”nin 500-cü məyusluğu

09:00  “Qarabağ” Zubiri satmağın əleyhinə deyil

01:53  Vurğun 300 həddinə çatan 21-ci futbolçu oldu

01:31  "Monako"nu 3 qolla devirdilər

01:19  "Real" mövsümə qələbə ilə başladı – VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az