(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Şeydayev “Arsenal”ı arzulayır: “Azərbaycan atalarımın torpağıdı”

Şeydayev “Arsenal”ı arzulayır: “Azərbaycan atalarımın torpağıdı”

Azərbaycan millisinin hücumçusu Ramil Şeydayev "Sovetski sport" nəşrinə geniş müsahibə verib. Həmyerlimiz həm klub, həm də milli karyerası barədə hədəflərindən danışıb.
 
- Dünya çempionatının vitse-çempionuna qarşı oynamaq necə hissdi?
- Onlara qarşı pis oynamadıq. Bir epizodda əks-hücumdan xorvatları cəzalandırdıq. Təəssüf ki, yaxın olmağımıza baxmayaraq, heç-heçə edə bilmədik. İstənilən halda Zaqrebdəki oyuna müsbət yanaşmaq olar. Matçın əvvəlində həyəcan var idi. Axı rəqib ulduz futbolçulardan qurulmuş komandadı. Hər şeyini meydanda qoymaq məcburiyyətindəsən. Litva ilə yoxlama görüşünə isə yorğun çıxdıq. Bir neçə qol şansını qaçırdıq və qolsuz bərabərə qaldıq.
 
- Daha əvvəl Luka Modriçi çox bəyəndiyinizi demişdiniz. Kumirə qarşı oynamaq sizin üçün nə deməkdi?
- Əlbəttə, onunla eyni meydana ayaq basmaq gözəldi. Təsadüfi deyil ki, Modriç keçən il "Qızıl top" qazanıb. Ustalığını oyunda göstərə bilir. Belə bir rəqiblə qarşılaşdığınız zaman idmançı kimi özünüzü inkişaf etdirirsiniz. Bu, əvəzsiz təcrübədi. Yeri gəlmişkən, mən "Real" azarkeşiyəm. Təkcə Modriçə görə deyil. Luka İngiltərədə "Tottenhem"in formasını geyinsə də, orda "Arsenal"a simpatiya bəsləyirəm.
 
- Xorvatiya sizə çətinliklə qalib gəldikdən sonra Macarıstana uduzdu. Sizcə, Azərbaycan yığmasının qrupdan çıxmaq şansı varmı?
- Fikrimcə, mümkünsüz heç nə yoxdu. Seçmə mərhələdə bir neçə sensasiya, maraqlı oyunlar oldu. Çətin qrupdayıq - Macarıstan Uels, Slovakiya... Ancaq biz ikinci yer uğrunda mübarizə aparacağıq.
 
- Azərbaycan yığmasını xorvatiyalı Nikola Yurçeviç çalışdırır. Oyunçular klublarına getməmişdən əvvəl o, sizə nə dedi?
- Yaxşı oyuna görə təşəkkür etdi. Həmçinin iyun ayında Macarıstan və Slovakiya ilə ev oyunlarımızın olduğunu xatırlatdı. Bu matçlar həlledici ola bilər. Bu görüşlərdə maksimum xal toplamaq lazımdı.
 
- Rusiya Premyer Liqasında Azərbaycan yığmasının yeganə təmsilçisisiniz. Komandanızın daha hansı üzvləri bizim çempionatda çıxış edə bilər?
- Çox ad çəkə bilərəm, ancaq konkretləşdirmək istəmirəm. Bunlar subyektiv fikirlərdi. Bir komanda uyğun gələ bilər, digəri yox. Bütün bunlar məşqçinin baxışından asılıdı. Azərbaycanlı futbolçuların ustalıq səviyyəsi kifayət qədər yaxşıdı.
 
- Karyeranıza "Zenit"də başladınız, ardından "Trabzonspor", "Jilina" və "Qarabağ"da davam etdirdiniz. Bu proseslər necə baş verdi?
- "Zenit"də baş məşqçi mənim potensialımı görməmişdi. Ümumiyyətlə, Sankt-Peterburq klubu öz yetirmələrinə az şans verir. Ancaq gələcəkdə ora dönə bilərəm. Həmin vaxt "Trabzonspor"dan cazibədar təklif gəldi, razılaşdım. Ancaq orda da qısa müddət sonra aydın oldu ki, baş məşqçi mənə ehtiyac duymayacaq. "Jilina" təcrübəsi faydalı oldu. Başqa iki variant da var idi, ancaq Slovakiyanı seçdim. Həmin çempionatı avropalı skautlar izləyir. Azərbaycanda isə "Qarabağ"la ölkə çempionu oldum. Ancaq mənim üçün oynamaq titul qazanmaqdan daha vacibdi. Slovakiya və Azərbaycanda qazandığım qızıl medalı Rusiyadakından üstün tuturam.
 
- "Zenit"də olarkən Rusiyanın U-17 yığması ilə Avropa çempionu, U-19 komandası ilə də ikincisi oldunuz. Niyə Azərbaycan millisini seçdiniz?
- Çətin qərar idi. Bəli, bütün həyatımı Rusiyada keçirmişəm. Ancaq orda qalıcı olacağıma və müntəzəm olaraq beynəlxalq təcrübə qazanacağıma zəmanət yox idi. Mən isə ən nüfuzlu yarışlarda iştirak etmək istəyirdim. Azərbaycan yığmasından da dəvət gəldi, azarkeşlər bunu çox isti qarşıladılar. Bu üzdən hər şeyi müzakirə etdikdən sonra razılaşdım. Bu qərarıma görə peşman deyiləm. Son üç ildə Almaniya, Çexiya, Xorvatiya kimi güclü komandalara qarşı oynamaq imkanım oldu. Mənim istəyim də bu idi.
 
- Ancaq əvvəlcə bir ölkənin, sonra isə digər ölkənin himnini səsləndirdiniz...
- Uşaq vaxtı özümü rus hesab edirdim və əsas komandada oynayacağıma ümid edirdim. Ancaq indi milli komanda səviyyəsində özümü Azərbaycanla birləşdirmişəm. Bura mənim tarixi vətənimdi, atamın, atalarımın torpağıdı.
 
- Vətəndaşlığı dəyişdiyiniz üçün sizi Rusiyada qınayan olmadı?
- Xeyr, heç kim bu barədə nəsə deməyib. Sadəcə, məşqçilər qərarı təxirə salmağımı istəyirdilər. Ancaq sonra mövqeyimi öyrəndilər. Hamısı ilə də münasibətim yaxşıdı.
 
- "Krılya Sovetov"da birgə oynadığınız Aleksandr Səmədov Rusiya yığmasını seçdiyi üçün azərbaycanlı azarkeşlərin tənqidi ilə üzləşmişdi. Onunla bu barədə söhbətiniz olubmu?
- Bəli. Ona qulaq asmaq mənə maraqlı gəldi. Çünki o da mənimlə eyni vəziyyətə düşüb. Saşa bildirdi ki, insan istənilən vəziyyətdə müstəqil qərar verməlidi. Hər kəsin öz yolu var. Azərbaycanlı azarkeşlər onun dünya çempionatındakı uğurlu çıxışına sevindilər.
 
- "Arsenal"a azarkeşlik etdiyinizi dediniz. Oyununuzu onların stilinə uyğun bilirsiniz?
- Bəli, onların oyun üslubunu çox bəyənirəm. İlk kompyuterim olanda yalnız "Arsenal"ı seçib oynayırdım.

 
tarix: 28-03-2019 10:29


 
Xəbər lenti
19.10.2019

11:00   “Liverpul”da 5 illik müqavilə

10:30   “Barselona” təklif etdi, “Real” razılaşdı

10:00   Bolqarıstan futbolunda daha bir istefa

09:30   Millimizin üzvü oynamadı, komandası liderliyini qorudu

09:00   “Qəbələ”nin “Qarabağ”la 55-ci dueli

01:22   “Qranada”ya 1 qol bəs etdi

01:14   PSJ 3 xalı 4 qolla qazandı

01:07   “Yığma 0:5 uduzacaqsa, baş məşqçiyə 30-40 min verməyin nə adı var?” - Mahir Şükürov

01:00   “Ayntraxt”dan darmadağın

00:25   “Qəbələ” “Qarabağ”a, “Keşlə” “Sabah”a qarşı - YENİLƏNİR

18.10.2019

23:37  “Qalatasaray”dan çətin qələbə

22:28  Nazarov Almaniyada daha bir qol vurdu

20:41  “Region Liqası”nın püşkü atıldı

20:01  İlham Yadullayev rəsmən “Turan Tovuz”da

19:48  Premyer Liqa klubunda yeni müqavilə

19:14  Divizion matçında “Qarabağ Azərbaycandır!” şüarı - VİDEO

18:31  DÇ-də rekord izləyici – FİFA açıqladı

17:40  Futboldan 2 illik uzaqlaşdırıldı – narkotik maddəyə görə

17:19  PSJ-nin zədəlilərindən ikisi sağaldı

16:59  “Qarabağ”la “Neftçi” uduzdu, “Keşlə” darmadağına sevindi

16:34  119 yaşlı klub fəaliyyətini dayandırdı

16:12  Ferqyusonla bağlı şok ittiham: ÇL-də oyun satıb

15:56  "Qarabağ"a vurduğum qola təəccüblənmədim" - Çiçarito

15:37  “Onun istefasının qələbədə rolu yoxdu” - Ruslan Abışov

15:14  APOEL-dən “Qarabağ”la oyuna havayı bilet

14:53  Ermənistan yığmasında baş məşqçi istefası

14:34  “El klasiko” ilə bağlı rəsmi qərar açıqlandı

14:15  Elxan Məmmədova Nikola Yurçeviçdən şikayət – Millidə “üsyan”

13:57  UEFA “Qarabağ”ın oyunlarında baş verənlərlə bağlı qərarı təxirə saldı

13:40  “Neftçi”nin sabiq forvardı D seriyasında: “Ora uyğunlaşa bilmədim”

13:21  Mövsümün açılış iclası keçirildi

13:05  Kamerunlu futbolçunun evi qarət olundu – 100 min avroluq ziyan

12:44  Amerika kuboku-2020-nin rəsmi loqosu - FOTO

12:22  Fransada sentyabrın ən yaxşı oyunçusu bəlli oldu

12:03  Millimizə Özbəkistan klubundan futbolçu çağırıldı

11:47  “El klasiko” təxirə salındı

11:25  Eşli Koul yenidən “Çelsi”də

11:00  Hakimi təhqir edən baş məşqçinin cəzası azaldıldı

10:42  UEFA “Ayaks”ı 50 min avro cərimələdi - “Borussiya” isə...

10:20  Bundesliqa klubunda yeni müqavilə

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az